خطيبي يحب المرأة الخاضعة ماذا افعل

السلام عليكم خطيبي يحب المرأة الخاضعة ماذا افعل أنا خاطبه 5 شهور وأنا ما أحس بمشاعر تجاه خطيبي وخطيبي يحبني بس يحب خضوعي أكثر ويحب شكلي اكثر فبحس حبه لي مو حب شخصي لكن حب خضوع وشكل يحب يفرض نفسه ويجرحني وقت المشاكل إلي بتصير بينا ودائما يحاول يبين أنا الغلط وأنا اللي ما بعتذر وبس اعتذر يصير يقول لي الآن اعتذارك ما له قيمه وأنا ما بدي اعتذارك

إذا كان عليه الغلط يحاول يضل يحكي هو شو بيقدملي وانه أنا ما بقدره ويصير يجي بالعاطفه لأنه يعرف أنه أنا عاطفيه كثير وكثير يحاول يطلع أهلي دايما غلط علما عمرهم ما اذوه بأي شكل بس هو عنده إذا كان يحكي معي مكالمه وحد ناداني هيك يكونوا أهلي قللوا من احترامي ويقول لي أنا ما بحب اقارن ويقعد يقارن بين أهلي واهله ويقعد يقلي أنا ما بحب اجيب سيره أهلك وهو كل شوي أهلك وأهلك

هو ما يخجل بس أنا خجوله وهو بده اياني أكون زيه أنا تعبت دائما لازم أعمل كل شيء بده إياه رغم أنه يهينني ما بدي كمان انكر حسناته هو له حسنات بس أنا مو قادره اتقبله شكلياً ولا معاملته معي وكمان فيه طبع يخاف بس امسك تيلفونه ويخاف افوت محداثات وفي مره من المرات مسك تيلفوني وعشان كنت منزله تطبيق خزنه للصور صار يشك ويقلي ليش منزله خزنه افتحيها وبفتحتها اخذ يفتش فيها فخايفه يكون طبعه شكاك

كمان وكثير الله بهدي بضل يحكي يلعن سما بعض والعياذ بالله ويحكي تخلينيش اكفر والعياذ بالله وبسمع أغاني كثير وأنا بحاول التزم وبدو اياني احضر معه مسلسلات وبس قلتله حرام وبس نتزوج ما بنحضر مسلسلات عشانها ذنوب قعد يقول لي انتي بتجهزيلي القعده وأنا بحضر وأنتي بتشوفيني وأنا باخذ ذنوب ومن بعد ما خطبت وأنا صرت اتكاسل بالصلاه ورجعت الأغاني بعد ما قطعتها والمسلسلات بس الان نويت ارجع

بفكر افسخ الخطبه بس بخاف بعد ما افسخ اندم واكون بحبه بس مو قادره اعبر بحبي وخايفه أكمل معه واندم بس اتزوج علما هو كمان بضل بدخل حتى بمهري اللي لسه ما قبضه بضل يقول لي زي كأنه بأمرني لا تشتري ذهب وبحرج في لأنه يعرف اني خجوله وهو يضل يتغزل فيا بس أنا ما بقدر اتغزل فيه واحكيله حكي حلو أنا محتاره وخايفه اظلم نفسي واظلمه معي إذا ضليت معه أو إذا تركنا ساعدوني