حلمت أنني مسجونة أنا وأمي

المقطع الاول من الحلم :حلمت اني بكون مسجونه انا وماما بسورية من قبل النظام ونحن بالسجن منسمع صوت ضرب رصاص وقذائف فبتقللي ماما روحي سألي الشخص يلي واقف على باب السجن إيمتى رح يفكو أسرنا متل فكو أسر العالم يلي كانت معنا فابقول بنفسي هلأ اذا بدي اطلع وأسألو ممكن تجيني رصاصة ﻷنو برا عم يضربو رصاص فبطلع بلاقي الشخص يلي أسرنا واقف على باب السجن بكون مبين عليه من ملامحو انو شخص مو منيح بخاف منو فابقللو وانا خايفة إيمتى رح تفكو أسرنا بقللي قريبا رح نفك أسركون المقطع الثاني من الحلم :بشوف انو اشتريت غرفة نوم جديدة إلي وحطيتا مع غرفة نومي انا واخواتي بنفس الغرفة بكون لونها بني وانظيفة جدا مافيها خدشه وعم تلمع من النظافة بس بتكون مو عاجبتني ﻷنو موديلها شوي قديم بس نظيفة جدا وابشوف انو جابو خزانتين إضافيتين متل الخزانتين يلي بغرفة نوم اخواتي بالحقيقة وحطوهون بنفس الغرفة مع الغرفة اللجديدة يلي جابوها إلي فبتسطح عالتخت تبع غرفة نومي اللجديدة وابقول انو موديلها قديم وابقوم من على التخت وبطلع لبرا الغرفة بلاقي انو جايي مع الغرفة كراسي خشب وطاولة مدورة كبيرة خشب بلون الغرفة الحالة الإجتماعية :متزوجة ولدي طفلة حلمت هالحلم بعد ماصليت قيام الليل ودعيت انو الله يصلح حالي انا وزوجي ويصلح فيما بيننا ﻷنو متخانقين انا وزوجي ويمكن نتطلق انا فسرت الحلم تفسير حلو