أكره أخي بالتبني لأنه يعتقد أنه أخي الحقيقي

مرحبا عندي مشكله وياريت ألاقي الحل المناسب لالها نحن بالعائله بنتان وشاب وانا اصغر وحده عمري 20 من قبل ونحن صغار بابا جمعنا وخبرنا انه إلنا اخ متبنا وهو إبن صاحبه إنحرق بيتهم من قبل 23سنه ووصى بابا على ابنه ومن هداك الوقت لهلا وهو اخونا بالرضاعه وبابا طلعوا يكمل دراسه بروسيا متل اخوي الكبير وبده يرجع على الإجازه صراحة انا بكرهه كتير ودائما انا وياه ومشاكل لانه مفكر حاله اخونا عنجد وماشي بهاد الدور يعني كان ببهدل وبضرب إزا بشوفنا بنغلط انا واختي الاكبر مني وبغار منه لانه انا الصغيره بالبيت و المفروض انا اكتر وحده يحبوها ويهتموا فيها لكن هو اخد كل الحب والإحترام والإهتمام ولما قرر انه يغير دينه على دينا نحن، بابا عمله حفله كبيييره وهاد زاد كرهي لإله مع انه كل اخواني بحبوا وبحترموا وبشاوروا وبطلعوا معه وبياخدهم من دواماتهم وع طول مبسوطين مع بعض وهو دائما بحاول يجاكرني وبما معناه شوفي انه الكل بحبني .... بس انا مش قادره اتقبله ولا احبه ولا احترمه واي تصرف بطلع منه بعتبره اعلان حرب واكتر من مره بابا وماما حاولوا يقنعوني فيه بس مش زابط معي ، ولما ينزل بالإجازات بترك البيت وبروح عند ستي عشان بابا وماما ما يزعلوا مني لانه دغري بقلب على عدوانيه وعنيفه بالبيت ... نهائيا مش طايقته