صورة علم Saudi Arabia
من مجهول
منذ شهر 22 إجابات
0 0 0 0

أخشى إن صارحتها أن تزيد كآبتها

السلام عليكم بنتي 14 سنه اكتشفت انها تكلم شاب في الانستقرام بس محظور لان الرسايل قديمه ويقلها ارسلي صورتك وبمسحها وماعرف ان ارسلت اولا . قالها كلميني في لعبة ببجي صوت قالت مش راضي يضيفكك في اللعبه قال خلاص روحي الحوش وبكلمك سناب ..قالت ماما لو درت تكون نهايتي وتأخذ الجوال مني .. بس هذا الي شفته وانا كنت واثقه فيها جدا .. هي بنتي الكبيره وهي متعلقه فيني جدا وانا وابوها منفصلين وانا دايم مشغوله عنها ونفسيتي سيئه المهم هي صارت جدا عصبيه مقفله الجوال ببصمتها عشان مااشوف اي شي تدخل عليه تقول لاتدخل فيها واحيانا تجي توريني صديقاتها ورسايلهم .. بس لو انا طلبت تعصب وتقول لاتدخلي .. وكمان بالمدرسه ماتبغاني ازورها .. عشان تنحرج من صديقاتها لاني اخب اسال عن مستواها كل فتره وهي ذكيه وشاطره جدا ماشاءالله لكن من دخلت المتوسط تدنى مستواها وصارت ماتهتم الا بالجوال فقط .. وانا ماعرفت اتعامل معها .. هي تفكر اني صرت اكرهها فصرت ماضغط عليها مع العلم ماتعصب الا علي بس ونفسيتها دائم زفت .. انا ماعندي دخل مادي نهائيا فدايم بالبيت مانطلع بالاجازه او غيره وهي دايم طفشانه وعلى الجوال .. يعني مابيدي حيله .. وكمان صديقاتها دايم يطلعو وامهاتهم مايقصرو معاهم وهي تقارن بيننا .. وكمان دايم حزينه احسها بسبب لانها تشوفني دايم كئيبه ماضحك ماافرفش معها مالعب ..وهي دايم على اليوتيوب تشوف الشباب اليوتيوبرز او على الجوال .. ابغى حل هل اواجهها على الي شفته بالجوال ولا اسكت.. لانو صراحه البنت مره عصبيهواذا قلت لها اناي ماتحترميني ..تقول اي انا كذا وتعاند يس اذا خاصمتها تجلس زعلانه لين نتراضى وتفرح ايش الحل