مستعدة أن أبدأ حياتي معه وأراعي أطفاله

قضايا اجتماعية
animate

انا بنت عاديه جدا في كل حاجة . جمالي عادي او يمكن كويس وفيه ناس بتقول عليا حلوة . حقيقي مش عارفه . عاديه في لبسي و في تعاملاتي يمكن بيميزني بس اني من عيله كبيرة شويه وليها اسمها وكدا او يمكن دي نعمه ونقمة في نفس الوقت . طول عمري وانا جبانه جدا وبحب معملش مشاكل ونفسي اكون مداريه من كل الناس لغايه ما اتنيلت علي عيني وحبيت . حبيت واحد اكبر مني ب 10 سنين وانا الي حد ما صغيرة شويه نسبيا . من عيله ومحترم جدا بس مشكلته انه ارمل وعنده اطفال وعلاقته قويه جدا بعيلتي بالذات والدي وفضلت احبه بيني وبين نفسي لغايه ما في يوم اتجرأت وقولتله اني بحبه ولقيته متقبل الامر عادي جدا ومتقبل اني بحبه بس قالي انه مينفعش يقرب مني انا بالذات عشان مش عاوز يظلمني معاه و يشيلني مسئوليه بيت واطفال مع اني قولتله اني راضيه وعادي بس هوا مرضيش و كمان عشان هوا اختار ان علاقته ب اهلي اهم بكتير من واحده بتحبه . انا بالنسباله عادي بيرتاحلي بس مش بيحبني حب الارتباط وكدا ودايما بيقولي اني غاليه عنده وانه معجب بطيبتي وان علاقتي بربنا حلوة والناس بتحبني بس هوا تقيل اوي وانا مش عارفه هوا تقيل في معاملته عشان ابعد عنه ولا عشان هوا اصلا مش عاوز حد يقرب منه . المشكله اني بحبه لدرجه الجنون ونفسي اتجنبه خالص بس مش قادرة . والدي بيعتبره زي ابنه بالظبط فساعات بقول لنفسي ماهو ممكن بابا يرضي بيه عشان هوا زي ابنه بالظبط واكتر وساعات اقول لنفسي لأ بابا بيحبني انا اكتر حد في الدنيا وعمره ما هيوافق اني ابدأ حياتي مع واحد كان ليه حياه قبلي وليه منها زوجه واطفال وعاش حاجات انا معشتهاش .هوا عنده حق يخاف ؟؟وفعلا الموضوع معقد ؟؟انا مستعده بجد اني ابدأ حياتي معاه ومتحمله كافه النتايج بجد وهراعيه وهراعي ربنا في ولاده جدا . انصحوني اعمل ايه . وادعولي بالخير لاني بجد مبقتش عارفه الخير فين في قربه ولا في بعده .

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • المدرب ماهر سلامة سيدتي هذه نتيجة ما قد ذكرتيه من معاناتك من الخوف والجبن في مواجهة الحياة وتحدياتها. لقد ذهبت الى الحل السهل والمتوفر أمامك، بلا عناء الانتظار، أو البحث عن فرص تناسبك. أنت في الحقيقة لست واقعة بحبه بقدر ما أنت تشعرين براحة الاختيار الكسول، وثانيا هو يقدم لك الحماية من خوفك الدائم. هذه علاقة لن تنجح أبدا، وهو يعرف ذلك تماما. أنت في الحقيقة لا تناسبيه، فهو بحاجة الى شخص أقوى منك، وأكبر منك سنا ليستطيع التعامل مع ظروفه. سيدتي هذا ليس حلا لك ولحياتك ولمستقبلك. عليك إعادة تأهيل نفسك من جديد، وتطوير شخصيتك، وتقويتها، من خلال خوض التجارب، والعمل، والذهاب الى الاْسواق المكتظة بالبشر، والتعامل مع شتى أنواع الناس. ومن ثم ستأتي الفرص دون أن تبحثي عنها. استشيري والدك في مسألة خوفك. بالتوفيق سيدتي
  • صورة علم Saudi Arabia
    صورة علم Saudi Arabia
    من مجهول
    خليكي ورا هدفك وربنا يسهلك الامور وعليكي بوالدتك تكلم ابوكي واعرفي راي ابوكي عن طريق امك وكلميه بصراحه وجه لوجه وحددي مصيرك بس بعد ماتعرفي راي والدك الاول وربنا يوفقك
  • animate

  • صورة علم Saudi Arabia
    صورة علم Saudi Arabia
    من مجهول
    انتي عايشة بتخيلات بعيد عن الواقع راح تندمي بعد أول يوم زواج
  • صورة علم
    صورة علم
    من مجهول
    تصارحي وتكلمي معه عن مشاعرك ولا تدفنيها، قد لا يشعر بما تشعرين به، ضعيه في صورة الحال، وعبري عن مشاعرك وحاجتك له، وممكن ينتبه لهذه النقطة
  • صورة علم
    صورة علم
    من مجهول
    الزواج ليس كل شئ في الدنيا، اصبري وسيأتي الرزق لوحده لك ، وبتمنى منك تطلعي من البيت اكثر وتختلطي مع الناس وتكوني واقعية في اختياراتك وطلباتك
  • صورة علم
    صورة علم
    من مجهول
    صدقينى لن تتحملى النتائج وستصبح كل حياتك معاه مشاكل بسبب الاطفال بنصحك تنغضى نظر على الموضوع وما تتزوجى الا بشاب عازب مثلك بلا التزمات
  • صورة علم
    صورة علم
    من مجهول
    ما تحكمى على نفسك بالشقاء من اول عمرك وتحملى نفسك مسؤولية الزوج والاطفال وانتى لسه شابة ومقبلة على الحياة راجعى نفسك وفكرى بمصلحتك
  • صورة علم
    صورة علم
    من مجهول
    واضح انكى تفتقدين الخبرة فى الحياة وافكارك كلها وردية وحبيك واقعى اكثر منك واكثر خبرة فزواجك منه لن يكتب له الاستمرار وهو وجدك انك لن تقدرى ان تتحملى مسؤولية اطفاله وخاصة ان سنك صغير بصراحة معه حق هو محتاج مراة بمواصفات خاصة لتكون زوجة له واعتقد ان هذه المواصفات غير متوفرة فيكى

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟