هل أرضي أهلي أم خطيبي؟

مرحبا انا عندي مشكلة وبتمنى تحلوها مشكلتي مع خطيبي انو اجى يوم عيد الاضحى وزعل ليش امي فتحت معو موضوع زواجنا وكمان اهلي ما خلونا نطلع مع بعض ع العيد وبعدها بأسبوع تهاوشنا وظل اسبوعين ما يحكي معي وعملي حظر ع كل التواصل وانا بعتت لاخوه الصغير علشان يحكيلو يشيل الحظر ويرد ع مكالماتي وبعدها رد بس طلب مني ما اطلع برا البيت ابداً مع العلم انو انا ما بطلع الا مع امي وما بدرس ولا بشتغل يعني كل حياتي بالبيت وطلب مني الغي كل التواصل الاجتماعي الفيس وكل شي وبعدها بيوم حكالي ارجع الوتس علشات اقدر اتواصل معو بغير المكالمات وحكالي ما افتح موضوع التواصل الباقي وانا معلقه كثير بالفيس لانو بقضي طول وقتي عليه لانو ما عندي شي بحياتي اعملو وكل ما افتح معو الموضوع بعصب وبحكيلي انتي كذاب وهو عم يعاقبني بس علشان اهلي ما رضو يطالعوني بالعيد وصار يحكيلي ما بدو يجيني وحرمني من كل التواصل وصار يعاملني بقسوة ع طول معضب علي وبظل يحكيلي اني كذابه لانو حكيتلو يمكن ع العيد نطلع وما طلعنا وانا مو عارفة شو اعمل مليت كتير بالبيت واهلي كمان زعلو لما حكيتلهم انو ما بدو يخليني اطلع وصارو يحكو انو ما دخلو وانتي عندنا بس تصيري عندو يتحكم فيكي انا مليت كتير مو عارفة ارضي مني فيهم وكمان مو عارفه شو اعمل مع خطيبي وشو احكيلو لترجع علاقتنا مثل قبل ! كل ما احكيلو يجي بحكيلي علشان امك تنكد علينا ، طيب هي امي وهيك طبعها انا مافيني احكي لامي انو نكدتي علينا بس هو بحكيلي عادي احكيلها انو نكدت علينا بس اما ما برد عليه بالاخر هي بتظل امي !مع العلم انو بنحب بعض والنا اكثر من سنتين خاطبين ساعدوني واحكولي شو اعمل انا تعبت كتير