حياتي عبارة عن دوامة من الفشل

فضفضة .. تجري الرياح بما لا تشتهي السفن .. حياتي عبارة عن دوامة فشل .عاطل عن العمل .. المفروض خلصت جامعة من سنتين او ثلاث وكل الي ضايل كم مادة هاي المرة الثالثة بسجلهم وما بحضر الفصل ولا بقدم امتحانات واكيد برسب فيهن وبنفصل من الكلية. عندي سيارة امي اشترتلي اياها بالتقسيط مشني وحيدها بعد ما طلقها ابوي الحقير لسبب مرضي الوراثي المنتقل الي من جهتها حسب ادعاؤوا .. مديون بمبلغ تقريبا الف دولار لصحابي وكمان كم شهر لازمني كمان الف دولار للسيارة ... قلبي ميت من بعد ما الحقيرة حطمتني واتجوزت وسافرت قبل سنتين ونص ولحد هلا مش قادر ابطل تفكير فيها مع اني تعرفت ع بنات كثير بعدها و طبعا اختليت في بعضهن وزنيت مممم زرت الكعبة مرتين المرة الثانية بدون نفس يعني بس محرم .. بدخن كثير اخر فترة واكل قليل ..ع كلن بفكر اعمل حادث بالسيارة هيك بريح امي من همها وهمي .... اكثر اشي قاهرني جوز امي .. كثير طيب دار بالو علي ورباني كأني ابنو واكثر لحد ما كبرني وكل يوم بوصيني ادير بالي ع حالي واسعد امي واتخرج واتجوز حتى انو وعدني بشقة ويتكفل بمصاريف زواجي مش قادر حاس كرامتي بالارض.. ابوي الي مسجل باسمو بسألش ولا سأل بزمانو وبعاتب فيي ليش بسألش عنو وما بين جوز امي ... انا ما بستاهل طيبتو مقهور كثير