ربيته وتعلقت به والأن يعاملني بقسوة أنا وبناتي

قضايا اجتماعية
animate

السلام عليكم زوجي مطلق وعندو صبي، تعرفت على زوجي بعد طلاقه بسنتين، كان عمر ابنو ٤سنين، حبيت الصبي حب ما بينوصف وهو تعلق فيي كتير، كان يفتقد للحب والحنان، بعدين اكتشفت انو امو كتير جامدة معو ومش حنونة ابدا عليه، من يوم كتب الكتاب بلش النكد، عطتنا ابنا وبعتتو بتياب مخزقة، كان زوجي من الاساس ناوي ياخد الحضانة بس لما نستقر ونتزوج، فهي اصرت تعطي يا، وعاش الصبي مع بيو ببيت عمي، البيت اولا غير صحي في رطوبة وغير هيك حماتي متوفية وما في غير عمي وسلفي يعني ما في امرأة تهتم في وتطبخ..مهم كان الصبي يقضي نهارو عند عمتو قريبة ع بيت عمي و بس يرجع زوجي من الشغل ياخدو من عندا، وبس تكون طالعه تصيف ياخدو معو عالشغل او يجيبو لعندي، مع العلم كنت صر دايما يجيبو بس هو كان يخجل من اهلي.. بس تزوجنا صارت تنزعج امو كتير انو الصبي بقلا تجبلي هدايا وكان كتير يحكيلا عني، هو بس تزوجنا قلي بدي عيطلك امي فهي جنت ونبهتو ممنوع يعيطلي امي وانو انا امك  ما رد عليها، كان ينفر منها كتير وما يقبل يرد عليها بس تدقلو، وانا مع كل شي عملتو معنا، يعني فترة كتب الكتاب ما عشناها متل ما لازم، دايما ملبكين بالصبي ما فينا نضهر عندو مدرسة... كنت دايما حننو عليها وتجي تاخدو من بيتي اتعامل معها باخلاق وقلها تفضلي بس اكراما لابنها اللي حبيتو حب مش طبيعي، وكنت قول هو احلى شي بحياتي..مهم هيدا الوضع ما عجب الام، وطلبت من زوجي ترجع تاخد الحضانة لكن الصبي رفض كان عمرو وقتا ٥ سنين، وانا مرضت من قهري خفت تضغط علي ويقبل لان كنت شديدة التعلق فيه.. فصارت تنكد علينا ساعه تحاول تتقرب من زوجي وتضل تدقلو ويفيق ع مسج وينام ع مسج مش مسج غرامي طبعا لكن كانت عاملة كتير حدود بينا وبينو قبل ما نتزوج، لغتها بس تزوجنا،وصارت تجبلو هدايا بحجة ابنا انو هو اللي استحلالو، وكتير حركات عملت يعني صار اذا بدو ياخدو عند الحكيم تلحقو، تدق بدا تحكي مع ابنا قبل ما يروح عالمدرسة... كل هول ما كانت قبل تعملن المهم زوجي مش كتير اهتم ومش دايما يرد عليها بس انا نهارت اعصابي وصرت حس زواجي بخطر.. واكتر من هيك بتدق كل شوي بدا تحكي ابنا، اكلت شو اكلت ، ليش ما اكلت، شو بدك تاكل وكأنو مقعدينو بلا اكل، فصرت حسا عم تتعامل معي كأن خادمة لابنا اللي استفزني انو لما كان عايش عند بيت عمي ما كانت تسأل هالاسئلة واصلا كانت تدق مرة ،صارت تحاول تعمل كتير حنونة فصار الصبي يتعلق فيها، مع العلم انو كانت تجي تاخدو من عندي كل ٥ ايام ما تقرب تبوسو ولا تعبطو وهو نفس الشي جامد معا بينما انا كتير مدلعيتو وبعبرلو ، واوقات تجيبو مريض ابكي من قهري علي ونيمو حدي واسهر علي كل الليل.. مهم انو الصبي صار يلين كتير معا وصارت تحرضو عليي فصار يكرهني، وصار يقلا بدي اجي لعندك تفكر انا بدي ابعتلا يا مزعوجة منو فما تقبل لحتى صار عندو مشكلة نفسية صعبة جدا، يفيق بالليل يخبط ع حالو ويبكي، ويضل يدعي بالموت وصار عندو تبول لا ارادي والله بيشهد كنت متحملة وابكي من قهري علي واحكيه قلو ماما مش قادرة تاخدك طول بالك لتقدر بتاخدك... مهم تعبت نفسيتي كتير وزوجي ما حاول يعمل شي ليوقفا عند حدا ع اساس ما تعطيها اهمية وطلبت الطلاق اكتر من مرة لان تعبت نفسيا كتير بس اتراجع لان بحب زوجي كتير وهو كنت حسو ببادلني الشعور بس ما بحب يعطيها اهمية وما الو خلق يوجع راسو معا لان كتير نكدة وحتى علاقتا باهلا مش منيحة كانت دايما تفل من بيت اهلا وتستأجر بيت وتعيش لحالا. بعدين صارت بدا تتدخل شو منحضر عالتلفزيون وشو منعمل بالبيت دقت لزوجي عم تتشكالو انو انا برقص ادام ابنا، مع العلم انو انا الله بيشهد انو كتير واضعه حدود بيني وبين الصبي وما بلبس شي ملفت ادامو مع انو متل ابني، واوقات بلاقيني نايمة بيجي بنام حدي ببعد عنو حتى يكون في مسافة بيني وبينو مع انو حلال عليي وهيك كل ساعه قصة ساعه الصبي متعرض لتحرش مهم زوجي ما سكتلا كذا مرة علق معها وحكي مع اهلا وما نفع... حتى انهرت عالاخر ووصلت لمرحلة من الاكتئاب صعبة جدا، وضل معصبة وارجف واحيانا كرز.. فتدخل صديق زوجي وحكا معها اخد شيخ لعندا عالبيت وكمان ما نفع، بالاخر قال لزوجي اعطيها ابنا خليها تربي وبلا ما تضل عاملة شغلة بال، فرجعت اخدت الحضانة وقطعنا علاقتنا فيها وصار التواصل مع بيها، وحاليا بيجي اخر الاسبوع يومين لعنا علاقتي في منيحة الحمد لله بس مش منيح ابدا مع اخواتو يعني بيضربن وبدفشن وكتير عنيف معن، مع انو بناتي بموتو علي، وبقول لاختو الكبيرة عمرا ٣ سنين بكرهك... بحاول حننو علين وما خليت وسيلة لقربو منهم ودايما مندقلو منحكي انا وبيو واخواتو جبنالو تلفون لنصير نحكي دايما وكتير مندلعو بس يجي وغير هيك انو بميزو ع بناتي بكل شي؛ بضل حريصة انا وزوجي ما نقصر معو ماديا مع العلم امو وضعا المادي احسن منا بكتير .. وكمان ما برد عليي ابدا بس ع امو كتير برد اذا دقتلو وطلبت منو شي دغري بنفذو،فصرت احيانا افقد اعصابي وقلو حكي مش مفروض احكي، انو انت لئيم متل امك، او لمين بدك تطلع الخبث وراتي وهالحكي، ومن قهري من امو اوقات بحاول ذكرو شو عملت معو لان عندي حقد عليها مش طبيعي لانا خربتلي حياتي ومش عارفة كيف انتقم منها بس احكي هيك ما برد، وبصير يحاول يتقرب مني ومن اخواتو برجع براضي وبعتذر منو، فشو العمل كيف بدي خلي يحن ع اخواتو ومعقول يحقد عليي ع كبر لان بحكي ع امو، معقول يكون نسي اعمالا لان كان صغير وهلأ صار عمرو ٩ بس يتذكر كلامي الجارح ويحقد عليي؟ انا بحبو كتير وبهمني تكون علاقتي في وباخواتو منيحة ما بدي يحقد عليي وينتقم منهم بعدين و عذرا عالاطالة

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده اهلا بك يا سدتي وانت وام الولد سبب في تعذيبه هذا طفل ويجب ان يكون يلعب ويستمتع بطفولته التي قضاها في العذاب بينك وبين امه، هو ليس وسيلة للانتقام من امه، انت كنت تعلمين ان زوجك مطلق وله ولد وانت قررت ان تتعاملي مع الولد بطريقة مبالغ فيها ليكون ذريعة لك في حب والده وتمسكه بك، وعندما اختار امه اصبحت لاقصة في اتجاه اخر وهي تكريهه بامه ليبقى معك لانك اعتبرت انه سلاح بيدك وتريدين ان تبقيه حولك لتنتصري، وهذا كله لا يجوز. الطفل يتعذب وسيعاني الكثير وبدأت هذه العلامات من سوء تعامله مع اخته لانه يبدو غضبان وعصبي، وربما انت تبالغين في الأمر من رايي ان تتركي الطفلل لوالديه فلا انت امه ولا انت ابيه، اتركي امر الطفل لوالديه ولا تتدخلي به، وان قررت التدخل فعليك ان تفعلي اي امر في سبيل الله وليس للانتقام او لا يدافع شخصي، فهو لن يكون ولدك مهما حاولت، افعلي المطلوب منك اكراما لزوجك ولا تتدخلي به وحاولي ان بتقي بناتك بعيدات في وقت الزيارة ولا يحصل صدام بينهم وان حصل تعاملي مع الموقف طبيعي فهو اخوهن ويحصل بين الاخوة خلافات ويضربون بعض بشكل طبيعي، اعتقد انه انت من يجب ان تغير منظورها للامور وربي يوفقك.
  • صورة علم Saudi Arabia
    صورة علم Saudi Arabia
    من مجهول

    انت ماقصرتي بنوب معو كثر الله خيرك  هلا صار من حقو يروح لامو.  لازم تعرفي الشي هذا وتهتم في بناتك وحياتك الزوجية  مافي داعي انك تقهري روحك  وتعملي مشاكل مع امو  صدقيني هذا هو الحل المناسب. لك وديزي بالك على جوزك تماما  فالظاهر انر طليقته ام الصبي  تخاول توثر عليه لاجل يرجع لها  وتعمل كلهذا مع الصبي  من شان  تخليه السلم اللي تصل به الى ابوه   وتسترده منك 

  • animate

  • صورة علم
    صورة علم
    من مجهول

    يا ابنتي الغاليه عليكي ان تعرفي انه ابنها في النهايه سواء احببته ام لا فلا يجب عليكي ان توصلي الامر لهذه المرحله لانها امه في النهايه فتعاملي معه بموده ولا تبخلي عليه كما تفعلي لكن اعرفي انه ابنها هي في النهايه فاحبي بناتك واهتمي بحياتك في نفس الوقت 

  • صورة علم
    صورة علم
    من مجهول

    انه يحبك كثيرا لهذا يفعل ما يفعل فهو لا يحب بناتك لانهن بناتك ومعك طوال الوقت اما هو فلا يستطيع ان يكون معك لكن هذا بداخله لهذا هو يريد الاهتمام لهذا يفعل ما يفعل فكلما فعل هذا وقام بضرب اخوته يجب ان تقاطعيه وكلما لم يفعل فاهتمي به 

  • صورة علم
    صورة علم
    من مجهول

    يا ابنتي عليكي ان تكوني اكثر حكمه في تعاملك معه فلا يجب عليكي ان تاخذي الموضوع كنوع من الانتقام فاخرجي هذه المشاعر السيئه من داخلك فعاملي الطفل بما يرضي الله سواء معك او مع امه ولا تهتمي لاي شيئ اخر انسي ما حدث واهتمي بحياتك وببناتك 

  • صورة علم
    صورة علم
    من مجهول

    ان كنت مكانك كان لا يعنى لى ان يحبنى او لا يحبنى   انو امى كانت تقول يامن تربى غير ولدك كما يا من يبنى فى غير ارضك مهما تفعلى ان ولاؤءه  لاامه وليس لك وحتى ان فعلتى كل الخير معه لن يكون حبه واحترامه لك  فلما تضيعين وقتك وفكرك مع شخص لا يمت لك باى صله ان بناتك اولىى بوقتك وجهدك وتفكيرك  منه دعيه وشانه ولا تهتمى به 

  • صورة علم
    صورة علم
    من مجهول

    ليس بيدك اى شئ تفعليه الا ان تتعاملى معه جيدا ولا تسمحى له ان يقلل احترام ومهما فعلتى انوتاثير  امه عليه اكبر واعنف ولن يستمع اليكى ولكن استمرى غى المعامله الجيده ربما عندما يكبر يتذكر كيف كنتى تقابلى حقده بالطيب فيكون افضل معكى ومع اخوته  هذا ما بيدك الان وليس اكثر من ذلك

  • صورة علم
    صورة علم
    من مجهول

    هذا ااطفل مسكين ضحيه لام لا تفكر الا بنفسها وكيف تنتقم من طليقها وزوجته ولا تفكر فى نفسيه ولدها وشعورة حسبى الله فيها وابنها هو من يدفع الثمن ولا تغرف بذلك انهاةتقضى على حياته  لمجرد ان تنتقم  لا تعطى لها الفرصه وكونى هادئه حاولى

    ان تكونى هادئه معه وتستوعبى ما يمر به انه مسكين امه تستغله لاغراضها الشخصيه انها تتجرد من مشاعر الام

  • صورة علم
    صورة علم
    من مجهول

    تجعلين طليقه زوجه تنكد عليك حياتك وتحاول افشالها وانتى تساعديها لا تتدخلى بالامر بهذه الطريقه وانما الولد ياتى لعندك ضيف فقط لا اكثر ولاةتمتظرى منه الحب او المره انما الاحترام فقط وتتركى امره الى زوجكك ولكنك تفكرى وتكتئبى لما ان كنت مكانك لقلت لنفسى ليس لى دخل باى شئ وانما هو ضيف ويرحل فقط

  • صورة علم
    صورة علم
    من مجهول

    انتى تشغلين بالك بالصبى اكثر من والده والامر من الاساس لا يعنيكى بالمرة هو بين امه ووالده وووالده يتصرف مهه وانتى زوجه والده فقط وليس عليكى تربيته او تقويمه اهتمى ببناتك وحاولىةحمايتهم منه ولا تنكلمى بالعاطل عليه امامهم  واتركى الايام هى ما تصلح بينهم ولكن انتىةتعطى الامرىاكبر من حقه انه ليس ولدك

  • صورة علم
    صورة علم
    من مجهول

    تقربي منه حاولي ان تعوضيه عن امه وتهتمي فيه وما تفكري نهائي في التميز اعرفي هو شو الي عنده وحاولي اصلاحه

  • صورة علم
    صورة علم
    من مجهول

    هو يختلف يا اختي عن ابنائك لانه اكيد شاف المعاناة الي كانت بين امه وابوه وخزنها في عقله والان هو يحصد ما زرعه عقله الباطن من المشاكل لذلك عليكي ان تجتهدي معه وتهتمي به اكثر من اي شيء حتى تستطيعي ان تخرجيه من هذه الحالة

  • صورة علم
    صورة علم
    من مجهول

    ما زال صغير مع الوقت حيتحلى بالهدوء ويصير متوازن فلا تستعجلي عليه ولكن الطفل بهذا السن يحتاج الى الاحتواء حاولي ان تدخلي له من الاشياء التي يحبها .

  • صورة علم
    صورة علم
    من مجهول

    عناده مجرد سلوك لجذب انتباهك وانتباه من حوله، فحاولي التعامل معه كمجرد سلوك لجذب الانتباه، ويمكنك توجيه انتباهك إليه عندما يتجاوب معك ومن دون عناد، وحاولي صرف انتباهك عنه عندما يصل عناده لحدّ لا ترتاحين له.

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟