كوابيس عن الزواج

انا بنت عمري ٣١ ماتزوجت وعايشه حياتي واشتغل ومستقره ومبسوطه ومرتاحه الحمدالله اهلي مو من النوع الي يحسسونك ان قطار الزواج فاتك وانك عانس قاعده على قلبهم ومايهتمون بهالاشياء تعاملت مع نفسي وعشت حياتي بشكل طبيعي لكن الفتره الاخيره صرت اتحلم باشياء مزعجه مره تحلمت اني متزوجه كلب ومره تحلمت اني امسك رجال واخنقه حتى يموت ويجون الناس ويقوولن لي انه زوجي!ومره اشوف اني اطيح من فوق جبل عالي واقوم مرتاعه وخايفه مثل هالاحلام دايم تتكرر معي واقوم مرتاعه وعطشانه ومعاد اقدر ارجع انام مره ثانيه ايش معناه هالاحلام والكوابيس الي تجيني؟