صورة علم Saudi Arabia
من مجهول
منذ 9 شهور 8 إجابات
1 0 0 1
  • بنظر أختي هي الصح دائماً والجميع على خطأ

    اختي الكبيره من يوم و احنا صغار دايما عندها انها صح و اي شخص قدامها غلط. احيانا يكون غلطها واضح بس ما تعترف، بالعكس تطلع من موضوع غلطها و تقوم تتكلم مع اللي قدامها و كانه هو الغلطان و تحاسبه على اشياء مالها علاقه. ولا تكتفي بهالشي. لا تروح و تكلم باقي خواني و احيانا انا عن غلط الشخص اللي يعتبر شي خاص فيه او يكون رد فعل على تصرف غلط هي سوته له. و تطلعه كأنه سيء. و كل فترة تتكلم عن واحد فينا انه هو السيء قدّام الباقين بالذات قدّام اخواني الصغار لما ينفرون منه و تطلعه ما يسوى قدامهم. لدرجة الصغار مره يعيدون كلامها قدامي ان اخوي كذاب و انه ما يداوم ولا عنده عمل!! وهو انا اشوفه وهو رايح الدوام و يصور لي هناك لكن صار ما يشاركها كل شي عشان ما تنقّد. اتساءل كيف خلتها نفسها تجرىء الصغار يتكلمون عن أكبر منهم كذا؟!! و لما اقول اصغر منه يعني فرق ١١ او ١٢ سنه بينهم مو شوي. و كل هذا من باب انها تطلع صح و بس. و من باب انها مجرد تنتقد او تفضفض. و اذا الشخص المقابل انتقد تصرفاتها او فضفض انها غلطانه بحقه زعلت و قالت عنه يتمسكن و حاس انه ضحية. ولا كأنها هي اللي ضايقته و اضطرته يتكلم. انصدمت ان كل مكان تروح له تسوي هالموال الله يهديها و يهدينا.😣 مره مع اخت زوجها صارت بينهم هوشات، وهي كانت تتدخل و تعلق على مواضيع خاصة لأخت زوجها و مشاكلها مع أهل زوجها. و نتفتها حش و لما تخيلناه مهمله و أخلاقها تعبانه ولما شفناها طلعت طيبه و مو بهذاك السوء. و الغريب لما اخت زوجها سوت نفسها و اشتكت من المضايقات قامت تقول انها تتمسكن و فضيحة و طلعتني كأني سيئة. طيب انتي وش كنتي تسوين ؟!! كنتي تحشين فيها.. نفسية و انتقادية، و يا ويل احد ينتقدها. على طول تسميه نفسيه و حقود و ناوي لها الأذى ما كأنها هي الي آذته و هو بس يرد عليها. و نفس السالفه في دوامها و في بيتنا و عند أهل زوجها. الله يهدينا و يهديها قسم بالله اسلوبها ينفر الأشخاص اللي حولها من بعض وهي ما تحس بانتقاداتها و حشها. والله ان قلبي يوجعني اني تكلمت عنها. لكن احتجت اقول... انا احب علاقتنا تكون صافية، ولا فيه احلى من الأخوة. بس لما يصير الجو مكهرب والله تختار تبعد عن المشاكل. لكن تحرص تحافظ على الوصل بنفس الوقت. الان انا أتجنب المشاكل معها عشان ما اجاريها و تكبر السوالف زيادة . و اذا شفت حش وخرت من المكان. اخترت اريح راسي. و ادعوا ان الله يصلح الحال.


أسئلة ذات علاقة