قسوة إخوتي جعلتني أخاف من موت أبي

اخاف من موت ابي امانة ساعدوني كل يوم ادعي واستودع امي وابوي ليحفظهم الرحمن لكن تجيني وساوس ان لو فقدت ابوي وش بيصير فيني ذا الاحساس م صرت احسه الا لمن شفت قساوة اخواني عليا انا وخواتي يعاملوننا كأننا اعداء وعار عليهم ، ما عمري شفت في قلبهم رحمة علينا لمن بنطلع مكان ينكدون عليك لين تكرهين عيشتك وبس ابوي اللي يبادر ويودينا وكل شوي يردد كلمته انه لو انا رحت وش بيصير فيكم وانا في داخلي اعتصر ألماً لان ابوي ما رباهم على اعانة اخواتهم ناشبين لنا نشبة بحياتنا ولا واحد فيهم تزوج بعد ، امي وابوي لمن اقول لهم عن احلامي يدعموني ويساندوني بس يجون اخواني يعارضون مرض منجد بس امانة ساعدوني ايش اسوي ؟! وليش اخواني كذا حاولت اعرف ولقيت كل سلالة الاولاد زي كذا يبهذلون اخواتهم زبدة الهرجة اني اخاف من موت ابوي ولا وحدة فينا جاهزة لتواجه الحياة وكل يوم اروح الجامعة استودعه ربي لاني خايفة جداً واتكلم كثير مع نفسي مين بيسندني بعد ابوي مين بيخاف علي ويحبني زي ابوي مين ياربي وابوي رد ناس كثير جو يخطبون لان ابوي عنده نظرة للاشخاص سبحان الله عجيبة ومنجد تطلع حقيقة ولا احد كفو فخايفة من بعده اخواني يمشون حالي مع واحد لو تزوحته مثلاً اتعذب معاه ياربي ايش اسوي واحياناً لمن اقول لاختي الكبيرة تقول لي ذي هواجيس وكوابيس سن العشرين لانه صعب ، ياجماعة والله تعبت كل يوم افكر واخاف على امي وابوي افقدهم ياربي تحفظهم ليا لانهم اساس حياتي بالذات ابوي ، واللي يبكيني اكثر انه كل ما صارت مشكلة يرجع يعيد كلمته " لو اني مو موجود وش بتسوون ؟ " ونسيت نقطة ابوي كبير بالسن وسو عملية شرايين وربي خايفة افقده يا جماعة ادري نؤمن بالفضاء والقدر بس يا جماعة مدري كيف اوصف واسفة اطلت بالكلام بأيش تنصحوني اسوي مع ابوي والافكار والوساوس اللي تجيني واخواني المتعصبين يا ليت عاد غيرة خوف لا غيرة انطقي مكانك وخيسي في البيت ياربي بس ياربي.