كيف أتعامل مع أمي إذا ظلمتني؟

السلام عليكم ،كيف أتعامل مع أمي إذا ظلمتني؟ماني عارفه من فين ابدى انا ناشت في بيئه مفككة احنا ٤ خوات و٣ اخوان وانا الاخت الكبيره وفيه ٢ اولاد اكبر مني امي ظلمتني ظلم بحياتي مو طبيعي كانت تميز اخواني عاي وكانت معتمدة علي بكل شي

انا من توظفت وانا راتبي كله لهم ساعدت اخوي الكبير بزواجه وتحملت قروض وخساير وساعدت الثاني بشراء سيارة وجاب لي قسايم وامي عندها اني ملزومة بكل شي بكل مصاريف البيت وفكرت بيوم قلت مالي الا اتزوج واهرب من هذا العذاب انا كنت كل شوي اسحب قروض لهم في مناسباتهم بكل'شي كني انا الام والاب في البيت وامي حملتني فوق طاقتي كانت تقولي ساعدي اخوانك بيجي يوم يردون لك الجميل ويوقفون معاك وللاسف مريت بظروف ومحاكم وظلم مع ابو عيالي ووصلت للطلاق واخذت حضانة اولادي ٣ كامل مسوليتهم علي وامي لمن الحين تظن اني مسئوله عن اخواني وهم كبار ٢ اكبر مني والباقين اصغر

انا ماكنت اقصر مع الكل فوق طاقتي وللاسف بعد مامريت بمشاكل وظروف ماديه لاني متحملة مسولية اولادي مالقيت حتى سوال عني ولا اي اهتمام من اخواني ولا احد وقف معاي لابمادة ولا بسند كني وحيدة لاني قصرت بالمصروف وانا ادفع ايجارهم وعندي ايجار بيتي لان شغلي بمنطقه ثانيه غير منطقة اهلي وللاسف اتهموني اني بخيله لاني مو قادرة ادفع ايجار بيتهم للعلم عندي اخوان ومحد راضي يدفع الايجار حملوني فوق طاقتي وصرت عشان افر اقطع من مصروف اولادي عشانهم وانا تعبت من هاذي الحاله ولايقدرون ظروفي لانهم تعودوا اني اعطيهم وامي ماترحمني مره واختي واخوي الكبير الي اخذت قروض عشانهم مافكروا فيني ولا يتصلون علي كنهم مايعرفوني ولا احد رفع الخط وسال عن حالي از عن حال اطفالي لاني ماصرت اعطيهم بالاصح خلصت مصالحهم مني كل واحد همه بيته واولاده ويسافرون وعايشين ولا يساعدون حتى في ايجار ومصاريف اهلي كل'شي كانعلي كني بنك متحرك الحين قلبوا علي لمن اتكلم مع امي اقولها وين اولادك وين الاهل والسند والعزوه تقولي انتي ماسويتي اي شي لهم وانتي تمنين علينا وانتي وانتي حسوده غيوره تغاري من اخوك وزوجته هذا اخوي

انا سحبت ٩٠ الف قرض لزواجه والحين كل ماتصل عليه يقولي ماعندي ويتحجج انه ماعنده فلوس ثاني يوم احصله في ايطاليا هو واولاده وامي تسب فيني وتقولي لانك حسوده كذا حياتك انا مالي احد ولا عمرهم ساعدوني في شي لا ايام ماكنت متزوجه ولا الحين انا ماره بظروف قويه و٢ من اولادي مرضى وهم ولا كلفوا حتى يجوني ويطمنون علي واخرتها مالقيت الا الجحدان ويتحكمون في حياتي وهم مالهم اي فضل علي اشتغلت بالميديا وفتح علي الله برزق لاباس فيه وفكرت انقل من منطقتي للشرقيه ماعاد ابغى قربهم بنقل وظيفتي واستقر انا واولادي بمنطقه بعيده عن منطقة اهلي واستخرت قلبوا علي ليش وليش قلت لهم لو انزل عندكم بحصل سند بحصل مساعدة لااولادي ولاشي بس امي تبي تتحكم فيني مثل قبل حتى بزواجي كانت تضايقني تزعل اذا سافرت مع ابو غيالي الحين توقف مع اخواتي وزوجات اخواني وتخليهم يسافرون واولادهم عندها بدون اي مقابل انا قبل مااسافر الا اعطيها فلوس ولا تزعل وكانت شغالتي عندها شفت الظلم بعينه هل قراري صحيح بنقلي للشرقيه ابغى ارتاح لحالي مع اولادي واستقر واشتري شقه واستقر مابي انزل منطقتهم وامي زعلانه وانواع المشاكل واخواتي يحرضونها هي تبغى اشتري بيت عندها تقولي الناس وتروحي منطقه لحالك وتعيشي ليش مع العلم كل خواتي يسافروا وتغربوا ولا تتكلم بالعكس تدعي لهم انا حتى لمن اقولها بطلع اتمشي اغير جو تحس مالي حق الا معاهم لانهم تعودوا اني دايم امشي امورهم واسمع كلهم هل قراري صحيح اختار الشرقيه واعيش فيها المشكله انتي رايحه عشان تدوري شغل اضافي وانتي وانتي للعلم انا موظفه رسميه وماني محتاجه احد بس هم انانين كل شي لهم مايفكرون في قراري ويظنون اخاف منهم انا احترمهم ومابي ازعلهم امي تعودت الا اسمع كلامها ولا انا عاصيه وعاقه بحقها مع انه انا احن اولادها بس ظلموني هل قراري بنقلي صح اختار الي انا ابغاه اتمنى يوم بحياتي يحترموني ويحترمون قراراتي بحياتي مع اني مادخل بحياتهم ولا اعطيهم راي حتى بس امي ماتتحمل مني كلمه لو تكلمت فيهم او قلت لها هم ماقفوا معاي كنت اتمنى احس بسند احس بوفاء اهلي بس للاسف