مات أبي فطلقني زوجي فمن أختار؟

add_commentأضف إجابتك

thumb_downلم يعجبني0

انا سيده فى الثلاثين من عمرى مطلقه ام ل طفلين الاكبر ١٠ سنوات والاصغر ٧ تزوجت وانا ف عمر ١٨ عام بعد زواجى ب عام توفى ابى ومنذ وفاة والدى تغير زوجى ف المعامله معى من ضرب واهانه وشتيمه ومعامله سيئه للغايه كنت اتحمل واصبر عشان اولادى وساعات كنت بزهق ويفيض بى واذهب الى اهلى يضغطوا عليا ف الرجوع عشان اولادى كرهته وتعبت نفسيا وكنت على حافة الانهيار بصراحه كنت عايزه اتكلم مع اى حد غيره فقررت انى مش هقدر اعيش معاه مش هينفع اضغط على اعصابى اكتر من كده المره دى محدش من اهلى قدر يضغط عليا للرجوع اولادى عاشوا معايا فتره حوالى ٧ شهور ف بيت اهلى وابوهم ما بيصرف عليهم ولا بيسأل فيهم واحنا حالاتنا الماديه ضعيفه اثناء الطلاق اتفقوا انه يبعت مصروف للاولاد هو رفض ف الرجال الموجودين ف المجلس قالولوا خد اولادك رببهم انت واصرف عليهم هما صبيان مش بنات واخدهم واتفقوا انى اشوفهم كل اسبوع وكتبوا ورق بالكلام ده وهو مانعنى انى اشوفهم وببرفض الرؤيه وانا قلبى بيوجعنى عليهم وبيساومنى بينهم وبين رجوعى له يعنى لو عايزاهم ارجع له انا نفسي اعيش مع اولادى بس مش قادره ارجع ل واحد زى ده هانى كتير حتى بعد الطلاق وقبله طلع عليا كلام وحش جدا انا جميله وبنت ناس طيبين ومحترمين وبيتقدملى ناس كتير محترمين جدا عشان سمعة والدى الطيبه ودلوقتى متقدملى واحد ابن ناس محترمين وملتزم جداا وعرفت انه كان بيحبنى من زمان وكلم كل عيلتى ومستعد يعمل اى حاجه علشانى وهو عارف كل ظروفى وهو بيقول انه طول عمره بيتمنانى انى لو سبته او موافقتش عليا هيموت انا محتاره ومش عارفه اعمل ايه انا هموت من وجع القلب ولادى صعبانين عليا اوى وانا مش هينفع ارجع ل والدهم مستحيل حاسه انى مش هقدر اعيش معاه ابداا ساعدونى بالله عليكم واسفه على الاطاله
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • خبيرة تطوير الذات د. سناء عبده
    خبيرة تطوير الذات د. سناء عبده verified_userاهلا بك يا ابنتي واعلمي ان اولادك سيبقون اولادك، والان ابوهم يضغط عليهم حتى لا ترينهم ولكن بعد فترة قريبة يصبحون شباب ولك حرية رؤيتهم ولقائهم وترتيب امورك معهم، فهم لن يبقوا تحت رحمة ابيهم العمر كله، واحسنت بانك واثقة ان العودة لهذا الرجل مستحيلة، واحسنت انك تفكرين برؤية مستقبلك وعندما تستقرين وترتاحين ستعرفين التفكير جيدا في امر اولادك ويكون لديك متسع مادي ومعنوي لترتيب امورك معهم ومشاهدتهم واسعادهم، يا سيدتي ثقي تماما انه لن يكن لهم ام غيرك، ثقي تماما ان على رجال العائلة يغصبوا طليقك على تنفيذ رؤيتك الشرعية للاولاد، كوني قوية وطالبي بحقك ولو عن طريق المحكمة في رؤية اولادك كل فترة متفق عليها واهتمي بحياتك وربي يوفقك.
  • صورة علم United States
    صورة علم United States
    مجهول

    صراحة ان كان الأب يهين ويضرب الأم وهى شخص كبير يعلم حقوقه ويستطيع أن يتكلم ويشكى فأنا أتخيل أنه مع الأطفال لاحول لهم ولا قوة سيكون وحش كاسر وسينتقم من أمهم ومنهم فهو يبدو شخص غير سوى وغير أصيل ولا أمين

  • صورة علم Egypt
    صورة علم Egypt
    مجهول
    ياحبيبتى اتزوجى الرجل اللى بيحبك طالما محترم استخيرى فيه وبالنسبه لطليقك انتم مش مكتبينه ورقه ارفعى عليه دعوه وقدمى الاقرار بتاعه ارفعى دعوه بالحضانه قبل ماتتزوجى وخدى عيالك واتزوجى وعيشى حياتك اوعى ترجعى لواحد زى ده مادام انتى بتقولى ان فيه حد احسن منه وبيحبك وعايز يساعدك اكيد هيقف جمبك اتوكلى على الله
  • صورة علم
    صورة علم
    مجهول

    اي رجال عائله الذين لا ينفذوا ما وضعوه في الورق ان الامر ليس مجرد اتفاق بل تنفيذ فانتي اخطاتي انكي لم ترفعي قضيه من البدايه وتطلقي منه وتحصلي على حقك من زياره الاولاد او الوصايه عليهم وان ينفق عليهم وهم معك فهذا حقك وكانت المحكمه ستضمنه لكي وفي حاله عدم تنفيذه يتم سجنه 

  • صورة علم
    صورة علم
    مجهول

    يا ابنتي لا مجال للعوده ابدا انتي يمكنك ان تحصلي على اولادك ليعيشوا معك مره اخرى الان فانتي ستتزوجي ويصبح لديكي من ينفق عليكي وعلى اولادك فيجب ان تعودي لاولادك فان لم يوافق فبامر من المحكمه لكي زياراتهم فالامر ليس برايه ومنعه لكي عن زيارتهم يودي به الى السجن 

  • صورة علم Egypt
    صورة علم Egypt
    مجهول
    مش عدل أنه ياخد الولاد و انتي تقعدي من غير ولادك خذي ولادك منه و ربيهم و اشتغلي و اصرفي عليهم أما الشخص اللي متقدملك ارفضي و فكري في ولادك فكرة الرجوع الي زوجك لو ضامنة أن تاخدي عليه شروط مفيش ضرب و لاسباب ارجعي علشان الولاد ما يتحرموش من حد فيكم
  • صورة علم
    صورة علم
    مجهول

    عزيزتي الكريمة  اعلمي انه من حقك تشوفي اطفالك هذا الامر مو على كيفه ابدا !!!!!وصلي استخارة  في موضع تقدم العريس لك وما تفكري باي شيء وان شالله ربنا بيسر امورك 

  • صورة علم
    صورة علم
    مجهول

    سيدتي الكريمة ان هذا الانسان وجد اكثر شيء ممكن انه يبتزك فيه وللاسف مسكك من الايد الي بتوجعك اذا انت لا ترغبي في العودة طبعا لا تعودي لها ترى والله هذه حياتك وانت حره فيها

  • صورة علم
    صورة علم
    مجهول

    يا بنتي الغالية لا تستمعي لكلامه ابدا اشيكي عليه وطالبي بحقوقك انك تشوفي اولادك استشيريمحامي لكي يساعدك في ان تكسبي القضية واختارلي الي انتي شايفته وما تتردي ابدا في اختيار الي يريحك

  • صورة علم
    صورة علم
    مجهول

    ارفضي العودة اليه بسبب الابتزاز ، هذا لن يفيدك في شيء وسوف تعودين للعذاب معه من جديد بل على العكس من الممكن ان يقسوا عليك اكثر لأنه سوف يعلم ما هو مقدار حاجتك وسوف يضغط عليك كثيرا 

صورة علم United States
أضف إجابتك على السؤال هنا