صورة علم Egypt
من مجهول
منذ شهران 13 إجابات
0 0 0 0

الوحدة تأسرني وهذه قصتي بالتفاصيل

انا عندى مشكلة كبيرة انا عندي 21 سنة ومتزوجة وانا حاليا حامل اول حمل لاني قبل ما اتم هذا السن بيومين كنت مع زوجي امي متوفية من 5 سنين وبعد وفاة امي علطول ابويا تزوج كانت امي لسة تامه الاربعين من وفاتها باسبوع وبعد ما جت مرات ابويا خربت بيتنا وعيلتنا وكل شئ اول مدخلت قالت قولولي ي ماما وكان ابويا يضربني يقولى قولها ي ماما غصب عنك عندى اخوات اصغر مني هما قالولها ي ماما علشان ي مشوا امورهم بس انا مكنتش قادرة اقولها ي ماما لاني كنت مرتبطة جامد بامي بس هيا غيرت بابا من ناحيتي بئا يعاملوا اخواتى حلو وانا لأ ومنعتني من اصحابي ومن جيراني عشان متكلمش مع اي حد والاقي هيا بس اللي ف وشي وتجبلي اكتئاب بس اصحابي مسبونيش وقالولى احنا معاكي صحيح كانت اخده مني الفون بس كنت معاهم ف المدرسة بس ي خسارة كانت اخر سنة وبالرغم كل المشاكل اللي انا فيها جبت درجات كويسة مخلتنيش اكمل كلية ودي كانت اول مشكلة وقيسو ده على بقيت المشاكل اللي حصلت اتخطبت مرة قبل زوجي بس كان من طرفها وكانت متفقة معاه تخرب حياتي اكتر بعد الجواز وكل ما اكلمه ف الفون كانت تقولي حكيتوا ف ايييه طيعا انا مش بقولها ع حاجة هيا تدخل تكلمو ف الفون وتقعد معاه كتييير وبيحكلها احنا قولنا اييه وكانت تقولى ملكيش دعوه يني وبينو اسرار وكانت متفقة معاه بعد الجواز يطلقني باسبوع وبتديلو فلوس وكان بيقولها ي ماما وعاوزنى انا اقولها ي ماما بس بردو مرتضش وبعد كدا فركشنا هيا عشان مطلقة عاوزة كل اللي يتجوز يطلق عاوزة خراب للناس كلها مع انها هيا اللي غلطانة ف جوازها الاولاني المهم انا لما عرفت جاني اكتئاب شديد لدرجة اني مسكت السكينة وقطعت شرايين ايدي بس لحقوني بعدها بسنة و٨ شهور اتخطبت لجوزى وقبل الخطوبة ماما جتني ف منامي وقالتلي ف واحد جايلك ولازم توافقي عليه قولتلها ليييه لازم انا مش عاوزة جواز لاني ف الفترة دي كنت برفض اي واحد بيجيني وانا مكنتش عرفاه خالص المهم جه اتقدملي وقبل ما اوافق صليت استخارة لقيت ان انا وهو لابسنا شبكة قولت خلاص يبقي هو ده قولتلهم موافقة ف فترة الخطوبة طبعا هيا عاوزة تعرف كل حاجة زي ف الاولاني بس متعرفش جوزي وانا مكنتش بقولها ع حاجه فراحت طردت جوزي وقالتلو متشوفهاش ف البيت ده هيا طبعا بتقول لبابا وهو بيقولو وقالو بعد كدا هتشوفها عند عمها وبعد كدا لما لقت الناس طلعوها هيا اللي غلطانة ف قالت يرجع البيت جوزي مرضيش وبابا كان كل م يجبلي حاجة ف الجهاز بتبقي بذلة ولازم العيلة كلها تعرف وهيا تقول لأ منجبش تاني وف الاخر جابولى خاجات اي كلام خالص ورديئة جدا وقليل ع البيت لاني شقتي واسعة المهم جوزي كان بيقولي متزعليش بكرة نتجوز واجبلك كل اللي ناقصك وهو كان مصبرني ومهون علياا وطبعا لما امى جتلي ف المنام قالتلي ده هيريحك وانا هكون مطمنة طول ما انتي معاه وهو كمان لما اتخطبنا قالي انو حلم بيا انا وهو ف بيت صغير وهو قاعد ع طبلية وف طبق ملوخية عليها ورغيف وقال انا قسمت الرغيف معاها راحت مامتو قالتلو يبقي البنت دي من نصيبك المهم اتجوزنا وبعد عذاب وف يوم الفرح اخد الخاتم بتاعى من الشبكة وراح باعو عشان يحرق دمي وجابي واحد خفيف خالص وجاب لاختي واحد الخاتم ده ماما جبتهولى بدل حلقي عشان ودني مش بتستحمل الحلقان راح هو قال ورث ولازم يتقسم والخاتم كان تقيل وخلانى اروح معيطة ف يوم فرحي وعمل كذا موقف ف اليوم ده كل ده عشان يرضي مراتو بس روحت منهارة خالص ونكد ع جوزي من اول يوم لاني فضلت ابكي لحد الصبح وف الصبحية مجانيش وخلي اخواتي ميجوش واهلي وراح قال لاهل ماما وبابا ان انا لازم تاخد الواد ده عشان هيا غلطت معاه واستغفر الله العظيم انا مش بنت بنوت بس اهلي بهدلوه ومسبهوش وحماتي كويسة خالص معايا وكنت بقولها ي ماما من قلبي بس اتوفت بعد جوازى بشهر وتعبت خالص يعدها لاني لتاني مرة بفقد امي وفترة وفاتها كنت حامل ومكنتش عارفة بعد م خلصت الشهر الاول وكنت ماشية ف التاني عرفت وانا بعد الجواز حملت ع طول طبعا فرحنا ف وقت م احنا حزنين ربنا هون علينا شوية الحمدلله وبعتلنا فرحه بس اول م مرات ابويا عرفت بقيت تتابع مع دكتور عشان عاوزة تحمل قال اشمعنا انا اول مدخلت حملت وهيا لأ انا مهمنيش بس انا مش عارفه ليه مضايقة مني انا بالطريقة دي ومش عوزاني افرح المهم انا جوزي اللي وقف معايا هو كويس معايا خالص وبيساعدني وطبعا اول حملي كان صعب خالص هو اللي كان جمبى بعد ربنا طيعا ومخلانيش احتاج لحد بس هو ع طول برا هو شغال سباك طول النهار بيكون ف الشغل ويجي يتشطف ويلبس وينزل يجيلي اخر الليل ويجي يبقي قاعد ع التلفزيون ع النت ف الفون وسيبني انا جنبو كدا ووقت ما يحتجني يجيلي ووقت ميحتجليش اديني جنبو وخلاص و ياريت بيجيب حاجة نتفرج عليها انا وهو لأ بيجيب ليه هو وبس وانا تعبت كنت الاول اول اهتمامته دلوقتي حاسة اني اخر اهتمامته وتعبانة ع طول بسببه كل شوية منكدة عليه ولاوية وشي عليه من غير سبب ببقي فجأة كدا وكلمتو كذا مرة يقولي اانا ف ناس بقعد اتحايل عليها اطلع معاها شغل عشان كدا بتأخر برا وغصب عني بس فعلا لما بيكون الدنيا تمام برا بيجي بدري خالص كمان بس انا عوزاه طول الوقت جنبي انا حاسة بالوحدة ولا ليا اهل اروحلهم كل يوم زي اي واحدة ف اول جوازها ولا ينفع اني اخرج كل يوم وهو مش راضي بالشغل وانا وحيدة ومتجاه يبقي جنبي ع طول عاوزة اتعايش مع الواقع و الحياة مش عارفة بروح لاصحابي وهما بيجولي بس مش ع طول طبعا واهل ايويا مش بيكلموني عشان خاطر مش بكلم بابا وانا جوزي بعد م حماتى ماتت بابا مجاش عزا ف حلف عليا طلاق تلاتة سلام ربنا مسلمهوش عليه لو شفتوا ف الشارع وقالي انا متحمل عقاب ربنا بس شوفولي حل ف الوحدة دي كنت الاول بروح لحماتي ونقعد انا وهيا نحكي مع بعض بس دلوقتي مش عارفة اعمل اييييه