كيف أتصرف مع خطيبي الذي تركني بسبب حبيبته السابقة؟

Question

خطيبى بيكون جار خالتى اعرفه من وانا طفله بس حصل ظروف واهلى سافروا بره مصر و روحت عند خالتى فتره سفرهم و كنت اتصاحبت على اخته الكبيره و اخته الصغيره وكنت بخرج معاهم النادى واتعرفت على اخوهم بس كان كلامنا بسيط و عدى حوالى خمس سنين واخته الكبيره دلوقتى اتخرجت من صيدله والصغيره عندها سبع سنين وحبينا بعض انا واخوهم واتخطبنا وكنت من اسبوع ونص عندهم وبتكلم مع اخته الصغيره وبهزر معاهم وبقولها تعالى يا زقردة افتنى على ابيه وقوليلى عمل ايه من ورايا لقيتها بتقولى ابيه خرج مع ابله فلانه وماما قالتله متخرجش معاها وانتى لو عرفتى هتعملى مشاكل مشى وساب ماما لقيت وشه اصفر وحماتى قالتلها عيب اللى بتقوليه متهزريش فى الكلام داه جريت البنت صغيره وقالتلها انتى قولتى يا ماما اللى بيكدب بيروح النار انتى بتكدبى ليه يا ماما هتروحى النار وانا عايزاكى معايا فى الجنه كملت كلامى مع اخته الكبيره و هى فتحت الفيس عشان توريلى حاجة لقيت اول منشور ظهر ادامنا من البنت اللى اخته الصغيره اتكلمت عنها والمنشور كان عباره عن صورة للبنت دى وخطيبى ملحقتش اقرأ حاجة عشاان اخت خطيبى قفلت الموبايل بسرعه و توهت فى الكلام وخرجنا انا وهو بعدها بيومين و كنت دخلت اسأل على حاجة وبصيت من المحل لقيته واقف مع واحد وواحده هما اخوات ويبقوا اصحاب خطيبى وكانت البنت منفعله اوى وبتتكلم بصوت عالى وهى بتتكلم وبتقوله هتتحاسب على اللى بتعمله انت عايز تفهمنى انك رجعت للحبيبتك القديم وبتكلمها على اساس صحاب وبس ومفيش اى ذرة حنين ليها طب لو بتتكلموا صحاب بس كنت هتعرف خطيبتك صح وخطيبتك الغلبانه اللى بتحبك هتسبها طب من حقها انك تعرفها انك طلعت مش راجل اخوها كان عمال يكتم فى صوتها وخدها ومشى وانا خرجت من المحل وروحت وسكت لا بتكلم وهو عمال يقول فيه ايه طب حد دايقك فى المحل من يوميها لا برد على اتصالاته ورافضه اقابله مش عارفه هو كان ناوى امتى يجى يقولى اننا هنسيب بعض انا اتنازلت عن حاجات كتير اوى عشان خاطر نتخطب ومعملناش خطوبه وقررنا نعمل فرح كبير فالباتلى محدش من صحابة يعرفنى هو بعتلى رساله بيقول طب فهمينى ايه الكلام اللى وصلك وانا هفهمك كل حاجه مردتش عليه انا قررت اننا نسيب بعض بس مش عارفه اعرف اهلى اقولهم ايه وانا بكرا معزومه عند خالتى بمناسبه رجوع بنتها الكبيره من السفر بعد ما خلفت وانا مينفعش مش اروح عشان خالتى هيزعلوا منى جامد وفى نفس الوقت مش عايزة اشوفه مش عارفه هو عمل فيا كدا ليه بعد ما حبيته ووثقت فيه انا عشقته مش حبيته وبس احنا فرحنا وكتب كتابنا كان فى شهر 10 الجاى وشقتنا قربت تخلص وحتى اختارنا الفندق اللى هيتعمل فيه الفرح واختارنا حاجات كتير لحياتنا الحاية فجاءه كل حاجة اتهدت بسببه هو

الدكتورة سناء مصطفى عبده · Accepted Answer

اهلا بك يا ابنتي واعتقد ان هروبك وانسحابك بهذا لاشكل خطأ، يجب ان تتصلي به وتتواصلي معه وتخبريه بكل ما سمعت ورايت وعرفت ومن حقه التبرير والتوضيح، انت حطمت قلبك وهديت احلامك بناء على امر مبهم بالنسبة لك، ومن حقه ان يدافع عن نفسه، ولا اعتقد ان رجل قام بكل ما قام به هو يلعب والا حيدمر علاقته بك انت خطيبته وزوجة المستقبل التي يبني معها احلامها، وهذا درس لك ان لا تنسحبي بدون توضيح ، سألك الف مرة ما بك، وانت تقولين لا شيء، هذا اكبر خطأ، يجب ان تتعلمي البوح بما تريدين وبمكنونات قلبك وتتجاوبي مع السؤال، الوضوح والصراحة قواعد اساسية لاي علاقة بين الزوجين، تكلمي معه الان واطلبي لقاء خاص به في زيارتك لخالتك وافهمي منه الموقف بعقلانية وبدون عاطفية ولا تسرع ولا انفعالات اهدأي واتركيه يوضح الامر ومن ردة فعله تعرفي ان كان يحبك ويدافع عنك ويرفض تلك الفتاة، وما كان من علاقات له قبلك لا علاقة لك لتحاسبيه عليها، وبما انه تركها لاجلك، كوني ذكية وفصيحة، وطمنيني عنك ماذا سيحدث بعد الزيارة، وفقك الله

من مجهول · Answer

طبعا الموضوع منتهي روحي لخالتك وعرفيها اللي حصل وهي تتصرف مع اهله العيل ده واحمدي ربنا انه ظهر على حقيقته

من مجهول · Answer

لو الحوار دا صح خديها من قاصرها وانسية بس لازم تواجهية

من مجهول · Answer

خليكى قوية وواجهيه وشوفى ردود أفعاله لان سكوتك دة ضعف

من مجهول · Answer

أنا أأيد رأي الدكتوره سناء يجب ان تفهمي بالضبط مايحدث صحيح ان خروجه مع هذه الفتاة امر حساس في هذا الوقت ولكن يجب ان تعرفي كل شيء وتكون رجليك على أرض جامده

من مجهول · Answer

حبيبتى لازم تسيبيه واحمدى ربنا انك لسة على البر عشان ماتجبيش لنفسك وجع القلب بقيت عمرك وأوحى زورى خالتك عادى وخليكى قوية وخرجيه من حياتك اوعى تصدقى أى مبرر

من مجهول · Answer

كلام الدكتور صح اعملي به

من مجهول · Answer

اسمعى منه الاول وبعدين قررى الموضوع فى ايدك والتجربة دى تعلمك حجات كتير لانك اول حاجه اتنازلتى عنها هو انك تنازلتى عن الارتباط براجل مش عيل ساذج

من مجهول · Answer

الرجال اذا حب صعب ينسى وممكن يتزوج بس تأكدي مستحيل ينسى حبيبته انسحبي من حياته بعد ما تتأكدي من قصته مع حبيبته السابقة وصدقيني انت الكسبانة والأمور المادية تعتبر تافهة جداً أمام حياتك إلي حتعشيها بكل التفاصيل مع شخص مش حيشوفك ورح تعيشي معاه صراعات نفسية ما إلها أول ولا آخر ،، الحياة أمامك وانتظري الإنسان إلي حتكوني حبه الأول والأخير

من مجهول · Answer

يجب ان تواجهيه بما عرفتى السلبيه أسلوب ضعيف انتى الان فى حيره من امرك ولا تعرفى ماذا تفعلين الحق ان تتكلمى معه بوضوح وشوفى رد فعله ايه الشاب الح عليكى اذن لماذا السكوت وحسب كلامك انه بيحبك ومهتم بيكى وبياثث بيت والفرح قريب اذن الراجل مشتريكى اما البنت الأخرى فيجب الا تحاسبيه على ماضيه اكيد ابتعد عنها لانه رأى انها غير مناسبه وغير مقتنع بها وهذا شىء جيد طبعا تكلمى إليه بوضوح وعقلانيه وبهدوء وبدون غيره واعتقد ان الشاب مشتريكى وبيحبك حافظى عليه افضل ولا تدعى الغيره والشيطان يدمران حياتك من البدايه كونى ايجابيه معه بعد مناقشة النوضوع وفقك الله للخير

من مجهول · Answer

واجهيه باللي سمعتيه وشوفي رده ايه واحعيه بالصورة اللي شفتبها ع الغيس بوك له مع البنت وقوليله اني مش لعبة ومحبش ادخل حياه مبنيه علي خداع ووحود طرف تالت في العلاقة ينهيها قبل ان تبدا

من مجهول · Answer

هدئي اعصابك واساليه عن المشاكل الي ممكن يكون فيها بطلي غيره عمياء

من مجهول · Answer

لو هو اللي كان في مكانك كان سابك على طول وبدون تفكير انصحك تفكري بعقلك وبلاش كلمة حبيته وعشقته والكلام الفاض ده لانه من اولها كده بيخونك فما بالك بعد الجواز هيعمل ايه وتلاقي امه واخته الكبيره هما اللي رشحوكي ليه علشان يخطبك وضغطوا عليه لانهم بيحبوكي لكن قلبه مع التانيه ربنا حط قدامك بدل الدليل اتنين اخته الصغيره وحوار المحل علشان تعرفي انه خاين او تلاقيه بيحبها وبسبب ضغط امه واخته خطبك انتي وبيحاول يحبك واكيد اتكرر منه انه شافها وقابلها وهو خاطبك والموضوع اتفتح واتناقشوا فيه في البيت عنده علشان كده اخته الصغيره سمعت الحوار يعني الموضوع مش سهل وكرامتك فوق كل اعتبار و الم الفراق قبل الجواز اهون مليون مره من الم الخيانة بعد الجواز استخيري ربنا وفكري كويس انتي لسه على البر وكوني متأكده انه هيكذب لو سألتيه

من مجهول · Answer

اعملي اللي عليكي وعرفيه اسبابك وواجهيه وتقدري تطولي فترة الخطوبة عشان تختبريه مرة اخرى لانك من الصعب تنسيه، ولو حصل ولا حسيتي بحاجة بعد كده هتسيبيه عن اقتناع تام

من مجهول · Answer

اولا لا بد من ان تواحهيه قدام امه واخواته وتسمعي منه ومنهم وغالبا هايحاولوا يخففوا الوضع او يكدبوا فمتبقيش ساذجة واقري وجوههم وعيونهم وحركاتخم وهما بيتكلموا اسمعى منه ومنه واتناقشي وافهمي بهدوء حتى لو الامر يغضبك ومتىديش عليه او عليهم بقرار تروحى تحطى اهلك في الصورة كاملة وتحاولى توصلى للبنت دي واخواتها في بيتهم وتعرفي الحكاية منهم وكمان طقسي واعرفي من اصحاب خطيبك واصحابها هي واخواتها عشان لو بالغت او كدبت تعرفي الفرق واما تتاكدى من صحة الكلام خدي قرار مسترك مع اهلك والغي موضوع حبك له خالص عند اخد القرار واتعلمى اياكى تسوفي موقف غلط وتسكتى عن تجربة عايتمادى بعد كدة ويعرف غيرك وقدامك ومش هايهمه لانه شافك جبانة وساكتة وبعدين اللى يعرف واحدة عل خطيبتخ وفرحة كمان سهرين ويخرج معاها ويتصور طب بعد الجواز هايعمل ايه طبعا مش هانحاسبه عل اللى فات انما اللى بيحصل دلوقتى انه معاها يعنى لو كانت علاقة ماضية وخلصت حن ليها تانى ليه وبيقابلها رغم تحذير امه ورغم انه عارف انك هاتزعلى واتصور معاها ونزلتها عل الفيس عشان توصلك وهي بكل وقاحة مش هاممها وجودك الرجل الكذاب المخادع لا تأمنيه اذا كان خدعك دلوقتى بعد الجواز هايعمل ايه اعتقد انه لا يحب ولا بهتم لامرك مثلما تحبيه واري انك تتركيه بس بعد المواجهة وتاخدي حقك منه ومنهم كلهم متبقيش جبانة هو ميسناهلش حبك ولازم تحطى كل اهلك في الصورة ا بروينه حامد

من مجهول · Answer

اختي انسان في مشاكل معاه من البداية وانسان يخفي اسرار مثل هذه هو غير جدير بالثقة وانت محظوظة لانك عرفتي حقيقتو من البداية انا من رأيي تطرحي الموضوع في بيت خالتك وامام الجميع قولي لهم ماسمعتي ومارأيتي واساليه امام وانسحبي افضل

من مجهول · Answer

عن تجربة ديل الكلب ما ينعدل حتي لو علقوا فيه قالب حتواجهيه باللي سمعتيه حيكدب عليكي ومش حيوقف اللي بيعمله اللي فيه طبع مبيتغيرش للاسف وحبك ليه حيخليكي تتنازلي عن حاجات مرفوضة باسم الحب ردي عليه وقوليله اللي عندك واقفلي الموضوع نهائي

من مجهول · Answer

الموضوع مش سر عسكري عليك مواجهته بحضور امه بهدوء وادب واحكي له كل ما سمعتية وانت داخل المحل واسمعي رده وقيمي الموقف وخدي قرارك وانت لسه علي البر ولازم تعرفي انك مكنتيش مرتبطة بملاك نازل من السما البنت ممكن لا تخطئ للانها ممكن تكتفي بر اجل الوحد ام الرجل فطبيعته مختلفة

من مجهول · Answer

صارحيه بكل حاجة واتكلمي معه وأساليبه هو عايز إيه ويعمل ايه العلاقات لازم نحط النقط فوق الحروف

من مجهول · Answer

كلميه و تناقشوا و ما تخليش نفسك تندمي انك ما ادتيش لنفسك و ليه الفرصة و ما تنسحبيش بسهولة الا اذا هو تركك و ما دام في امل ما تسيبيهوش

من مجهول · Answer

انتي مش عامله حاجه غلط عشان تهربي واجهيه وعرفيه الي انتي عارفاه وركزي جدا ف الكلام ولو اقتنعنتي كان بها مقتنعتيش ولسه شاكه او هتعيشي ف جو اراقبه عشان اتاكد يبقى انفصلي عنه فورا الزواج مش لعب عيال ف ثانوي الزواج حياه ومسؤوليه واهم حاجه فيه الثقه والاحساس بالامان واعملي حساب اطفال جايه قدام ومش معنى انه متمسك بيكي انه بيحبك بيبقا احساس بالذنب وخوف من التغيير ومش عشان خايفه من الدوشه دلوقتي تعيشي باقي عمرك مش مرتاحه وجع ساعه ولا كل ساعه

من مجهول · Answer

احمدي ربك انك على البر واذا الكلام طلع صحيح اشتري كرامتك من دلوقتي وسيبيه

من مجهول · Answer

انت اتسرعتي اسمعيه و اتكلمي معاه اذا مش باقي عليكي مش كان هيحاول يوصلك قوليله ع كل الجواكي وحاسبيه واتنقاشو حرام تضيعي مستقبلك

من مجهول · Answer

صح لازم تواجهيه عشان تفهمي منو الصح

من مجهول · Answer

كلام د سناء هو الصح وعين العقل هو طريقك لحياتك الجاية

من مجهول · Answer

أول حاجة تعمليها تكوني حاسمة في موضوعك مع خطيبك، وخيري ما بينك وبينها ، وبعد كدة صغري روحوا لحين ما تسامحي

من مجهول · Answer

خدي منه عهد إنه يكون وفي ليكي وما يرجع لهاي الحركات

من مجهول · Answer

قوليلو إنك عرفت كل شي ، وما حبت تعرف بهاي الطريقة، وإنك كنت مستنية تعرفي منه، وضلك على موقفك جنني شوية وأدبي ، وارجعي ليه بعد ما تنشفي ريقه

من مجهول · Answer

طالما إنه أهل خطيبك في صفك، مامتك وأخته فبالتأكيد رح يكون ليهم موقف يدعمك ضد خطيبك، لهيك لاقي حل وسط مع خطيبك واشرطي عليه ما يعود لهاي الحركات تاني، بهيك بتعطي فرصة وما بتكوني سبب في فشل العلاقة وانتهائها

من مجهول · Answer

ما تكبري الموضوع كثير وعلى الأقل اعطي فرصة لخطيبك حتى يحكيلك وجهة نظرو ويوضحلك الصورة، وبناء عليه خدي قرار حتى ما تشعري بالندم بكرة

من مجهول · Answer

واجهيه بكل اللي عرفتيه وشوفي رده ابه وبعد كده بلغي اهلك بماحصل وقرري معهم الخطوه التاليه

كيف أتصرف مع خطيبي الذي تركني بسبب حبيبته السابقة؟

شارك في الاجابة على السؤال

شارك في الاجابة على السؤال

فيديوهات ذات صلة

مقالات ذات صلة

كيف أجعل خطيبي يندم أنه تركني وفسخ الخطوبة؟

تفسير رؤية طليقتي في المنام والحلم بالزوجة السابقة

"كل كلامه عن الجنس" كيف أضع حد لحديث خطيبي عن الجنس؟

كيف أتأكد من حب خطيبي لي؟ علامات الحب في الخطوبة

كيف أتعامل مع خطيبي في المشاكل ووقت الزعل؟

هل ينسى الرجل حبه بسهولة؟ ولماذا لا ينسى الحب الأول؟

اختبارات ذات صلة

اختبار حب الزوج: هل أحب زوجي فعلاً!

أسئلة ذات صلة

مقالات ذات صلة

احدث مقالات قضايا اجتماعية

احدث اسئلة قضايا اجتماعية

اسئلة من بلدك

احجز استشارة اونلاين