أمنيتي هي أن أعيش حياة طبيعية كغيري من البنات

مسالخير... انا تعبانه ومكتئبه كل شي بحياتي ممنوع لانه بابا شايف انه هو صح وكل الكوكب على خطأ. عيلتنا بتختلف عن كل العيلات كلنا فشلنا بحياتنا عايشين بتفكك مش طبيعي واللي دمرنا هو الوالد وهلأ كلنا كبرنا ولسا متحكم فينا انا اكثر وحده مضغوطه من الوضع لاني عنده بالبيت شائت الأقدار اني افشل بزواجي و ارجعلهم.. ايامي عم تمشي عالفاضي ما طالع بايدي اعمل شي لانه مثل ماحكيت فوق كل شي ممنوع انا بفكر اني اتمرد واقوي حالي وآخذ موقف واطلع اشتغل والي ماعجبه هو حر برجع بحكي بظل ابوكي وتحملي بس لمتى عمري عم يمشي و انا مكانك راوح. شو اعملل؟؟؟طبعا هو سيء مع الكل وماحدا قادر يحكي معه لانه ما بيتقبل.. بس انا بالغه عاقله راشده وعندي بنت بدي البسها و ادللها.وانا بيجي ببالي اشياء بدي اشتريها الي . مو طالبه الكثير بدي بس اعيش حياه طبيعيه مثلي مثل غيري.. شو اعمل معه مش عارفه.