صورة علم Saudi Arabia
من مجهول
منذ سنتان 41 إجابات
1 0 0 1

قبل الزواج تصارحني: احنا مو مناسبين لبعض!

السلام عليكم ورحمة الله وبركاتهاطرح لكم مشكلتي واتمنى القا لها حلقصتي اولا : طبعا ما يخفى عليكم العادات في الزواج عندنا في السعودية وهي الملكة لمدة محددة ثم الزواج بعد كذا.المهم انا وزوجتي من عائلة وحدة هي تكون بالنسبة لي بنت العم وبنت الخالة في نفس الوقت وهذا شي جدا مميز. والحمدلله احنا من عائلة متلزمة ومحترمة ومحافظة ولها سمعتها في البلد ونحل قضايا المجتمع من حولنا . انا اكبر منها ب4 سنوات فقط يعني فارق العمر ماهو كبير . واحنى طبعا باقي في فترة الملكة ولنا اكثر من 11 شهر تقريبا كان الاتفاق 4 اشهر وبعدها الزواج. قلنا تكفي للتعارف بيننا. لكن حصل ظرف قاهر في العائلة وهو قدر من الله سبحانه وتعلى وخيرة الله سبحانه خير لنا.طبعا الظرف هذا ادى الى تاجيل الزواج لسنة ونص يعني بعد 7 اشهر من الان.زوجتي انا متعلق فيها مررررة وما ارضى ازعلها او اجرحها بس للاسف حصل وجرحتها مرتين بس على طول اعتذرت لها واكثر من مرة وكانت متفاهمة في المرة الاولى بالذات اما الثانية باقي شايلة علي ليومك بس احسها احسن .طبعا احنا تواصُلنا واتساب اكثر شي والمكالمات قليلة جدا تكاد تكون معدومة واللقاءات كانت في الشهرين الاولى اسبوع واسبوع لا. وبعدها اصبحنا نتقابل كل شهر مرة وحدة فقط وكانت الامور جدا ممتازة وفيه تفاهم عجيييب بيننا والحمدلله وكانت تصارحني بحبها لي وتخاف علي من كل شي وتبادر بالرسائل في بعض الاحيان اذا تاخرت عليها .المشكلة هي بعد كذا بدات تشعر بالملل والروتين المستمر المتكرر وهو فعلا ما اصبح فيه شي جديد. لين قبل شهرين ونص تقربا الى اليوم ما حصل اي لقاء بيننا والرسائل قليلة، تقريبا يومين الى ثلاثة يام بالاسبوع وكلها مني انا فقط حاولت اسحب منها كلام ابغا اعرف ايش فيها ايش حاصل معاها ما كانت تصارحني باي شي ردود باردة بس ؟؟؟؟ افتح لها الموضوع مرة ثانية تجي تقول انا ما احبك زي ما انت تحبني، انا احترمك مجرد احترام لا غير. والان جالسة تحاول تطلق مني بحجة انه انا ما اناسبها او اناسب طموحاتها كلامها الان مخالف لكلامها في آخر لقاء سار وكان افضل لقاء حصل في حياتنا كلنابس المشكلة فجأة كذا غيرت نظراتها لي وهي تعترف وتقول لي انه فجأة كذا حسيت اني مابغاك وانك ما تناسبني؟؟؟؟؟والله محتار في امري ما ادري ايش اسوي انا ما ابغا اطلقها واتحسر عليها لاني متعلق فيها لابعد حد.وبرضه ما ابغا اتزوجها وهي ما تكن لي مشاعر حب وما عندها رغبة فيني نهائيا.حاولت ادخل ابوها في الموضوع وهو رجل عاقل بس زادت الطين بلة والان ابغا اكلم عاقل العائلة ومتردد لان البنت حاطة في راسها حبة وما تبغاني.نوروني الله يجزاكم خير.