أرغب بالزواج لأحظى بالإهتمام والحب

انا فتاة عمري ٢٠ سنه ممكن بعضكم يستغرب من الكلام اللي حأكتبه بس ترا عادي ما فيها شي ..انا صراحة نفسي اتزوج .. ادري بتقولون سنك صغير و بدري و كلام كثير ....بس صدق نفسي يكون عندي زوج اهتم فيه و يهتم فيني اخاف عليه و هو كمان يخاف علي و اطفال صغار اهتم فيهم و اخاف عليهم انا كلمت اختي لان صديقتها تدور بنات للزواج بس اختي مو راضيه تقولي انتي مستهترة تدرين ايش يعني زواج ؟ يعني انا مو صغيرة واعية و عارفة ايش اقول و ايش ابغى في النهاية قالت تشرطين عليه تسكني جنب بيت اهلك و اصلا انتي شكلك كذابة و قامت و طنشتني و راحت !!!. . اممم انا ادري ممكن هاذي الرغبة اللي فيني بسبب نقص او ممكن بسبب اني انسانه وحيدة دائما لا عندي صديقات كثير و لا حتى حبيب اصلا عمري ما حبيت و لا تعرفت على شاب الحمدلله او ممكن بسبب اهلي يهتمون فيني بس بشكل عادي لدرجة ما احس في اهتمامهم كل شخص ببيتنا عايش في عالم ثاني و من النوع اللي دايما منشغلين مع اصدقائهم يعني ما يدورون بعض الا اذا كان في شي او يبغون شي او تجمعو ع وجبة زي الغذا او العشاء بس هادي حياتهم انا صراحة ابغى اعيش ابغى احد قلبه علي ابغى يكون عندي احد اسولف معه اضحك احكيه كل شي بقلبي بدون ما اخاف بدون ما احسب اي حساب لشئ بدون ما انحرج منه بدون ما اتصنع قدامه اني بخير و اكتم بقلبي كل شي ابغى. شخص لو ابعد شوي يفقدني يدورني يلقب الدنيا علي ايوا ابغى احس بشعور الاهتمام و الحب .. اابغى اذا تضايقت اجي له ابكي ع كتفه ابغى احس أن هذا الشخص انا من جد احبه .. و هو يحبني .. ما ابغى شي اكثر من هذا الشعور و صعبة اروح ادوره عند حبيب فعشان كذا مالي الا الزواج ادري الزواج مو دايما الحياةفيه وردية زي الخيال .. في ايام تكون صعبة شوي بس اذا كنتي مع الشخص اللي تحبيه أن شاء الله وقتها حتقدرون تحلوها و بس و الله ..