ظهور طليقي شوش على تفكيري تجاه خطيبي

السلام عليكم ورحمة الله وبركاته اعتذر عن الاطاله ولكن محتاجه راى صائب من حضرتكم اتعذب من التفكير والتردد ف اتخاذ اى قرار انا سيدة مصرية 39سنه مطلقه رسمى من سنتين واربعة اشهر وقبلها فترة طلاق صامت دامت 10شهور ، خلال زواجي من مغترب برة مصر وانا موجودة بمصر لوحدى مابين شغلي وبيت اهلي وبيتي لانه كان رافض انى اسافرله تماما واقعد معاه بحجة عدم موافقة الكفيل ع الاستقدام او شروط الراتب للاستقدام او اخر حجة المصاريف اللي هتبقي زيادة ، استمر صبرى وزواجي ع هذا الحال 7سنين هو مغترب وانا هنا بمصر زوجه مع ايقاف التنفيذ بينزل مصر 45يوم ف السنه وبالتالي لم يرزقنا الله باطفال طبعا لارادة الله عزوجل ولانه طول السنه مسافر وبعد اصرار من ناحيتى ع الانجاب بالاخص بعد التاكد اني قادرة ع الانجاب اصبح عدم رغبته ف الانجاب مما ادى الي لجوءة لمانع طبيعي لكي لا اتمكن من الانجاب ودامت خلافات كتير بيننا من اهمها محتاجاه بجوارى او انا اسافرله او ننجب او حتى يبعت لي مصاريفي الشهرية الذي طيلة فترة زواجنا لم يرسل لي اى مصاريف بحجة انى بشتغل براتب كويس وكثرة المشاكل وقسوته عليا حتى ف الرد ع التليفون عليا وبعد العديد من البلوك منه ليا علي جميع برامج التواصل الاجتماعي لمدة 10شهور وقبل ماينزل طلبت منه سبب لكل هذا الهجر وال10شهور بدون تواصل تليفونيا مما ادي الي انى ساءت حالتي النفسيه وذهبت لجلسات علاج نفسي من صدمتي وهجره عني 10شهور بدون سبب ونزل طلب نطلق وفعلا تم الطلاق بهدوء تام واخدت جزء من حقوقي وتنازلت عن البعض الاخر ومرت عليا اصعب سنتين ف حياتي بعد طلاقي بحاول فيهم استعيد نفسي واعصابي وبتحدى الظروف ووجع قلبي بكل قوة وتقبل للظروف ونصيبي لاني حاولت كتير احافظ ع البيت من الانهيار بس لايمكن كنت اقدر اعمل دة لوحدى دون استجابة من الطرف التاني وخلال السنتين واربعة اشهر تقدم لي الكثير من العرسان منهم اللي غير مناسبين ومنهم اللي مناسبين ولكن ارادة الله والنصيب فلا يكتمل وف شهر سبتمبر 2020اتعرفت ع انسان جامعي محترم مهذب يشهد الجميع له بالطييه والاخلاق ف مقر شغله وسكنه وقريب من مجال شغلي رغم انه اقل شوية من مستوايا الاجتماعي بس مش مشكله ليا وكمان والدته ووالدة متوفيين وهو مطلق اولادة مع طليقته وقرينا الفاتحه ومن بعد قراءة الفاتحه وبدأ يتسلل الي قلبي الفتور من ناحيته ومع محاولة من والدتي واخواتي باقناعي بانه شخص محترم ومهذب وعارف ربنا وشاريكي وفاهم ف الاصول اقتنعت بتكملة الخطوة التانية وهي الخطوبة وفعلا اتخطبنا رسمى اول ديسمبر 2020 ومازال اقتناعي الداخلي باني مش متقبله خطيبي او خايفه من الارتباط مش عارفه بالظبط لكن هو كمان واخد باله اني بتعامل بعقل جامد وليس بقلبي مما ادى انه اشتكاني لوالدتي وسالني صراحة عن رايى فيه قبل خطوبتنا بايام وفعلا اتخطبنا وانا بحاول اقنع نفسي به لكني ارى انه شخص ثقته ف نفسه مهزوزة وارى رعشه ف ايدة جامدة عندما نكون مع بعض ف احدى الاماكن العامه ونبرة صوته منخفضه زيادة عن اللزوم حتي لما بنكون ف كافية مثلا او اى مكان بحس نظرات الناس له غريبه عندما يبدأ بالحديث بهذا الصوت مع انحناء للاسفل بالراس والكتاف وبحاول كتير اتماسك نفسي عن النقض والتجريح وعن اخر مكالمه بيننا احتد عليا ف الكلام بدون سبب واعترض ع شخصيتي العملية الجاده اللي بتعتمدع التحليل والمنطق وانه هو شخصية رومانسية تبحث عن شريك حياه بالقلب والمشاعر وليس العقل والمنطق وبأننا كدة غير مناسبين لبعض ولم اعد انا البنت اللي بيبحث عنها لاني بتعامل بالعقل والمنطق والتحليل وهو يبحث عن الحب والجنون والخروج مع اعتراضة ع رفضي للخروج المستمر ف هذا التوقيت مثلا بسبب الكورونا ، والمفجأه اللي هزتنى واللي لايمكن كنت اتوقعها تحصل انه بعد خطوبتي ب18يوم يرجع طليقي يكلمني بعد غياب اكتر من 3سنين سواء فترة الطلاق الصامت او الطلاق الرسمى وعايزنا نتواصل ويحكيلي عن حاجات كتير حصلت له الفترة اللي فاتت وانه مشي من بلد وراح بلد تانية وسالني اتجوزت ولا لا قولتله لا لسه لكن مقولتلوش اني اتخطبت وتقريبا ع مدار 10أيام كل يوم بيكلمني سواء اتصال دولي واوقات تصل المكالمه لاكثر من ساعه او رساله بأي حجة شوية بتحقيق هدف كبير ليا رغم اني قولتهوله قبل طلاقنا عليه لكن لسه فاكر انه يباركلي علي هذا الهدف دلوقتي وهو شرائي لشقه تمليك وشوية بحجة سؤال ف امر ما ف مجال شغلي وشوية بحجة اخبار صحتك ايه واية الكحه دة مع وجود احساس ندم ف صوته عمرى ماحسيته ف صوته قبل كدة بس مطلبش اننا نرجع كل اللي طلبة اننا نتواصل ونتكلم مقدرتش اقوله انى اتخطبت ومقدرتش احكي لخطيبي ع تواصله معايا بس حكيت لوالدتي واخواتي منهم اللي فرح لان دة رد اعتبار معنوى ليا واحساسه بالذنب ومنهم اللي رافض حتى لو طلب نرجع واني اذاى انسي الوجع اللي كان السبب فيه ومنهم اللي رافض اسيب خطيبي عشانه ، دماغي هتنفجر من التفكير اعمل اية لو طلب الرجوع هل ارفض او اوافق طب ليه ظهر ف حياتي دلوقتي بعد ماتعودت ع البعد بالرغم انه كان غضب عني اني اتعود بس قدرت واتحديت قلبي ونفسي اعمل ايه مع خطيبي اللي اصلا بحاول اتقبله او اقنع قلبي به وعن راى خطيبي فيا بعد ماكان بيعزني جدا ولكن حاليا بيضايق من عقلي ومنطقي ف التفكير لحياتنا سوا واختلافنا عن بعض ف انه يرى ان البيوت تبني ع الحب فقط وان بالرغم اننا من بداية تعارفنا حتي الان لن نتعدا ثلاثة شهور ونصف فقط ويرى ان هذة الفترة كافية لتكوين قصة حب ونتجنن ونخرج ونتفسح وتبقي احلي فترة بعيدة عن المنطق والتحليل والتركيز ع عيوبنا ومدى تقابلنا ليها وع هذا الاساس ارى بناء البيت صحي مستقر يستمر لسنوات وسنوات بدون مشاكل اوحتى يمكن طلاق سامحوني ع الاطاله وكلامي الغير مرتب ولكن طالع من قلبي فعلا لاني تعبت من التفكير ف الوقت اللي بقنع نفسي بخطيبي اللي قلبي لم يتحرك نحوة وظهر طليقي اللي قلبي كان يملكه هل استمر ف الخطوبة والزواج بالعقل ومشاكل شخصيته احاول اعالجها ولكنه يرفض التغيير للاحسن او حتي الذهاب سويا لمتخصص نفسي سواء لوحدة او سويا والسلام عليكم ورحمة الله وبركاته