اخواتي يخجلون مني بسبب حالتي

ما اقدر انسى جرح اخواتي لي انا عمري 28 سنه تقربيا من عمري 17 سنه عانيت من الاكئتاب وماتعالجت الا منذ سنه يعني وانا عمري 27 سنه . المهم لما كان عندي 24 سنه اختي المتزوجه جابت عريس لاختي الاصغر مني وانا مازعلت بالعكس كنت عادي الى ان شفت رساله تقول لاختي الصغيره اختك عقلها صغير ماتنفع للزواج!!!!! ثاني جرح اختي الثانيه ايضا متزوجه كلما اقولها اريد اتعالج عن حاجه ف مستشفى الي تشتغل فيها تطنشني وانا اتوقع عشان البنات الي معاها مايشوفوني ويخطبوني لانهم يدورو على عروسه وهي واضح انها خجله مني لاني حاليا اخذ حبوب نفسيه حتى قبل سنه جات تقولي صديق زوجي يدور عروس لكن اهلي خايفين لانك تاكلي حبوب .. ياالله كيف طاوعك قلبك تجرحيني انا مو مريضه انا بس نفسيتي تعبانه من مشاكل البيت وعدم وجود الامان والحنان واختي الاخرى متزوجه ومره انا حسيت بأكتئاب استمر فتره شهر وكنت ابكي واصرخ من الالم النفسي تخيلو بكل وقاحه تقولي هي واختي الاخرى ليش تسوي بنفسك كذا !!! ع فكره في حريم يسالو عنك وجات طاري الادويه !!! عفوا انا جبت المرض لي ولا ابتلاء من رب العالمين بأي حق تطلبي مني اني اترك الحبوب وانتي ماتعرفي بالالم النفسي الي فيني!!! انتي معلمه مفروض يكون عقلك افهم من كذا بس لاسف اخواتي معلمات ناجحات ف التدريس لكن فاشلات في فهم نفسيتي والان انا مرتبطه بشخص عرف كل عيوبي وحبني لكن ما متاكده هل هو نصيبي ام كالعاده اصاب بخيبه امل!! حسبي الله على الي وصلني لكذا هذا ظلم وذنب فوق رقبتهم لكن هو طلع يحبني وتقدملي سافعل اي شي حتى يوافقو لانهم لاسف دايما يوفقو ف نصيبي وانا كأي بنت اريد زوج واسره :)