أشعر بأن كلامه لي مجرد شفقة ليس أكثر، ساعدوني!

انا احقر بنت فى العالم بقيت بكره نفسى اوى وبتمنى الموت وحاولت اكتر من مرة انتحر بس للاسف بتفشل انا من فترة كان والدى تعب ولازم يسافر برة مصر يكمل علاج وفعلا سافر بابا ومعاه ماما بس كان لسه اخويا موجود فى مصر واتولى الشركه فى غياب بابا بس حصل ظروف واضطر يسافر هو كمان لبابا كنت انا لوحدى فى مصر طبعا كان موجود اهل ماما وبابا بس هما بتوع مصلحتهم مبيعرفوناش غير لو محتاجين فلوس او خدمه من بابا حتى لما بابا تعب محدش فكر يتصل يطمن عليه انا اخويا عنده صاحب بقالهم اكتر من واحد وعشرين سنه صحاب انا كنت معجبه بيه من وانا طفله وفضل هو حبى الوحيد هو كان معتبرنى انا واخويا اخواته هو ابن وحيد لما اهلى سافروا كان هو الوحيد الى وقف جمبى هو ومامته وباباه هو كان بيتصل عليا اكتر من مرة فى اليوم ويجى البيت ليا كل يوم يشوف لو محتاجة حاجة انا بعشقه حرفيا وبدات اتصرف تصرفات مش كويسه يعنى بقيت بمسك ايده واوقات كنت بحضنه ولما اشوفه اميل عليه عند رقبته واشم ريحه العطر بتاعه هو كان بيبعد مستغرب من تصرفانى للعلم انا عمرى ما اتصرفت كده مع اى مخلوق وانا اخلاقى كويسه جدا لغايه ما هو فى مرة قالى انتى كويسه كان بيتكلم جد ساعته هو فكرنى ان شربت حاجة مش كويس كل التصرفات دى عملتها فى غياب اهلى دى مش اول مره اهلى يسافروا ويسبونى لوحدى فى مصر وعمرى ما عملت حاجة وحشه فى غيابهم او حضورهم مش عارفه عقلى راح فين وانا بعمل كده لغايه ما بعتله رساله اعترفتله بحبى واتصلت عليه بمجرد ما شاف الرساله هو كان مصدوم وقالى انتى اختى وانا عمرى ما اخون صاحبى وقفلنا وانا منهارة والموضوع اتقفل على كده انا بعد كلامه ليا بدات افوق بس بعد ما كنت كرهت نفسى خلاص بعد ما اهلى رجعوا ب ١٣ يوم اخويا وبابا وصاحبه وماما راحوا اتقدموا للبنت الى اخويا بيحبها وفى الوقت داه صاحب اخويا اتعرف على حب طفولته هو شاف صفحتها على النت وكلمها وبعدها بشهرين خطبها رحت مع اهلى وخطيبه اخويا بس كنت بموت هو اتصدم اول ماشفنى عشان كنا قطعنا علاقتنا بمجرد ما اهلى رجعوا من السفر هو فضل واقف جمبى فى غياب اهل حتى بعد ما اعترفتله بحبى بس كان كلامنا معدوم جدا البنت الى صاحب اخويا خطبها حست ان فيه حاجة كانت بنا ولما دروت فى موبايلوا شافت الرساله الى اناكنت بقول انا بحبك دى كانت اخر رساله بنا عشان انا كنت اتصلت عليه هى راحت لاخويا وكانت مصورة الرساله وشتمت وقلت ادبها واتكلمت فى حقى بالباطل اخويا رجع البيت ضربنى دى كانت اول مرة اخويا يمد ايدوا عليا هو كان هيموتنى لولا ان البنت كلمت صاحب اخويا الى هو خطبها وقالتله انها راحت لاخويا هو جيه وكدب على اخويا والف حكايه عشان اخويا كان فى قمة غضبه بس انا اعترفتله تانى يوم لما جيه يعتذرلى صاحب اخويا فسخ خطبته والبنت فضلت تشتم فيا وبقت تحكى للناس عنى بالباطل وراحت مكان شغلى واتكلمت عنى بردة انا مهندسه ديكور انا بعترف انى غلطانه بس انا اتاذيت اوى اخويا كان قطع علاقته بصاحبه بس صاحبه رجع ليه وقالوا انت اخويا قبل ما تكون صاحبى طبعا الكل اتكلم فى حقى والكل كان بيزود كلام من عنده لغايه ما وصلت للشرف صاحب اخويا اتقدم ليا انا رفضت حسيت انها شفقه منه عليا بعد الى حصل بس اخويا كان موافق وقالى ملكيش رأى بعد الى عملتيه انا بعد كلامه حاولت انتحر بس للاسف فشلت دى كانت تانى مرة ليا اخويا ساعتها ندم جدا وقالى انا مش هجبرك على حاجه تانى صاحب اخويا قالى انا بحبك خلينا نجرب نتخطب ولو محبتنيش خلاص هو بيحاول يضحك عليا انه بيحبنى عشان عايزين يلموا الفضيحه الى انا عملتها فى نفسى وفعلا اتخطبنا وكتبنا الكتاب بس انا مرضتش اعمل خطوبه مع انى كان عندى احلام كتير عن خطوبتى وفرحى كلها ادمرت بعد الى حصل حتى هو لما بيقولى كلمه حلوه بحس انها شفقه مبفرحش لما بيقولى وحشتينى او يقولى امتى نتجوز بقى وتبقى فى بيتى او يهزر معايا انا بقيت حاسه انى ميته انا كنت بتمنى كلمه واحده حلوه منه بس بعد الى حصل بقى كلامه زى عدمه هو قالى انسى الى فات وتعالى نبدأ حياتنا من جديد بس انا بموت الف مرة فى اليوم بعد الى حصل مش عارفه اعمل ايه انا دمرت نفسى وسمعتى حتى الانسان الوحيد الى حبيته عملتله مشاكل وعملت لاهلى مشاكل