شعري قصير وعرسي اقترب

فرحى كمان 3 شهور وشعرى طوله عند كتفى ويمكن اقل كمان حاولت اعلاجه كنت اروح للدكتور يفضل يكتبلى فى كريمات وحبوب ممكن فى الجلسه الواحدف اجيب علاج ب 800 جنيه داه خلاف الكشف وكان شعرى يفضل يتقل وانا اصلا شعرى تقيل وكنت اشتكى للدكتور يروح مغير العلاج كله وكان فيه علاج بينشف شعرى وكان الدكتور يقولى اتغذى كويس عشان شعرك فضلت متابعه مع الدكتور هو مشهور جدا بصراحه وفى فتره قصيره لقيت نفسى دافعه حوالى سبع الاف جنيه ولقيت النتيجه ان شهرى بقى تقيل جدا وشعرى طول حاجة بسيطه بالمعنى حرفى متتلاحظش اصلا واهل جوزى كلهم شعرهم طويل جدا حتى بنت اخته طفله عندها تسع سنين بسم الله مشاء الله شعرها واصل لاخر ظهرها وكنت بتكلم معاه ولقيته بيفضل الشعر طويل و بينبهر بيه جدا جدا اتحرجت اقوله طول شعرى وقلتله خليها مفأجاه يوم الفرح على امل ان الاقى حل لشعرى للعلم اهلى كلهم شعرهم حلو جدا وطويل وانا من وانا طفله وكان كل اللى حوليا بيفضل يتكلم على طول شعرى وفيه ناس كانوا بيقولوا لماما احلاقيه وهو هيطول وكنت من لما اتخانق مع حد يفضل يتريق على شعرى