ماذا افعل مع حمايا المتحرش

لازم زوجك يعرف علشان يقصر من الفضايح وحماكي رجل مش محترم 

اكاد اجزم انه ما تمادى من نفسه 

انا في حيرة من امري بالليل بعد اللي حصل لما روحت بيتي لاقيت حماتي جت فضلت ترن الجرس ماكنتش عاوزة افتح لاني افتكرت انها جت تعاتبني عشان مشيت من غير ما اعرفها و مكانش عندي رد اقوله لكن في الاخر فتحت لأنها فضلت ترن اكتر من مرة لاقيتها مترددة و زي ما تكون عينيها فيها دموع و سلمت و دخلت بدون كلام قعدنا و فضلت ساكته قومت جبتلها مياه و قولتلها اتفضلي شكل حضرتك تعبانه شربت و بعدها قالتلي الحاج حكالي كل اللي حصل ، كلامها وقع عليا زي الصدمة لاني خوفت يكون بيتبلي عليا بكلام محصلشلكن هي كملت و قالت هو ندمان و مش عارف يرفع عينه و قالي اجي اعتذرلك  و اراضيكي و ابوس ايدك يا بنتي ماتحكيش لجوزك حاجه و فضلت تتوسل ليا كتير اني افضل ساكته و وعدتني انه عمره ما هيتعرضلي و انهم مش عاوزين ابنهم يقاطعهم و وعدتني ان مفيش حد هيلمسني تاني و ان حتي هتقنعه اني ابات عند اهلي و مخافش مش مضطرة اجي عندهم و فضلت كتير بجد تترجاني افضل ساكته و انسي اللي حصل و اعتبرها غلطة وقت ضعف انا بعز حماتي جدا جدا و هي فعلا كويسة و عمرها ما جرحتني و لا ضايقتني و بروح هناك بتعامل زي بناتها و تحضر الفطار و تصحيني و مش مستنيه خدمه مني و لا حاجه حتي حمايا نفسه كان قبل كل دة كويس معايا و لما مرة زعلت مع جوزي بهدله عشاني و خلاه اعتذر و قاله إياك تخليها تشتكي تاني يعني هما فعلا كويسين في المطلق ، و بالفعل انا قولتلها مش هقدر ا قرار لاني فعلا ملخبطه و اني محتاجه افكر  و فضلت في شقتي و اخته اللي في الجامعه جت قعدت معايا لحد ما جوزي يرجع و دلوقتي هو راجع بكرة و انا بصراحه مش عارفه فعلا اعمل ايه و اسكت فعلا و خلاص ولا لا مع العلم ان حمايا جه امبارح و خبط كذا مرة و بنتها كانت في الجامعه فأنا مارضيتش افتح و قولتله نعم من ورا الباب قالي انا اجيت اقولك حقك عليا و انا اسف ليكي و بعدها مشي اعمل ايه؟ انا في حيرة كبيرة اوي و بجد كل ما بفتكر و انا واقعه عالارض و صدري مكشوف ليه و عماله يمسك في جسمي بنهار و افضل اعيط و اقول لو مكانش سابني وكان كمل كان زمان وضعي ايه بجد الموضوع جرحني جامد و خلاني مش حاسه بأمان ممكن رد بدون تجريح

عندك حاله نفسيه انتي تبالغي و تتوهمي و تفتري على الحاج و أوهامك مبنية على خيالاتك و  التمني لأن عيونك عليه من الاساس 

أواجه الكثير من اللوم في التعليقات و كأن انا المسئولة عن تصرفات حمايا ، انا بروح لما جوزي بيسافر لانه بيخاف عليا افضل لوحدي في البيت و فعلا حماتي و اخته اللي في الجامعة ناس كويسة و بيحبوني و بنساعد بعض و مش مطلوب مني اخدمهم و لا حاجة و في اوقات بروح لاهلي برضو مش كل مرة عند أهل جوزي ، حمايا برضو كان كويس لحد ما حاله اتغير كدة ، و انا دلوقتي اصلا روحت شقتي لان الموضوع اتطور و مبقاش ينفع اقعد عندهم ، حمايا اصلا ضخم و صحته كويسة و انا جنبه صغيرة جدا انهاردة حماتي بنتها الكبيرة تعبت و نزلت تروح لها بدري و انا نايمه و بنتها التانيه نزلت الجامعة و انا معرفش طبعا لاقيته دخل عليا اوضتي و صحاني اتخضيت و زعقت فيه قالي قومي حضريلي فطار عشان حماتك مش هنا قومت فعلا و انا بحضر دخل المطبخ و ضربني بالعكاز بتاعه و فضل يضرب فيا بدون سبب فضلت اصوت و ازعقله يقولي انتي لازم تتربي و سحلني في الأرض اخدني عالاوضة رجلي مابقتش شايلاني من كتر الضرب و قفل الباب و قعد قالي اقلعي صوتت و انهارت مالعياط وطيت علي رجله بوستها انه يسيبني راح زقني برجله و قام ضربني بالاقلام علي وشي و كشف صدري و فضل يتحرش بجسمي كله و يبوسني و يمسك مناطق حساسة في اللحظة دي انهارت و صوتي مبقاش طالع بقيت دموعي نازله و مش حاسه بجسمي و لا قادرة اخد رد فعل كأن جسمي اتشل حرفيا ماحسيتش بنفسي غير و انا بقوله ارحمني ارحمني اعتبرني بنتك ترضالها كدة بعد لحظات وقف و كأن كلامي اثر فيه و سابني وخرج فضلت واقعه عالارض بعيط و ماحستش بنفسي زي ما يكون مغمي عليا و صحيت بعدها بساعه تقريبا و اخدت هدومي و انا دلوقتي في شقتي و مش عارفه ابرر لحماتي و جوزي اني مشيت فجأه كدة ازاي و مش عارفه المفروض اعمل ايه و اقول لجوزي و لا لا و لو قولتله مش عارفه ايه ممكن يحصل خصوصا انه بيحب ابوه جدا و مرتبط بيه انا عندي حالة انهيار حرفيا و مش لاقيه مكان تاني اقدر اكتب فيه و اخد رأي حد لاني متلغبطة جدا و محتاجه نصيحه بالعقل

اختي هادا ليس بحماك هادا شيطان في صفة انسان لايمكن لوالد الزوج أن يفعل مثل هاته الأفعال لزوجة ابنه ويدعي أنه يعتبرك مثل ابنته أنصحك أن تغادري الى بيتك حتى وإن كان زوجك غائبا ولو كانت زيارتك الى بيت حماك فيجب أن يكون معك زوجك وتحاشاي السلام مع هادا الفاسق بالأحضان واكتفي بمد اليد ولاداعي لأن تقولي لزوجك ماحصل صونا لعلاقتك الزوجية

المشكلة انه سيفهم من سكوتك موافقتك على مايفعل وسيستمر ويتمادى، لماذا لم تصرخي في وجهه وتخرجي من البيت فوراً لأهلك، وبعد عودة زوجك اخبريه بكل شيئ

عند سفر زوجك اذهبي الى بيت اهلك وليس بيت حماك، هذا هو الاصل

لا أدري كيف يعلق البعض تعليقات تلوم صاحبة القصة وهي ضحية لشخص كهل منحرف. قد لا يكون الأمر بيدها حين يتعلق الأمر بالذهاب إلى بيت حماها بمعني ان زوجها لا يريد أن تبقى وحدها في البيت. انصحك بان تقللي ذهابك لبيت حماكي الى الحد الاقصى بقدر المستطاع. تحججي بانك مضطرة للبقاء في بيتك كان تقولي ان اختك أو أخيك او امك سياتون لزيارتك في البيت. او ان تزوري انت بيت اهلك. لا تذهبي لبيت حماكي الا ان كنتي متأكدة بان حماتك واخت زوجك في البيت. وتأكدي أن ملابسك محتشمة في كل الأوقات ونامي مع اخت زوجك في نفس المكان. ان لم تفلح كل محاولاتك واجهي حماك بأنك لا تحبين لاحد ان يلمسك لاي سبب. احذري ان تفتحي الموضوع مع زوجك دون وجود دليل دامغ بيدك كتسجيل كاميرا تثبت قيامه بالتحرر.  

يعني مش عارفة اقولك ايه بجد يعني الحل فى ايدك بس واضح انك !! ليه تروحي بيت حماكِ اثناء غياب زوجك يا حلوة يعني ابسط شئ اقطعي المرواح هناك هما مش من بقية اهلك ولا رحم بتصليه إلزمي بيتك ياماما وساعتها حماكِ مش هيقرب لك تاني او افضحيه يعني الحل فى ايدك مش فاهمة عايزانا نقولك ايه!!

قد يكون عنده بداية خرف او جلطة دماغية خفيفة، عن خبرة في بعض الاحيان قد يصاب كبار السن بجلطة دماغية خفيفة قد لا تلاحظ من الاهل لكن قد يصحب هذه الجلطة بعض الاضرار الدماغية مما يسبب تصرفات غريبة او غير معقولة، او تخيلات.نصيحتي لك ان تخبري زوجك بان يعرض ابيه على طبيب وقد يكون هو السبب.

لا تذهبي الى هناك مرة اخرى

الكاميرا والتصوير المخفى لأفعاله تلك .. انتى اللى هتهدديه وتفضحى امره وهتربيه تربية العبيد 

في بيوت عيله بيبقي الحما شايف ان مرات ابنه ممكن يلمسها و يبوسها عادي و احيانا يعاشرها و حماتها مايكونش عندها مشكلة لأنها كبرت و بتقول اهو يتمتع بدل ما يتجوز اهم حاجه ابنهم مايعرفش وخلاص غالبا حماكي من النوع دة ، خدي بالك كويس قبل ما الموضوع يتطور

شكلك عاجبك الوضع ! ليه مابتصوتيش و تفضحيه في وقتها مستنيه ايه لما يدخل عليكي اوضة النوم و انتي نايمة؟ خلي التليفون مفتوح بيسجل جنبك لو اضطريتي تبقي لوحدك معاه عشان يتصور و تهدديه لو ماسكتش هيتفضح راجل ناقص بصحيح 

يبدو ان نيته سيئة تجاهك

هو خبيث وسيفضحك

قال رسول الله صلى الله عليه وسلم "الحمو الموت " والحمو هو كل رجل يخص اهل الزوج سواء الاب او الاخ او ابن الاخ او ابن الاخت . وواضح انه خطأ ان تبقي معه لوحدك . وواضح ان هذا الكهل يراهق من جديد ويوسوس له الشيطان . ابتعدي عنه ما استطعت . وحاولي الا تسلمي عليه بيدك ابدا . لا تحترمي من لا يحترم نفسه ولا يحترمك ولا يحترم ابنه . ولا افهم هؤلاء الأزواج الذين يغيبون طويلا ويطلبون من الزوجه البقاء مع والديهم بدل من البقاء ببيت أهلها خاصة ان لم يكن هناك اطفال صغار . حاولي الا تأتي كثيرا . وان أتيت تعالي فقط بوجود زوجك او ام زوجك وايضا لا تسلمي عليه بيدك فيكفي السلام بالرد . ضعي حدود من الان وغدا ربما يتطور الامر ولن يصدقك احد وربما يتبلى عليك ويقول انت كنت تغريه.  ابتعدي ما استطعت عن هذا العجوز المراهق . وحسبنا الله ونعم الوكيل 

تكلمي معه بكل حزم و قولي له ان يتوقف و انك لن تخبري احد بما فعل فقط عليه ان يتوب ، و ان لم يتوقف صوريه فيديو و ابعثيه لزوجك ، زوجك لن يصدقك بدون دليل، الفيديو ضروري من دونه سوف يصبح كل شيء ضدك ، و في المستقبل لا تتركي بناتك وحدهن في منزله