صورة علم Egypt
من مجهول
منذ 3 سنوات 47 إجابات
5 0 0 5

مطلقة ومُستقلة لكن لا أخفيكم: أحتاج لرجل وليس ذكر

السلام عليكم أنا حابة تنشر فضفضتي بس من غير اسم مش مشكلة قوي يعني على قد ما انا محتاجة بس اتكلم أنا 30 سنة و بشتغل في وظيفة ممتازة و كل ماحد يعرفها لازم يبدي ينبهر بيها و مش مجرد كلام و خلاص و الله و الحمدلله على قدر عالي من الجمال و ده برضه بشهادة كل اللي حواليا و من عيلة و اخواتي كلهم وظائف و مراتب علمية محترمة برضه للأسف كنت متجوزة واحد قريبي و عندي منه طفلين و


طلع غير ما كنا فاكرينه و انفصلنا من حوالي 3 سنين و وقت الانفصال بقى عمل فيا و قال عني مالا يمكن تخيله او استيعابه و احتسبته كله عند ربنا هو ياخدلي حقي منه اه نسيت اقول اني الحمدلله مرتاحة ماديا و ده بحكم شغلي و والدي ربنا يطول في عمره و صحته اللي مبخلش عليا لا بشقة ولا بعربية لما انفصلت و رجعت بيته تاني أنا ابان قدام الناس كلها جامدة و مش هاممني وجود راجل في حياتي تاني ولا لأ كل اللي حواليا بيتنمولي اتجوز تاني بشخص مناسب لوظيفتي و مستوايا الاجتماعي و انا اضحك و اقولهم انا مش ممكن اعمل كده في نفسي تاني أبدا كوني دلوقتي بقيت اب و ام و راجل و ست في شخص واحد خلاني واخدة مساحة من السيطرة و التعامل و التفكير بشكل فردي اكبر بكتير من ماكنت متجوزة قبل كده وده حقيقي مريحني ان محدش يضايقني تاني الحمدلله مش ناقصني حاجة مادية احتاج اتجوز تاني عشانها حتى تربية الأطفال على قد ماهيا متعبة بس ربنا مقدرني عليها يومي مشغول جدا مابين شغلي و البحث العلمي و الاطفال و متابعتهم و البيت و كله كله بس بيجي عليا وقت بحتاج راجل استند عليه ارمي عليه حملي ولو ل5 دقايق بس و يرجعه تاني اه نسيت اقول انه طبيعي مع الادوار الكتير اللي بلعبها ديه بقى الظاهر للناس حواليا إني شخصية قوية و مفيش راجل هايستحمل كده لحد ماوصلت لقناعة إني فعلا لا أحتمل اتقدملي أكتر من شخص بعد الانفصال بس كانوا كلهم مشتركين في عيب واحد انهم أقل مني اجتماعيا للأسف وده بمواصفات مجتمعنا أنا اه مايهمنيش قوي المواصفات ديه بس خايفة من النقص ده يطلع عليا و يبان بعد كده مع أني كنت متجوزة واحد المفروض إنه قريب مني في الوظيفة بس برضه النقص كان جواه بشكل مؤذي و ضايقني كتير قوي بيه و بالتالي فكرة الشخص المناسب ديه بالنسبالي بقت خيال علمي في الجنة بقى إن شاء الله لو ربنا كتبهالي نفسي يبقى راجل بجد و يستاهل كلمة راجل من أخلاق و شهامة و مروءة و كرم و تدين و ده ضروووووووري عشان ادخله على اولادي و يتربوا في حضنه و بيته يكون طموح و قلبه جامد و حازم مع الناس كلها و يرجع تاني طفل بين ايديا يكون ظهري لما احتاجه جنبي استند عليه يكون صاحبي لما ارجع احكيله عن شغلي و مشاكله يطمني و مايخلينيش اخاف منه لحظة يرجعلي الثقة اللي فقدتها في كل حاجة حواليا غالبا كده لازم يبقى سوبر مان انا اه مش سوبر وومان بس انا عارفة نفسي كويس و مش غرور لكن ثقة و ديه برضه نظرة اللي حواليا ديه مشكلة ولا عايزة حد يقولي انا الراجل المناسب بس انا اتكلمت من كتر ماحقيقي بقيت بشوف نماذج حواليا من أشباه الرجال عديمي المسؤولية و فاكرين إنهم بيعملوا فيا جميلة او بيتفضلوا عليا إنهم فكروا يتقدمولي أنا لخصت اللي انا بتمناه يكون في أي راجل بصفة عامة إني لو اتجوزت حد لازم يكون أرجل مني هههههههه اه الكلام يضحك بس في نفس الوقت حقيقة و واقع كلنا عايشينه إحساس المسؤولية انعدم عند كتير من الرجال اللي المفروض هم القوامون على النساء بما فضل الله به بعضهم على بعض

أضف إجابتك

صورة علم United States
السؤال التالي