طلقني وتركني بديون كبيرة

مرحبا انا صبية بشتغل معلمة تزوجت لما كان عمري 25 سنة من شاب زواج تقليدي و كان في فترة الخطبة مشاكل بس كنت احكي عادي كل الخاطبين بصير بينهم مشاكل و لما تزوجنا كان في شوية مشاكل بس كنت احكي لحالي طبيعي زي أي اثنين متزوجين و خصوصا انا من مدينة و هو من قرية اكيد في اختلافات بعد فترة خلفت و جبت بنتي الأولى كان الوضع ماشي الحالي انا بشتغل معلمة و هو بشتغل محاسب و كل مشاكلنا كانت مادية رجعت حملت لما كان عمر بنتي الأولى تقريبا سنة بالصدفة و صارت تزداد المشاكل بينا و يضل يحط الحق علي في هاي المشاكل هو كان عندو مشكل مادية بالشغل قبل ما نتزوج بس انا ما كنت أعرف بس تزوجنا صارت تزيد مشاكله المادية و أنه مش قادر يسد كل احتياجاته المادية و ما كان صريح معي بخصوص هاد الموضوع و ضل يحكيلي بدنا نوخد قرض مشترك عشان مزبط أمورنا و نحط دفعة أولى لبيت و جاب الأوراق و اخدنا قرض مشترك بقيمة 50000دولار و سحب المصاري من البنك بدون ما يحكيلي و تصرف فيهم و انا عرفت ما اشتري نا بيت و لا اشي حتى ديونه ما سدهم و زادت المشاكل بينا و يضل يحكيلي وين مصاري كي وروحي عند دار اهلك و انا فعلا حت اول مرة عند دار اهلي 3 اشهر و رجعتله و بعدها بفترة رجعت حردت كمان مرة شهرين و رجعتله و صارت الحياة بينا زي العمى بس عشان هالبنتين و كان يعاملني بعد ما رجعت من عند دار اهلي معاملة كتير ناشفة و أغلب الأيام بنام بغرفة التلفزيون و ما يقرب علي ضلينا هبك 6 اشهر بعدها مرة تقاتلنا طلع من البيت و ما رجع بطل يروح على البيت حكيت لاهله ز رنيت عليهم و يضلو بحكو أن شا الله أم شا الله و طولي بالك و طولي بالك عبل ما مرق 7 اشهر وانا بالبيت لخالي مع بنتين صغار و قرض و شغل برا و جوا و الكل بعرف مسؤولية البيت في هاي الفترة رفعت عليه قضية نفقة للبنات و قضية نفقة الي و طلعنا نفقة بس ما كان ملتزم فيها بعد 7 اشهر طلعت من البيت اللي كنت فيه و نزلت عند دار اهلي انا و بناتي و ضلينا عندهم 7 اشهر عبل ما انحل الموضوع بشكل عشائر بسبب القرض المشترك اللي بينا كان الحل على الآتي يدفع قيمة القسط الشهري للقرض و هو حط شرط يوخد البنات لأنه ما بقدر يدفع نفقة مع القسط الشهري للقرض فصار الوضع كالتالي صرت انا مطلقة و عمري 33 سنة و علي تقريبا 35000 دولار للبنك و بنتين عند دار سيدهم لابوهم مش قادرة اطلع من ها الوضع مش عارفة شو اعمل ياريت تساعدوني و في كتير تفاصيل ما زكرتها و ياريت تحافظو على السرية مع الشكر و التقدير