قمة سعادة أمي عندما تراني أهان من قبل الجميع

السلام عليكم ورحمة الله وبركاته ، الصراحة ماعرف مم وين ابتدي لكن عندي مشكلة محد راضي يفهمني لجنه الوالدة كل تلومني فكل شي ، الوالدة ما تقدر على اخواني فلين يغلطون تقط اللوم علي وتشتكي حق الاهل فكلما اقول شي ما يصدقوني ، خواتي يتركون صحونهم بعد الاكل فالصالة وتيي الوالدة وتعاتبني ان المفروض انا انظف واغسل الصحون بحجة اني الوحيدة اللي اسمع كلاما وليس بحجة اني احترمها ، احدى اختاي تزعم بانها تدرس بس اهي ميودة التلفون وتسولف عشان جي الوالدة ما تقول لها نظفي و اختي الصغيرة حجتها انها صغيييرة لكنها والله تطيعني لكن الوالدة تكسر كلمتي ، لا قلت لها شيلي كتبج وحطيها بشنطتك تقوم بكل سهولة وترتب كتبها وتحطها فالشنطة تيي الوالدة وتعصب تقول لا تشغلينها وتصيح علينا، فتقوم اختي وتهد الشنطة والكتب فمكانهم وتضحك ،الصراحة ما يحترمون امي و الوالدة رايحة ياية تكسر فكلمتي والمصيبة ان مو بس فهالامور ، احيانا لما نكون طالعين وبالسيارة اذا طلعت علي سيارة مسرعة لا اراديا اضغط بريك وااضرب بوق السيارة ، الوالدة توقف ضدي فهاللحظة وتقول ليش ماله داعي تزعجينه يمكن مستعيل بمعنى اذا صدمني او صدمته اهون من اني ازعجه وهاي الموضوع وايد يتكرر بيني وبينها لدرجة ان الاهل يسالوني ليش متزاعلين ، يعني في اتفه الاسباب تكسر رايي ، هاي شي بسيط لكن يوم صار ييني ويين مراة في الشارع هوشة سكتتني ، مرة كنا طالعين واضطريت اوقف عند محل ، كانت في سيارة اخذت ٣ مواقف بوقوف خاطئ فانا اضطريت احذ موقف يغلق عليها الخروج بكون لا يوجد موقف غيره طبعا وقفت بالموقف وقفة صحيحة بين الخطين ،وانتظرت الوالدة تكمل شغلها ، فياتلي صاحبة السيارة معصبة تقول لي حركي سيارتج وانا اذا حركتها ما بحصل موقف غيره فقلت لها انتي غلطانة وكذا ،لكن الوالدى قهرتني يات وتقولي لي حركي سيارتج انتي الغلطانة اقول لها يمه المراة ماخذة ٣ مواقف شوفيها واقفة سيارتها غلط واصرت اني غلطانة لكني عاندت وما تحركت لما الوالدة قالت خلاص ما بي اشتري خل نمشي ، يعني صراحة مادري شنو المشكلة لما ادافع عنها او عن نفسي لازم تكسر كلمتي لازم انا الغلطانة ، مرة اللوالد يشتكي من الجيران بسبب اهمالهم وعرفت عن الموضوع من الوالدة وعطيتها حل جان تقول انتي حلولج تافهة وايي الوالد والوالدة تخبره بحلي باستهزاء ويوم نصحت الوالد رفض ، لان ابوي صراحة دائما يتكابر لان اعطيه حلول مع انه كذا مرة قال ياريت سمعت كلامج ، يعني مادري شنو الحل ، الوالدة ترى تنهان لما الناس تغلط عليها ولين ادافع عنها تكسر كلمتي يعني شنو الحل ؟؟مرة سكت وزعلت علي انني ما دافعت عنها لكن تكسرني واايد وتحرجني وتهيني اهي وابوي لين احاول اعطيهم حل وانا مو صغيرة انا عمري ٢٠ واعية وبكل قواي العقلية ، وفوق هاي تطلب مني اني اسكت عن خواتي واهمالهم وترغمني انظف وراهم لين رفضت وبدت تصرخ علي ان محد يساعدني وانا اقول لها حاولي مع خواتي خل ينظفون ويساعدونا بس احن لللي نغسل ونظف وراهم يعني فكل شي انا اسوي ولو تاخرت انا انلام واذا اختي تركت شي عالارض انا انلام ، يعني كبرنا وهالمشكلة ما تنحل والمصيبة الوالد يقول للوالدة بناتج الثنتين يبيلهم تاديب وايي لي عقب ويزفني اني ما نظفت ... صراحة فيني وسواس وضيق من شهر ونومي متعسر بسبب ان الوالدة تحرجني وتكسر كلمتي وااايد امام الناس خاصة لما ادافع عن نفسي وترضى ان الناس تبوقها ولا ان تاخذ بكلمتي .