أمي تخلت عني بعدما رجعت لزوجي، ماذا أفعل؟

السلام عليكم انا حدخل في الموضوع علي طول انا حاسه ان الهم والغم اللي في الدنيا كلها عندي انا متزوجه من 7 سنين وطول 7 السنين وانا في مشاكل مش بسيطه مشاكل كبيره المهم ان انا عندي الدنيا دي كلها في كفه وماما في كفه يعني لو ماما خاصمتني يبقي اتمني الموت وهي ماتزعلش مني وماما ست كبيره وتفكيرها قديم المهم اني كان عندي مشكله مع جوزي وهو غلطان والكل شاهد عليه حتي هو عارف انو غلطان في اول المشكله ماما قالتلي انو مش كويس ولو عايزه تتطلقي منو اتطلقي راح جه بعد فتره وبعت ناس علشان يصالحني ومااطلبش منو الطلاق واول ماكلم ماما غيرت رائيها وقالت ماتتطلقيش انا اللي خلاها تزعل مني واللي هو مضايقني ان هو بعت صاحبو علشان يكلم امي وهو رن عليا في التلفون ومارديتش فامي بتسالني جوزك رن عليكي قلتلها رن ومارديتش قلتها ليه بتسالي علي اساس افتكرت ان صاحبو كلمها تاني ولا حاجه هي بقي فهمتني غلط وقالتلي انتي كلمتيني باسلوب وحش لكن اقسم بالله ماكلمتها باسلوب وحش انا كان مجرد سؤال وحتي لو صدر مني اسلوب وحش كان غصب عني ومش واخده بالي اقسم بالله انا محتاره وتعبانه نفسيا من المشاكل اللي عندي راح جوزي كلم ناس واتصالحنا في الاخر فابحكيلها لقيتها بتقولي انا ماليش دعوه بحد كل واحد يعمل اللي يريحو انا تعبت نفسيا مش عارفه الاقيها من مين انا مضغوطه بطريقه فظيعه ومش عارفه اعمل ايه