أشعر بالذنب بسبب اتهام أقاربي لي بالتخلي عن أمي قبل وفاتها

السلام عليكم فيه موضوع تاعبني نفسيًا ومش بعرف أنام منه وحاسه بالذنب أنا طول عمري أمي صعبه معايه وقاسية عليا جدًا ، وبتفرق بيني وبين أخواتي الولاد بالرغم إني بنت وحيدة لكن عمري ما حسيت إنها بتحبني والكل ملاحظ كده لدرجة جدتي أم والدي كانت بتقولي لو مش أنا كنت حضرت ولادتك كنت قلت إنها مش أمك ضرب وإهانة ودعا عليا ليل ونهار ، عمرها ما اشترت لي لبس زي البنات والله العظيم بدون مبالغة وأنا طفلة كان والدي بيسافر السعودية ويجيب لي كل حاجة كانت تاخدها وتبيعها وحاجات ما تناسب سنها تقول حلبسها أنا ، وتشيلها بالسنين وما ترضي تخلينا البسها يكون معها فلوس الدروس وتطلع روحي والمدرس يطلبها أكتر من مرة ويرجعني مم الدرس واعيط لها تقول مفيش فلوس وهي الله معها وبشوف الفلوس معها كتير والدي كان بيرسل لها من السعودية ، وفلوس تانية بتشغلها وبيجي لها أرباح منها ، حتي حذائي بقعد لبساه لغاية ما ينفتح من كل الجوانب والله كنت ارجع من الدسك الأمامي للخلفي وما ارضي أطلع احل ع السبورة عشان الفصل والمدرسين ما يشوفوه ، يعني أذكر مرة وأنا في ثانوي طلبت منها أشتري علبه شاي حجم صغير ما وافقت وقعدت تصرخ علي وتلطم لدرجة أسنانها نزفت دم وشفتها عشان نصف جنيه أو جنيه والله العظيم بدون مبالغة ،مرة كنت مريضة وقعدت أنزف وقلت لها والله ما عبرتني ، ومرة تانية قبل فرحي جسمي كله صار كدمات زرقاء وبقع شكلها غريب وشكله صار مخيف رفضت تكشف علي وقعدت أبكي ولا أتأثرت بالصدفة جدي كان عندنا وعرف وصعبت عليه عطاني فلوس الكشف ، بالرغم إني ظروفنا مش وحشة وعندنا أرض لكن الفقيرة فعلًا كانت عايشة أحسن مني والله بدون مبالغة وكنت صابرة وراضية وربنا كان كارمني في دراستي وكنت بنجح في كل مرحلة بتفوق كانت بتضايق وتدعي علي بالفشل ليل نهار وعمتي تقولها حرام تقول لما تفشل حتنكسر وتتذل بالرغم والله ما كنت بعملها شئ ، وطبعًا كانت بترفض عرسان كويسة جدًا من وراي وساعات ارجع من الجامعة بلاقي حد عندنا أول ما تشوفني دخلت تتكلم علي بطريقة وحشة وإني مش بعرف أعمل شئ في البيت ولا بعرف أطبخ وطردت عرسان كويسة جدًا وعرفنا من الناس إزاي الناس دي تترفض ويقولوا لوالدي دي ناس محترمة ما تتعوض والدي يقسم بالله ما حد تقدم طبعًا لما اتخطبت اعترفت إن كان بتتقدم ناس كتير ومحترمين وظروفهم كويسة أفضل من عريسي عشان عايزاني ارفضه لما عرفت إني حسافر معاه غير إنها كانت بترفض عشان ما تجهزني وتصرف علي زي البنات خايفة ع الفلوس لغاية ربنا ما كرمني وتقدم لي شخص والده صاحب والدي وبيجي عندنا وهي طبعا مش حتعرف تخبي علي والدي وافقت لكن كانت بتعمل المستحيل بعد الخطوبة عشان افسخ الخطبة وقعدت تطلب منه ذهب زياده ع الإتفاق ولما رفض نكدت عليا طول السنة اللي مخطوبة فيها وتطلب مني أتركة وقالت عمري ما احضر فرحك ولا أدخل شقتك قلت بتهزر عادي قعد سنة ونزل عشان فرحنا اول يوم جاي يزورني فيه فعلا اختلقت مشكلة وغضبت وتركت البيت وطبعًا طول فترة جهازي طلعت روحي لازم حد معايه عشان يقنعها تشتري الحاجة وقدام أهلي تشتري ولما نرجع البيت تروح ترجع الأشياء اللي أشترتها غير تضربني في المحلات وتسبني قدام الناس وتهزأ الشخص اللي جاي معنا ، ولما كان يحضر حد من أهل خطيبي ترمي كلام وحش عني تشككهم فيا إني صعبة أو أنانية ْ، غير طبعًا كانت دايما تسلط والدي عليا إني مش بساعدها في البيت وتقوله كلام بالكذب عني بالرغم والله كنت في ثانوي وعلمي طول الوقت دروس ومذاكرة ، أو في الجامعة وبسافر يوميًا وبرجع متأخر لأنها مش موافقة علي المدينة وأنام خارج البيت كلمة طلع روحي شوية علي اللي شوفته وطبعًا كملت لما تزوجت تيجي لعندي تلم كل الأشياء اللي أشترتها لي وقبل السفر لازم تيجي تأخذ أي شئ باقي في الثلاجة أو أي شئ زيادة عن الميزان تبعي مش بتيجي حب أو عايزه تقعد معي كان أمنية حياتي أحس بحب وحنان الأم واحضنها أنا خلفت بنات ولما واحدة تقولي بحبك مش عارفة ازاي بتحبني مش عارفها ايها شعورها تجاهي بالرغم والله العظيم كنت بعاملها بما يرضي الله وأخواتي الصبيان طلعوا عينها إهانه وشتيمة وقلة أدب كانت بتحبهم وتعطي لهم كل شئ بالرغم إنهم فشلوا في التعليم واسلوبهم وحش لكن علي قلبها زي العسل حتي أخي تزوج بهدلها هو وزوجته ومش بيرضوا ينزلوا عندها والبنت بتكرهها ولما مرضت مرض صعب زوجة أخي بتتركها بالشهور ومش بترضي تنزلها ولما أمي بتشتكي لأخويا عليها في عز مرضها أخويا بيبهدلها عشان مراته نزلت عشانها اخدتها عندي في بيت زوجي اقسم بالله وهي في أخر أيامها ما زالت تقلل مني وتسبني قدام زوجي وأنا معودة زوجي يحترمني وموصله له صورة أني أهلي محترمين وبيحبوني شاف معاملتها معي صعق حتي بنتي الكبيرة بعد ما كانت بتحبها وبتساعدها كرهتها لما شافتها بتبهدلني وانتوا عارفين التهزيق ليه عشان بزود لها أكل وبحط جنبها فاكهة وحلويات ومش عايزه أحرمها من حاجة عندي بقول عشان خاطر ربنا ولو حصلها حاجة يبقي ضميري مرتاح بالرغم من إنها حرمتني من كل حاجة وأحسن الأكل كانت تخبيه لاخواتي وكنت أنزل الأجازة أشتري لها هدايا وعبايات وأجهزة مطبخ وتخبيهم عشان ما تقول إني بشتري لها هدايا وعمرها ما قالت إني عملت معها حاجة حلوة تقول بس بعمل لأهل زوجي إنما لها مستحيل ولما نزلت الأجازة وكنت عندها عايزاني أنا أشيل بنت أخويا لأن أمها طردت أخويا بالبنت من عياطها قالت أنزل بيها عند امك شويه لأنها مصدعة وعايزه تنام المفروض إني نازله من سفر وتعبانه ونازله عشان اخدمها وأخويا وزوجته مش معبرينها وهي بتموت وتتخانق معايا عشان أشيل البنت وأمها لا بتساعد ولا بتنزل ولا معبراها ولما رفضت شتمتني وطردتني قعدت اعيط يعني أنا خسرت زوجي تذاكر لي وله والأولاد وأنزل تبهدلني كده المهم كنت بتمني اليوم اللي أرجع فيه الإمارات ولما بدأت الدراسة رجعنا وبعدها بشهرين توفت وطلبوا أنزل اخد عزاها نزلت اقسم بالله مش عارف أنزل دمعة عليها بقيت أحاول أمثل الدمعة مش عارفه المشكلة ناس من أهلي اللي هما أصلا طول عمرهم بيكرهوها وعارفين عاميلها فيا طول العزا يقولوا لي إنتي سبتي أمك في مرضها كنت أجلتي دراسة ولادك ونزلتي قعدتي بيها أقنع فيهم إني نزلت والله العظيم ما عديت يوم من غير ما طبخ واجيب الأكل جاهز عشان ما اكلفهم وأخواتي شاهدين علي كده ، ورجعت اخدتها فترة عندي ووالدي وأخويا عارفين إني كرمتها وشاهدين غير مدارس الولاد هنا وشغل زوجي صعب أنزل كمان وكان فيه كرونا غير إني زوجي كان بيحجز لي أنزل وقت العمليه أمي اقنعته ما يحجز لي غير كده لما نزلت لها بهدلتني أنا دلوقت بفتكر دعاها عليا وبقول مش مسامحاها وساعات بحس بالذنب إني ما نزلت طول مرضها وقعدت بيها ولما يحصل لي حاجة وحشة أقول طول عمرها بتدعي عليا وبحسبن عليها ونفسيتي وحشة جدا طول الوقت فاكراها ومخنوقه مش عارفة أنا عملت ايه في دنيتي عشان أمي تعمل معايا كده اقسم بالله الجيران كانوا بيقولوا نفسنا بناتنا تكون ربع أدب بنتك وأخلاقها خلتني شخصية مهزوزة وكاره نفسها غير إنها كرهتنا كأخوات في بعض تنقل كلام كدب علي لسان كل واحد وفرقت بينا خلاص ونكتشف بالصدفة لما نعاتب بعض أن أمي قالت الكلام ده وكله كذب وافتراء وبعد وفاتها زوجة أخويا بتقولي أمك كانت بتقولي انها بتكره زوجك لأنه بخيل وما كانت بتحبك وكلام كتير صعب علينا بالرغم والله زوجي كان بيعاملها بما يرضي الله ولما كنت اطلب يشتري لها شئ عمره ما رفض ليه الكلام ده ، محتاجة نصيحة تبرد قلبي بدون تجريح لأن والله اللي فيا مكفيني