صورة علم
من دانه
منذ سنتان 18 إجابات
0 0 0 0
  • ولد متسلط وزوج لا يهش ولا ينش

    أعرض عليكم مشكلتي اللي منكدة علي عيشتي ومخليتني ابعد عن العالم والناس انا ام لخمسة عيال أكبرهم بنت عمرها ١٨ واللي تحتها ولد اصغر منها بسنة، بنتي مرت بمرحلة مثل غيرها من البنات وتعرفت على شاب وصار بينهم مكالمات لين مايوم صادها اخوها وهي تكلم هالولد!وقوّم الدنيا وماقعدها ،!لدرجة انه مد يده عليها يالله فكيناه منها!بنتي اعتذرت لي انا وأبوها ووعدتنا انها ماراح تكررها لكن ايش يقنع اخوها اللي تغير علينا كلنا وصار يتنصت علينا ويطلع من مدرسته يروح يراقبها في وقت طلعتها من المدرسة ،أهمل دراسته ومزاجه تغير علي وعلى اخوانه وبالذات اخته الكبيرة ويتلفظ عليها بألفاظ وسخه ! علاقتي معه كانت رائعه وهالحين يالله يسلم ويلومني في كل مناسبة اني ماربيت اخته، بنتي تعبانه نفسياً بالذات ان ابوها عاجبه تصرف اخوها ويشوف تصرفاته انها من حرصه عليها ودايم يثني عليه انه رجال البيت في نفس الوقت الولد عايش الدور المتسلط! تقدم عريس لبنتي ووافقت عليه على طول؛ احس قرارها هروب من البيت .اقترحت عليها تكمل دراستها وتأجل موضوع الزواج لكنها مصره تبي تطلع من جحيم اخوها! الولد لما عرف عن الخطيب رفض لانه ممكن تكون تعرفه مثل ماكانت تعرف غيره وقال على جثتي لو تم الموضوع!انا محتاره بين ولد متسلط وبنت مسكينه لاحول لها ولا قوه وبين زوج لايهش ولا ينش لانه متكل على ولده! ومقويه حتى علي! أفيدوني كيف أتصرف؟


أسئلة ذات علاقة