هل اعترف لأبي بخيانة أمي له في صغري؟

السلام عليكم، هل اعترف لأبي بخيانة أمي له في صغري؟ أنا بنت عمري 18 سنة، ما عشت طفولة، أحس طفولتي تدمرت بسبب أمي، لأن هي وأبوي دائمًا يتعاركون، السبب هي؛ دائمًا تتعارك وترفع صوتها وتغلط، وكذلك هي تخون أبوي وتكفر بالله، ومن وأنا صغيرة تجيب رجال للبيت وأبوي بدوام

والآن كلما أكبر تصرفاتها تزيد حقد وياي وكره، دائمًا تدعي علي وتكرهني لأن أنصحها وأكول لها حرام، كل هالسوالف تقلبها عليّ، ودائمًا تتعارك وياي، ومن تتعارك لازم تسوي أثر بوجهي أو إيدي، نفسيتي تعبت فعلًا، وكل ما أكبر هي كاعد تزيد بأعمالها

هاي أنا جاي أخجل من تصرفاتها، بحيث وصلت تطلع بثوث، غرفتي فوق، ومن أنزل جوه تكول: شعدج نازلة؟ اصعدي، أو بطريقة غير مباشرة تريدني أصعد فوق، تتعارك وياي علمود تاخذ راحتها

موقف إلى الآن ما أگدر أتخطاه: كنا بسفر، وأبوي وإخواني وأخواتي ظلّوا مع أبوي بالسفر، وأنا رجعت وياها، خلتني أنام وجابت رجل، وشفتهم 18+، دخلت بحالة هستيرية، هي ضربتني قدامه وغلقت باب الغرفة عليّ وما أگدر أسامحها، ما شفت أي حنان أم منها، دائمًا تكفر

أنا الحمد لله متدينة، وهي جاي تزعجني بتصرفاتها، تكلي: تدرين ليش هيج أسوي؟ علمود أشوه سمعتچ، علمود ما تتزوجن، ومرة تقريبًا شبه انكشفت، خالتي درت، وخالتي زعلت وكانت تنصح بيها، وهي تعاركت ويا خالتي، راحت سوت سحر، عقد لسان، وشمرته بنص شارع

أريد أكول لأبوي، لأن تعبت وأنا أضم، وتعبت من تصرفاتها، كل ما أحاجيها تكول: تغارين مني، المشكلة شنو أغار؟ الحمد لله ما ناقصني شي، بس الكمال لله

مرة اشتد النقاش وياها، وكلت لها بكول لأبوي، كالت: استرجي وكولي، أذب عليچ تهمة شكبرة وأمشي، كذلك تعبت وأنا أحزن على أبوي، يكول: تعاي رضي أمچ، هو ما يدري أنا ما أحچي وياها شنو تسوي بيه وتضربني، ويكلي أهم شي رضاها

هل تتوقعون رضاها مهم وهي تكفر بالله، ومتبرجة، وزانية؟