هل قراري بالانفصال عن زوجي كان صحيحاً بعد أن طرد أمي من بيتي وشتم أبي؟

add_commentأضف إجابتك

thumb_downلم يعجبني0

انا اتخطبت 4شهور فقط و كان خطيبي ما بيتصلش بيا كتير بحجه الشغل و مكنش بيجي عندنا كتير و كان بيتقل عليا و انا كنت بحبه اوي و بعد الجواز اتغير تمامآ و بقى مرتبط بيا جدآ و كانو احلى شهور و خصوصا أن الحمل حصل بسرعة لكن هو للأسف عصبي يعني لو عملت شئ بسيط جدا يدايقه بيكون رد فعله صعب و قوي جدا لدرجة الإهانة قصاد أهله و انا سامحته لأنها كانت مرة و عدت و بعدها كان بيدايقني كتير ببنات ترغبه علشان اغير عليه بس كل المشاكل دي حتى لو بتحرق دمي كانت بتعدي علشان انا بحب الإستقرار و بحب جوزي و بغير عليه اوي، بس من اول يوم ولادة و الدنيا اتغيرت على اتفه الحاجات يعلى صوته في بيتنا و اي كلمة عفوية من أمي يدايق منها و يحاسبني انا عليها لحد ما ابني تم اسبوعين و كان خلال الأسبوعين دول يزعقلي في التليفون و يهيني لو اتأخرت عليه في الرد أو كنت نايمة في أي وقت لحد اليوم 17 فضل يرن على العشاء و انا كنت مرهقه و نايمة جيه عندنا البيت و صحاني و طلب ياخد ابني للدكتور للاطمئنان عليه و صدقته بمجرد ما نزل اتصل بيا و قالي ابنك مش هتشوفيه تاني و واحده غيرك هتربيه المهم انا كنت هموت فيها من الخضة و اللي زعلني اكتر أن والدته كانت معاه و موافقاه و فضلت اتصل بيها استنجد بيها رفضت ترد عليا و بعدها ردت و قالتلي تعالى بيتي لأن ابنك و جوزك هنا عندي فقولتلها انا لسه تعبانه قالتلي لا انتي كويسه و قفلت ف وشي للأسف حماتي بتغير مني لأن يوم السبوع كنت لابسه و متشيكة و هي من وقتها والعه معاها، المهم بعدها بساعة و بعد محاولات بابا مع باباه رجعولي ابني و جوزي قال بابا ممكن بعد يومين انا اروح عند حماتي و بابا وافق بعد ما مشيو جوزي كلمني في التليفون و فضل يغيظني انه ابتدا علاقه جديدة مع بنت و انا اتعصبت جدآ بس بقيت فاهماه و قولتله براحتك فقالي انه بيهزر و طلب مني انزل وقتها و اروح عند حماتي و انا رفضت لأنه عصبني و زعلني اوي بكلامه و قسمه انه على علاقه بحد تاني فالمهم شتمني باهلي فقفلت التليفون في وشه فجية عندنا و هو متعصب جدآ و كسر تليفوني قدام عين بابا و اختي شافت كدا انهارت و نزل جرى بعد نص ساعه نتفاجي بعربيتين شرطة بيخبطو و كانت بعد الساعه 2بليل بيقولو أن جوزي مقدم بلاغ أن انا و ابنه مخطوفين ف بابا اتصدم و قاله احنا أهلها فقام جوزي قدام الظابط قاله طيب حضرتك أن الراجل دا و ابنه اتعدو عليا بالضرب اللي هو بابا و اخويا و طبعا الكلام دا محصلش فالظابط ماصدقهوش و اخدو و مشى و من وقتها الدنيا قامت عليه، حاول جوزي يصلح الأمور جدآ و بعد اسبوعين رجعت بيتي علشان مش عاوزه طلاق من وقتها شوفت السواد كله ضرب و عنف و أهان و شتيمة بالاهل و أقذر الشتايم على اهلي و معايراتي باخويا اللي لسه ماخلفش و استحملت ضرب مبرح بسبب انه حس بإهانة و اعتذارات كتير علشان ارجع بيتي و فضلت يتبلي على اهلي بالكذب انهم بيقولو كلام علشان يخربو عليا لحد ما جيه يوم تطعيم ابني و كنت متفقة معاه أن بعد التطعيم هاقضي كام ساعه عند بيت اهلي فنفس يوم التطعيم الصبح اتأخرت في النوم نص ساعة فقالي في التليفون و هو في شغله انه عقاب ليا مفيش اهلي و بعد التطعيم ارجع البيت ع طول و ماما و بابا اصلا كانو رايحين معايا التطعيم و فعلآ سمعت كلامهم و رجعت البيت على الرغم انه شتمني بسبب تاخيري في النوم فبابا حب يعرف ليه رجع في قراره فكلمه في التليفون و قاله ليه رافض فرد جوزي محدش يدخل في بيتي بابا قاله ماشي عموما انا وصلت بنتي لبيتك و قفل معاه فجوزي رجع يتصل ببابا و قل أدبه عليه و انا في نفس الوقت بكلم امي في التليفون فسامعه بابا متعصب مع حد في تليفونه و قفلت و فجوزي كلمني و انا متعصب و قالي انه جاي البيت و ساب الشغل أدركت انه ممكن يجي يعمل فيا حاجه فاتصلت بأمي و قولتلها انه جاي فخافت عليا فجات عندي بمجرد ما جوزي دخل الشقة و شاف ماما قدامه و شايله ابني على رجلها اخدو منها و عايراها باخويا و عدم خلفته و زعق في وشها و قالي انتي وحشه و فتح الباب و قالها اطلعي برا و إهانات شديدة و امي مصدومة من أفعاله و أهله اتدخلو و الموضوع عدي لحد تاني يوم مد ايده عليا و قصاد أهله و مكنتش اول مرة فسيبت البيت لأن مش مستحمله الإهانة و طلبت الطلاق و كانو رافضين اني اخد القايمة كلها و انا اصريت ففضل جوزي يأذيني و عمل اكونت بأسمي و نزل صوري و عمل محضر في القسم اتهمني فيه بالسرقة و كان بيتعرض ليا في الشارع و كان بيمد أيده عليا لحد ما حصل الطلاق،،، هل فعلا ما ازعلش عليه لأنه أهان امي و طردها و خان العهد و كان بيمد أيده باهانه شديده،، ممكن حد يقولي رأيه في قصتي
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • أخصائية علم النفس والتثقيف الصحي ميساء النحلاوي
    أخصائية علم النفس والتثقيف الصحي ميساء النحلاوي verified_userلقد تعدى زوجك كل حدود الأدب وأهان أهلك وضربك وخطط لخطف إبنك ، لقد قطع بتصرفاته كل سبل التفاهم ولم تعدالحياه معه طبيعيه ، ضرب وتعدي على الأهل وجلب الشرطه بإدعاءات كاذبه ، فكانت النتيجه الطبيعيه لكل هذا الطلاق . الحياه معه باتت مستحيله بعد كل ما قام به من تصرفات مشينه معك ومع أهلك . اشكري الله بأنك تطلقت منه فأنت لم تفعلي ما يستدعي كل هذا الإهانات ولا تندمي أبدا ولكن الزمي الصمت بعد طلاقك وحافظي على بعض اللياقه في التعامل معه ، لو أمكن ، من أجل طفلك الذي سيجمعكما من وقت لآخر .
  • صورة علم Tunisia
    صورة علم Tunisia
    مجهول

    لم اجد ما اكتبه لانك انت المريضه نفسيا بصراحه كل هذه الاهانة و استحملتي و لو وضع لك  الدنيا بين كفيك لا تستحملي كل هذ

  • صورة علم Saudi Arabia
    صورة علم Saudi Arabia
    مجهول

    أحمدي ربك واشكريه أعانك وإختار لك الأحسن تركه أحسن لأنه ما ترك طريقة أو شئ يعمله لجرحك وإهانتك إلا فعله لاحسوفة عليه أبدا قولي الحمد لله إنك خرجت من عصمته سالمة النفس والجسم والعقل 

  • صورة علم Saudi Arabia
    صورة علم Saudi Arabia
    مجهول
    الانفصال عنه هو اسلم حل
  • صورة علم
    صورة علم
    مجهول
    بالعكس انتى على صواب زوجك بحاجة الى التربية فلا يجوز ان يتطاول ويشتم والدك لا تعودى له الانه لن يتغير ولن يصبح انسان ذو قيمة ابداً
  • صورة علم Saudi Arabia
    صورة علم Saudi Arabia
    مجهول
    تندمي على ايه دا انسان سافل ازاي يعني يطرد الست من بيته ويروح يعمل محضر لوالدك واخوكي واللي يغيظ اكتر انه يعاير بأخوكي انه مش بيخلف اياكي ترجعي اللي زي ده مش بيتغير
  • صورة علم
    صورة علم
    مجهول
    اتركيه هذا رجل سيئ واستمراره معكي سيحول حياتك إلى جحيم بل هو بالفعل حول حياتك إلى جحيم اتركيه بأي ثمن وكأنك بتشتري حالك
  • صورة علم
    صورة علم
    مجهول
    أنتي التي فعلت هذا بنفسك حين سمحتي لحالك أن تعودي من جديد بعدما فعل معكي كل هذا في القسم هذا الزوح لن ينصلح حاله ولا حتى بالطلاق، ولكنك عليكي الابتعاد عنه كي تتقي شره وتضمني لنفسك عيشة كريمة لكي ولأبنك
  • صورة علم
    صورة علم
    مجهول
    هذا رجل مثير للمشكلات ومحب لها لذلك عليكي انهاء هذه العلاقة لأنها ستؤثر بالسلب على طفلك هل تنوي الاستمرار مع هذا الزوج وجعل طفلك يرى كل يوم هذه الأنواع المخزية من المشكلات لا اظن أنكي تستطيعي فعل ذلك انفصلي لتحافظي على الجزء المتبقي من كرامتك وكرامة عائلتك
  • صورة علم
    صورة علم
    مجهول
    طبعا قرار صائب ما في أهم من الأب والأم وحفظ كرامتهم من الضروريات وفلا تندمي هذا الزوج لا يستحق الندم
صورة علم United States
أضف إجابتك على السؤال هنا