تعبت من بخل زوجي وعدم نظافته الشخصية

قضايا اسرية
animate

السلاموا عليكم لو سمحتوا انا عندى مشكلة انا متزوجة من حوالى ٢٦ عام وابلغ من العمر ٤٧ ولدى ولد وبنت ما شاء الله عليهم ٢٥سنة و٢٢ سنة وبنتى مخطوبة هما الحمد لله مؤهلات عليا بفضل الله زوجى يكبرنى بحوالى عشر سنوات مشكلتى هى زوجى بخيل جدا جدا مش بيصرف علينا ولا لية دعوة بمصاريف الاولاد من تعليم للبس لدكتور منذ ان كانوااطفال حتى الان هو حتى بخيل على نفسوا عانيت معاه كتير وحاولت الطلاق كثيرامنذ صغر اولادى ولكن اهلى رفضوا وقالولى استخملى للحمد لله انا موظفة ودة الى سعدنى ان اقدر اعلم اولادى المشكلة دلوقت انا بنتى مخطوبة كل ما اكلموا اقولوا سعدنى فى جهاز البنت يقولى منين طيب انا مرتبى ضعيف مش الى اقدر لوحدى يقولى مش لازم تتجوز ابنى جالوا مرض جلدى مزمن ولا بيسال فية ولا بيعلجوا انا من كتر الضغط جالى مرض مناعى مزمن وبحتاج للعلاج باستمرار وبجى على نفسى ومش بجيب ولظروفى المرضية باخد اجازات مرضية مستمرة وعايزةاساوى معاشى لانى اصبحت غير قادرة على العمل بس مش عارفة الخياة صعبة وهو بيدينا مبلغ صغير حوالى ١٢٠٠ ملويش دعوه بايجار ولا مياه ولا غاز ولا اكل ولا لبس ولا اى حاجة فى الدنيا تخصنى انا واولادى المشكلة الاكبر ان هو مش نظيف خالص ممكن يقعد باللبس اسبوع واتنين لحد منظروا وريحتوا مش قادرة اقول عاملة اذاى لما بياكل مش بيغسل ايدو لما بيدخل الحمام مش بيغسل ايدو اقولوا لو سمحت انا منعتى ضعيفة طيب اغسل ايدك حتى لما تخرج من الحمام الاولاد تعبوا من كتر الكلام معاه فى موضوع النظافة البخل والحمد لله قلنا قدرنا وربنا بيقوينى لكن انا تعبت من منظروا وريحتوا الاولاد رفضين الطلاق المشكلة كمان اقولو طيب صلى العمر جرى ومحديش ضامن عمرو يقولى هو انتى هيتقبلك صلى انتى هتدخلى جهنم بسببى انا مش معتبراة زوج من خمس سنين اضبحت لا اطيق عدم نظفتوا وبخلوا تعبت وخايفة من عقاب ربنا هل انا على اثم عملت عملية من حوالى ثمانية اشهر ولا سال فى حتى بعلبة دوا كلامى دة مختصر جدا من الى انا عيشاه اللبس الى بيروح بية الشغل يجى ينام بية ويقوم يروح بية تانى افضل اقولوا خد حمام لمدة اسبوع عشان يرضى بعد ما يطلع عينى انا عايشة معاه عشان الشكل الاجتماعى للاولاد وعشان الاولاد رفضين الطلاق وانا بقول ادينى مستحملة لكن انا تعبت ومش عارفة هل فعلا على اثم

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي لقد تحملت معه حياه صعبه للغايه ، لا ينفق حتى المال الضروري ، لا يعالج ، لا يشترك في حياه عائليه بالإضافه إلى فقدانه لأدنى مقومات النظافه العامه . أنت تكبرين في السن وهو لن يتغير وغدا إبنتك تتركك وتذهب مع زوجها وكذلك إبنك وتبقين أنت معه لتتحملي هذا الشقاء والبخل الشديد وحدك . أولادك لا يحق لهم رفض الطلاق ويكفيك ما عانيت حتى الان من قساوه العيش معه. هل لديك منزلا تسكنين فيه في حال تطلقت ؟ كيف ستؤمنين حياتك ؟ إن كنت تستطيعين ذلك فلا تنتظري بعد الان واطلبي الطلاق ولا تتراجعي عنه حتى ينفذ شروطك الجديده ، نظافه تامه ، مشاركه في المصروف وتعايش سلمي فإن رفض لا تندمي أبدا وانجي بنفسك من هذا العذاب.
  • صورة علم Saudi Arabia
    صورة علم Saudi Arabia
    من مجهول
    ربنا يفرج كربك ويلهمك الصبر
  • animate

  • صورة علم Egypt
    صورة علم Egypt
    من مجهول
    هو لو مش بيصلي إسألي دار الإفتاء علي حرمة العلاقة بينكم
  • صورة علم Egypt
    صورة علم Egypt
    من مجهول
    ربنا يكون فى عونك ده لايطاق بس ولادك على وش جواز والشكل الاجتماعى مهم
  • صورة علم
    صورة علم
    من مجهول
    إبحثي عن السبب الرئيسي وراء بخل الزوج, وحاولي إيجاد حل أو طريقة للتعامل معه.. ممكن حرص وخوف من التبذير ..ممكن مش متعود عل المصاريف
  • صورة علم
    صورة علم
    من مجهول
    حاولي معه بشتى الطرق لا تستسلمي لليأس ,, اجعليه يتغير بسببك .
  • صورة علم
    صورة علم
    من مجهول
    هذا طبع متجذر في الشخص اكثر ما انه اكتساب، وتربيته في المنزل لها دور في هذه المشكلة، عشان كذا لازم توجهيه بدون ما تجرحيه
  • صورة علم
    صورة علم
    من مجهول
    من شب على شئ شاب عليه نشأته في أحضان بيئه غير نظيفه
  • صورة علم
    صورة علم
    من مجهول
    الصبر ولك الاجر
  • صورة علم
    صورة علم
    من مجهول
    حاولي تغيرري منه وغيري من نمط الحياهً شويه وإذا ما استجاب اتركيه وربي اولادك انتي احنا بنعيش مره واحده بس
  • صورة علم
    صورة علم
    من مجهول
    ربنا يكون في عونك قربيه من ربنا بالصلاة والوضوء دائما هتلاقي استجابه باذن الله
  • صورة علم
    صورة علم
    من مجهول
    ان فشلت كل محاولات التلميح فعليك التصريح، ولكن بأسلوب هادئ ومهذب لا ينتقده بشكل فظ. حتى يكون كالطفل المطيع لك
  • صورة علم
    صورة علم
    من مجهول
    ساعديه وهيئي له كل شيء فربما هو من النوع المتكاسل واياك ان تعيريه بالوسخ ،، حضري له حمام ساخن واحكيله اتحمم وانا بانتظرك وعطريه انتي
  • صورة علم Syrian Arab Republic
    صورة علم Syrian Arab Republic
    من مجهول
    فات اﻷوان اصبري وحاولي تغيري كعاملتك معو دلليه وغنجيه واسحبي علحمام بطريقتك وان شالله رح تلاقي تغير
  • صورة علم Qatar
    صورة علم Qatar
    من مجهول
    نعتي زوجك باسوء الصفات ولم تذكري اي ميزة حسنه فيه مثل ان طيب معاك وحنين على الاولاد ,, كل رسالتك تكرري بخل وريحه مش كويسه ,, كان المفروض من البداية اوقفتي زواجك به مش بعد 25 سنه تشتكي منه !! انتي اكثر وحده تعرفه كويس فبلاش الاساءة لزوجك لانك فعلا بتاخذي اثم على تصرفاتك ,, جوزك مش بيستحمي انتي حمميه مش جوزك ,, ريحتوا مش كويسه اشتري المعطرات ومزيل العرق ,, مش انتي اللي تشتكي اشتريلو مش كوزك بردوا ...؟؟ اما موضوع البخل لو كنتي فعلا تحبينه كان كل ما صرف حاجه شجعتيه وبيني له ان رجل البيت وما خليتيش يتكل عليك لانه تعود خلاص عودتيه ,, حاولي من جديد وموضوع الطلاق لن يفيد اي طرف فعلا الان ,, الاولاد كبرت وصعب عليهم يشوفوا العيله تنهار كان المفروض من الاول قبل الخلفه ,, اصبري فالصبر بتاخذي حسنات بردوا .
  • صورة علم Egypt
    صورة علم Egypt
    من مجهول
    ربنا يصبرك ... ده كتير أوي والله ... مش عارف أقولك إيه ... خايف اللي أقوله يزعلك ... إصبري بكرة ترتاحي منه وتورثيه

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟