كيف أطلب من حبيبي أن يسجل لي بيتا باسمي لأضمن حقي

السلام عليكم تحيه طيبه وبعد انا أمرأه عربيه مسلمه عمري ٤٠ عام تطلقت من زوجي المسلم بعد ما خلاني اكره كل شيئ بالحياه حتي ديني كرهته بسببه وبعدت عن الصلاه ودخلت في حالات اكتئاب وانهيار كتير لحد ما اخيرا قدرت اتطلق في البدايه تعبت جدا لاني عشت ٢٠ سنه خارج وطني في دوله عربيه لكن بعد كده لقيت شغل وقدرت ببطئ الاقي نفسي من جديد واتنفس واحس اني عايشه وانسان له قيمه و روح في الفتره دي تعرفت علي رجل اجنبي مسيحي في العمل له من القيم و الاخلاق ما هو افضل من كثير من الرجال العرب طلبني للزواج وانا وافقت وطلب يكون الزواج مدني لان يعمل بمكان كبير ولو دخل الاسلام هتكون مشكله كبيره بالنسبه له طبعا كلنا عارفين نظره ألغرب عن الاسلام هو طلب انه هيتكفل بمصاريف بنتي الصغيره وهتكون بمثابه بنته وهتعيش معانا في دولته وحتي هو الان يهتم بها كثيرا وبي انا ايضا ابوها مبسوط ان في راجل تاني هيشيل شيلته في المصاريف والتربيه والاهتمام حتي انه وعدني انه هيساعدها عشان ادخل جامعه محترمه انا سافرت عنده قبل فتره وكان رجل محترم جدا احترم عاداتي و تقاليدي و ديني ومطلبش مني اي شيئ بالعكس تركني علي راحتي انا هناك شفت بيته واولاده وكانوا مرحبين بيه جدا بس اصحابي بالعمل بيحاولو يكرهوني فيه ويبعدوني عنه بحجه انه غير مسلم والله اني منذ عامين ما شفت منه اي شر او اساءه لذالك انا وافقت اني اتجوزه مدني وهو طلب انه يقرا عن الاسلام لانه عاوز يربي بنتي علي نفس عاداتنا وما يكون في شيئ اتغير الرجل محترم جدا وانا ارتحت معاه كتير و رغم محاولات البعض اني ابعد عنه بس انا مش هبعد ده قراري وانا متمسكه بيه لكن انا عاوزه اطلب منه يشتري شقه لي باسمي في وطني او يعطيني مهر كبير لكن انا محرجه اطلب منه ده في المقابل هو بيقول اني حسب قوانين بلاده هكون زوجته وامواله واملاكه هتكون مناصفه بينا انا مش طمعانه فيه اطلاقا بس عاوزه اضمن حقي حسب عادات وطني محدش ضامن اللي جاي اعمل ايه عشان اوصل له المعلومه دي بادب ومن فضلكم ممنوع الكلام الخارج انا عشت حياتي مع مسلم كرهني في الدنيا و الاخره ولقيت نفسي مع الاجنبي شكرا