أخاف أن أصبح أمٌ كأمي

قضايا نفسية
أخاف أن أصبح أمٌ كأمي

انا صبية عمري ٢١ سنة.. من طفولتي ذقت من أمي كتير أذى.. من ضرب لسب وقذف وتحقير وسخرية واتهام وتشكيك وحرمان وتشويه صورتي قدام الناس... إلخ وابي بطبيعة شخصيته عطوف وحنون ومش حازم.. معترف بإنها غلطانة بحقي كتير لكن "تحملي وخلي الحياة تمشي بتضلها امك".. الحل عنده إني اسايرها وآجي على حالي واعمل اللي بدها ياه.. مش مهم تعبانة ومريضة.. وراي امتحانات ولا مشغولة.. نفسيتي تعبانة ولا مكتئبة... مش مهم.انا الحمد لله عشت.. والجميع بيشهد بأخلاقي والتزامي وتفوقي.. لكن ما عمري حسيت إنو إلي ام.. ما عمري حسيت بالأمان.. الوضع دائما بالنسبة إلي.. ان امي بتئذيني وأبي ما بيحميني... ما بدي حدا يحكيلي اكيد في سبب وامك معذورة ومافي ام بتكره وبتئذي ولادها وكل هالحكي... اي في سبب.. تربيتها نفسيتها انانيتها طبيعة شخصيتها عصبيتها والمشاكل اللي بيعملها اخوي الصغير.. حتى ابي قال انو امي عندها مشاكل نفسية بس هيي رافضة تروح تشوف دكتور او مختص. مش موضوعنا امي. المسألة إني صرت بسن زواج... لما كنت صغيرة كنت رافضة فكرة الزواج تماما.. كنت خايفة.. لإنو امي كانت تضل تحكيلي بكرا جوزك واهل جوزك بيعملوا وبيسووا فيكِ وبيبهدلوكِ واذا بتفتحي تمك جوزك ابصر شو بيعمل فيكِ. مع انو ابي واهله ما عمرهم اساؤولها.. بالعكس ابي اكتر زوج حنون وديمقراطي بالدنيا. بس كبرت بديت شوي شوي اميل للزواج.. بالفطرة هيك من جهة.. ولإني شايفة اديش ابي بيحلم بهاليوم... ومن جهة بدي استقل وابعد عن اذاها.. لإنو دايما بتحكيلي هادا بيتي انا مش بيتك.. مع اني انا اللي قايمة بكل شغل البيت من تنظيف لترتيب لغسيل لكله.. إلا الطبخ هيي بتطبخ مرة او مرتين بالاسبوع. مع هالوضع.. رغم انو صاحباتي وزملائي والكل شايفيني راكزة وواثقة من نفسي.. جواي رعب من البشر.. رعب من فكرة الزواج.. ومن فكرة عدم الزواج.. بخاف زوجي يئذيني... بخاف الزواج يمنعني اكمل دراسات عليا... بخاف اطلع زوجة وام متل امي! بخاف ما اتزوج والبشر يئذوني اذا غاب عني ابي... بخاف اظلم الشخص اللي رح اتزوجه لإني عارفة انو ردة فعلي رح تكون متل القطة المرعوبة على اي غلط غير مقصود بيعمله... بخاف الناس ما تفهم خوفي. بخاف... لدرجة كتير اوقات بتمنى اموت وارتاح... بس بخاف ما اكون مستعدة للي بعد الموت كمان ههههه... وضعي بائس.. بعرف.

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الخبيرة النفسية د.سراء فاضل الأنصاري وضعك طبيعي اختاه وليس بائس هذا اولا....نعم امك لديها مشاكل نفسية وعاطفية وقد تكون بسبب ظروفها الامهات امهات وليسوا انبياء قد يكونوا بعلمهم وعطفهم سند وقد يكونوا اعاقة وانت ذكية وواعية وقد حللتيذشخصيتهاىبشكل جيد ومن قال ان الام لا تغار اخيانا من نحاح وقيمة ابنتها؟؟؟ نعم تحدث وهي لا تستطع ان تعترف لنفسها بهذا فتجعلك تعيشي التناقضات نجاحك وحكمتك هي سبب اذيتك ولذلك عليك التحمل والصبر لانك لو كنت تابعة لها وهي افضل منك تماما لما سمعت كل هذا ؟؟لذلك احمدي الله على مكانتك في المجتمع وحكمتك ...والدك ادرى بها وبنفسيتها وهو يعلم لو وقف الى جانبك اكثر لساءت العلاقة اكثر ولذلك هو يتصرف بحذر ويسندك دون ان تدرك...لا تخافي ستتزوجي وترتاحي وتتعلمي وخصوصا انت متحملة مسؤولية بيت وتعامل صعب لذلك نجاحك واضح ولن تكوني مثلها ابدا لانك رافضة سلوكها ولاتوجد لديك نفس اسبابها وظروفك تختلف وانت لديك رغبة بالتطوير تو كلي على بركة الله
  • صورة علم Syrian Arab Republic
    صورة علم Syrian Arab Republic
    من مجهول

    حبيبتي روحي لعند معالج نفسي هيك افضل لان ممكن بس تتزوجي يضل جواتك رهاب وتتعبي زوجك وتتعبي وممكن تتعاملي مع بنتك بنفس طريقة أمك وخاصة انك رافضة تصرفاتهاوالاهم انت ترتاحي من تراكمات الزمن داخلك وترتاح نفسيتك الحل الأمثل تروحي لعند معالج نفسيعم احكيلك عم تجربة موفقة 

  • animate

  • صورة علم Jordan
    صورة علم Jordan
    من مجهول
    انت مش مريضه ولا زي امك..انت رح تكوني ام رائعه وحنونه مثل ابوكي حاولي تساعدي امك باي طريقه شوفي دكتوره نفسيه وجيبيها عل بيت عاساس صاحبتك وعرفيها على امك بدون ما تعرف...وبالنسبه لزواجك ما تترددي لانه اذا فكرت بسلبيه رح تتعبي...وموفقه
  • صورة علم Turkey
    صورة علم Turkey
    من مجهول
    انصحك تتعلجي عن طبيب نفسي قبل الزوج لأنه لما تتزوجي خصوصا لما تخلفي بتبان عليكي المأثرات الدفينة اكيد بتتصرفي بعديها بدون شعور لأنه هذا الموضوع حصل معي بين بعد الولادة صرت اتعصب اضرب بدون شعور بعد الضرب بتجيني حالة هسترية الضحك انصحك بالعلاج قبل الزواح
  • صورة علم Saudi Arabia
    صورة علم Saudi Arabia
    من مجهول
    بتشبه قصتي نوعا ما ..
  • صورة علم Egypt
    صورة علم Egypt
    من مجهول
    انتى زى مايكون بتحكى عنى امى كانت قاسيه وكان كله يقول عليها كدة وبابا طيب وبيخاف منها وكانت بتبهدلنا انا واخواتى واول ماتجوزت كانت شخصيتى ضعيفة اوى وبخاف اوى بسببها بس جوزى قدر دة وفرح وحبنى اوى وانا كدة وانا اتغيرت وهى كبرت واتغيرت اوى هى بقت انسانه تانيه حنينه اوووى
  • صورة علم Jordan
    صورة علم Jordan
    من مجهول
    كان الله بعونك وأقول لكي ان الله مع الصابرين ومشكلتكي قريبة جدا من مشكلتي لكني انصحكي لوجه الله تعالى ان لا تتسرعي في زواجك حتى تحققي الاستقلالية قي حياتك اختاري صح وعلى مهلك هذه حياتك فرتبيها بالطريقة التي تناسبك وحدك ديري بالك
  • صورة علم Saudi Arabia
    صورة علم Saudi Arabia
    من مجهول
    خليك دايما واثقه من نفسك والشعور بالخوف هذا من وساوس الشيطان لاتدعيه يسيطر على افكارك دايما ميزي بين الصح والغلط وخليك واثقه دامك بتعملي الصح ان شاء الله مافي خوف والزواج بتحصل فيه مشاكل كثيره بس اهم شي الانسان كيف يقدر يحل هذه المشاكل ويتخطاها يعني انت توقعي عندما تتزوجين لازم بتصير مشاكل بس اهم شي انك كيف تحليها انت وزوجك المستقبلي . وخليك دايما مطمينه وفكري بايجابيه من ناحيه الزواج وتفايلي انه زواج راح يكون راحه لك وتعويض ان شاء الله من الاسى الي عانيتيه مع امك . وربنا يوفقك واذا استمر موضوع الخوف معاك انصحك بزياره طبيب نفسي هو راح يكتب لك علاج للخوف الزايد .
  • صورة علم Algeria
    صورة علم Algeria
    من مجهول
    أمك مريضة ولا تخافي..تزوجي واعتمدي على الله
  • صورة علم Jordan
    صورة علم Jordan
    من مجهول
    بصراحه انا كنت متلك بس امي مع العمر اتغيرت وصارت بدها حدا يحن عليها صح هي بتكابر لانها ما قدمت اي اشي لاي واحد منا بس نيالك عندك اب بحبك وبحن عليكي استغلي هاد الجانب وانجحي في حياتك علشان شخص واحد وهو ابوكي والله يعين الي امه وابوه بايعينه بقشرة بصلة محروقه
  • صورة علم
    صورة علم
    من مجهول
    قولي الحمدلله ان هناك اب يعوضك عن الحنان المفقود ، ربنا يهديها أكيد امك تعرضت لشيء مؤلم و صادم أثر عليها و جعلها قاسية كالحجر معك
  • صورة علم
    صورة علم
    من مجهول
    ابنتي ربنا يعينك ، انا اتخيل ان لو تزوجتي و انجبتي اطفال ستكونين أروع أم لأنك افتقدتي للحض الدافئ الحنون و لأهم عنصر بحياتك و هو الام .. و انت ستعطي كل ما حرمتي منه من كامل قلبك
  • صورة علم
    صورة علم
    من مجهول
    هذه افكار معششة في راسك بسبب تربية والدتك السلبية حاربي هذه الافكار صدقيني سوف تتوصلي في النهاية انها فقط اوهام
  • صورة علم
    صورة علم
    من مجهول
    ما فيه ام تكره اولادها خاصة البنات، وهذه افكار سلبية في رأسك، احنا تجينا فترة نعتقد انه الام حاطة ضدنا او تبي تسيطر علينا لكن هذا خوف وحرص زيادة علينا مو اكثر
  • صورة علم
    صورة علم
    من مجهول
    فيه تضخيم للموضوع .. لا داعي لهذه الحساسية والقلق المبالغ فيه حل مشكلتك تكمن فى الاندماج فى المجتمع وتكوين علاقات وصداقات لتكوين شخصية قوية تستطيع مواجهة الصدمات
  • صورة علم
    صورة علم
    من مجهول
    ما تأخذي كلام أمك على محمل الجد فهي مريضة وتعاني من مشاكل نفسية قدرك الله على تحمل الاذى
  • صورة علم
    صورة علم
    من مجهول
    اذا تركتني نفسك نهب للخوف فسوف تعيشي طوال حياتك فى تعاسة وتحولي عيشتك الى جحيم خليكي واثقة من نفسك وتجاهلي كلام والدتك السلبي والهدام
  • صورة علم
    صورة علم
    من مجهول
    كان الله في عونك أنا متفهم حالتك النفسية بسبب تعامل والدتك معك ولكن ما باليد حيلة سوى ان تواجهي تخوفاتك وتنطلقي في حياتك

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟