أعاني من الحزن بسبب الطول الزائد ماذا افعل

أعاني من الحزن بسبب الطول الزائد اخجل من طولي وبسببو صرت اكتر انطوائية وخجل السلام عليكم ورحمة الله صرت بخجل من اني اظهر طويلة زيادة طولي ١٦٨ نحنا ٣ اخوات اخواتي الاتنتين اقصر مني وطولهن معتدل لما اوقف جنبن بخجل وصرت استحي امشي معن مشان ما ابين طويلة جسمي رشيق وناعم كتوفي ناعمين ورجليني واديني كمان متوسطة الجمال بس مشكلتي الطول حبيت شخص من دون ما خبر حدا حبيتو بالسر يعني بس بقلبي من دون ما اعمل اي شيء غلط او احكي لانو بعرف حرام

هذا الشخص اجا مرة وزار اهلي هو من اقربائي ولهيك بيزونا بين الفترة والتانية لما صدفت وقطع من جنبي وادركت اني اطول منه زعلت وخجلت هو مو قصير وطوله حلو بعرف يمكن ما يحصل نصيب او ممكن يحصل بس ماني متضايقة بقد ماني متضايقة من طولي بالرغم من اني بعرف اني جنبه ببين ناعمة الا اني خجلانة بحب كون معتدلة مو طويلة هو شخص يمتلك اكتاف عريضة وشكل جسمه حلو ومعضل وملامحه رجولية وانا ناعمة لكن مع هذا كله بخجل ومتضايقة

في عندي شوية عيوب متلي متل غيري كتير بخجل لما امشي او اطلع مشوار اغلب النساء الطويلات لما يقولو طويلات واتعرف عليهن عن قرب بلاقي حالي اطول شي بيناتن وهنن اقصر شوي والله مو بيدي بحاول خفف عحالي وقول في غيري يتمنو يكونو طوال ولو شوي بس شعور يتملكني مو بيدي شعور اني خجلانة ومضايقة وببكي كتير وبشكي لربي شو ساوي ساعدوني