أمي تكرهنا بسبب افكارها ومعتقداتها الخاطىء، ما الحل؟

أمي هي المشكلة ، تصرفاتها ، تفكيرها ، معتقداتها كل شي حولها يسبب لنا ( انا و خواتي ) مشكلة .. تعارض اي شي ما تعودت عليه هذي من ناحية معتقداتها تشوف دايما انو هي صح و لو جادلناها تقول تفاهة و قلة ادب و ما عندكم موضوع ، اي حاجة ممكن ترفه عننا او تملي وقت فراغنا بحكم انها بتشوف الطلعة بره البيت قلة ادب ممنوع علينا يعني حتى جوه البيت همها اننا ننظف او نغسل او نكوي حتى لما نسوي حركات بنات و بشرة و حاجة زي كذا الخ تشوفها قلة ادب و فضاوة ، بنات خالاتي عادي يطلعوا و يرفهوا و هم جيرانا حتى هم امي تمنعنا نروح لهم دايما و بنات خالاتي جاراتنا يجونا دايم و نضيفهم دايما اذا رحنا لهم امي تهاوشنا او تحاول ترجعنا البيت سريع و تحرجنا قدام الناس و اذا ضيفونا تقولهم لا مو شرط و مو لازم و تحسسنا اننا ثقلنا عليهم حتى هم صاروا يتحسسون و يكرهون هالشي ، بالنسبة للفلوس ابوي مو معنا ابوي مغترب و يعطي امي الميزانية امي حرفيا اي فلس تطلعه علينا تسوي عليه سالفة لو اقولها ابي منديل بخمسة تقول لا انا طفشت و زهقت من طلباتكم الي ما تنتهي و الله يشهد اننا ما نشتري شي غير الاكل و حتى فيه مقتصدين و فوق ذا هي تاخذ فلوس تشتري كعوب و الله اشكال الوان و جزم و ملابس و شنط و حنا ما ننطق بحرف و اذا شرينا اندومي و عصير يوم تهاوش ليش تشترون سو من البيت و الخ اما بقية الاشياء يشتريها لنا ابوي و يرسل لنا بين فترة و فترة الفلوس الي هنا امي مقتصدة فيها لدرجة انقلب الموضوع شح و بخل و صار الكل يلاحظ لاي درجة هي ما تطلع الفلوس بسهولة لدرجة صاروا يقولو مساكين انتو جملكم كل المطاعم و الاماكن الحلوة و تناظروا بعيونكم اذكر مرة اختب طلبتها تشتري رصيد و امي عيت عليها رغم ان اختي حنت عليها مرة و امي صرت عالرفض رغم انها مجرد عشرة ! راحت بنت خالتي الكبيرة شرته لاختي ، الكل صار يحس اننا فعلا نتمنى الاشياء و الله عكس لما كان ابوي معنا ، لو نبي ندخل نت تسوي موضوع لو مشتهين كيكة او حلا او شي تسوي سالفة ، كنت تعبانة و رحت المستشفى سوت موضوع عالمبلغ الي اندفع و زهجانة حتى في المستشفى ما قالت كيف صرتي علطول تهاوش عالمبلغ و انا للحين ما شريت الادوية لاني عارفتها بتسوي موضوع و بتهاوشنا و تتمنن علينا ، اساسا هي ما كانت تبي توديني لين دق ابوي و قالها وديها ، تربينا على مزاجها تمنعني اروح البقالة نجيب اغراضنا و حنا ما معنا رجال يروح و اذا تبي هي شي ترسلني اروح ، مرات تقول لا تركبوا الباص لحالكم رغم انه ما عندنا سيارة و لازم نروح بالباصات مشاويرنا و احيانا تطلع هي مكان و تدق تقول تعالوا بالباص ! تقول لا تحطوا روج بره و احيانا تتغاضى عن اختي الي اصغر مني بسنة يعني ما ادري ، تهاوش على كل شي و دايم منفسة و اذا جو اهلها استانست و وسعت صدرها لدرجة حنا نستغرب ليش تعاملين الغريب احسن من اهل بيتك ؟ صرنا نتضايق من وجودها معنا صح امنا و كلش بس حرفيا دايم منكدة و دايم زعلانة و دايم عندها راي باي شي و لو تزعل فينا وحدة يوم و يسألونا خالاتي و بنات خالاتي تسفهنا و تقول اسفهوهم بالطقاق و خذلك على كذا ..