حلمت بباصات سريعة في المنام

السلام عليكم ، حلمت إن كان في باصات عليهم تواريخ وكانوا سريعين حيل وواجد وانا ناطرة الباص اللي عليه تاريخ لازم نركبه وركب اخوي بسرعة بباص ثاني وقتله لا مو هذا بس خلاص مشى الباص مالحقته وأظن كان عليه تاريخ شهر ٣ والمهم ركبت انا وكم وحدة من خواتي بباص شهر ٥ اعتقد مو متأكدة من ارقام الشهور بس طلع الباص ازدحام مو طبيعي والناس فوق بعض ومشى شوي ونزلت بسرعة وانحشت من الباص انا واخواتي ورحت مكان فاضي ولما دشيت لقيت وحدة واقفه ومشيت زيادة شوي لقيت صالة كبيرة وفيها الناس اللي هربانة من الباصات ولقيت أبوي ورحت له مستانسة وسألني عن اختي الصغيرة وقتله موجودة وكلنا موجودين اللي كان ناقص بس اخوي اللي ركب باص بروحة وكنت متضايقة شوي لانه مو موجود .. علما أني عزباء