صورة علم Egypt
من مجهول
منذ 25 يوم 15 إجابات
0 0 0 0

تربية الأولاد وتحمل المسؤولية تقع على عاتقي وزوجي لا دخل له

زوجي مسافر وعندما يأتي يكون ضيفا عزيزا لا يتدخل في تقويم الاولاد مطلوب مني المذاكرة والادب وحل المشاكل والعقوبات وهو يقول روحي شوفيهم وينسحب وانا اصلا موظفة ووظيفتي مرتبطة بدراستي يعني مطلوب مني مذاكرة ووظيفة وسفر لمدة ١٦ ساعة لمتابعة مشرفين واحتاج الاقامة عند اهلي احيان كثيرة لظروف عملي ودراستي وعدم وجود زوجي وهذا يجعلني غير حرة التصرف ف التعامل مع اولادي عندما يخربون الممتلكات ف بيت أبي واولادي يعزروني في الاكل والشرب وحتى النزهات وشراء الهدايا والملاهي لازم نرجع البيت في بكاء ومش راضيين عن اي حاجة اعمل لو ذهبت لفرح لازم الصراخ والبكاء لغاية كرهت عيشتي وانا طول النهار احمل واربت واحضن ولا فايدة ولما باباهم ييجي لو راحوا معاه السوبر ماركت يرجعوا مبسوطين والناس اللي حولي مش حنونين كدا مع ولادهم والولاد مايعرفوش الا اهاليهم ولكن اولادي دابما تعساء ومش راضيين وزعلانين ان والدهم مسافر بس الحب كله له والتذمر والقرف ليا ابني ٤ سنين بيقول لي انا مش بحبك وبنتي قالوا لها ف المدرسة بتحبي مين من اهلك قالت بابا بس ولما قلت لها لو حد سالني هكتب مين؟ قالت هكتب فلان وفلانة اخواتها قالت اصل انا لم اكتب إسمك عشان مفيش مكان واهلي دايما كانوا بيقولوا لي انت مدلعاهم ودول لما يكبروا هيضربوك بس انا كنت شايفة اني بعلمهم الصح واعطيهم حريات وكله تحت نظري بس هما بيتعمدوا يعذبوني ويستنزفوني ف اقل حاجة ودا بيخليني الجأ للضرب وهما يعاندوا كمان واضرب كمان فأصبحوا بيخافوا مني وبيسمعوا الكلام بس متراجعين في تعاملهم مع الزملاء وزملاؤهم بيضربوهم مفروض كنت اعمل ايه؟ بنتي تركتها براحتها مرة وقلت مش هتعامل معاها بالعناد صممت ع عدم الاكل لمدة اسبوع كامل لم تتناول فيه الا كوبين من اللبن تقريبا بدون سبب وانا بتحايل وجدها والبيت كله وكان عمرها سنتين ولم تأكل الا لما ضربتها صربا مبرحا وكنت كدا ف كل شئ عناد وسياسة ولا يفيد اي شئ لغاية ما اضربهم ضرب فظيع وافقد عقلي وساعتها ينضبطوا وياكلوا ويبقوا زي الناس الطبيعيين هما كويسين ف الدراسة يعني مش عندهم تخلف ولا حاجة وشئ آخر انني ظللت ف بيت اهلي تقريبا ٦ سنوات ولم يكن لدي مكان استقل فيه لسفر زوجي وبعد بيتي عن بيت اهلي وارتفاع السلم وانا لظروف وضغوط عائلية عملت اربع عمليات قيصرية في ٣ سنوات ونصف وهذا اثناء وظيفة ومذاكرة وسفر وامتحانات واقامة بعيدا عن البلد وانا بعد القيصرية ب٩ ايام عشان الامتحانات وكنت مضطرة والا راحت الوظيفة لان امامي مهلة معينة وزوجي كان متفق معي انه سيظل مسافرا حتى يؤسس مشروع ثم يستقر ف مصر ولكنه بع المشروع ونجاحه لا زال مصمما ع السفر الذي بالكاد يكفينا وترك المحل لشريكه وقد فتح الله ع شريكه جدا من المشروع وتوسع وهو لا زال يعمل باليومية خارج مصر ويرفض الاستقرار حتى شككت في ارتباطه ولكني علمت ان الاستاذ عاوز يفضل عايش ف برستيج السفر للخارج وانه بيجيب فلوس بلا حساب طب كان مصمم ان انجب اطفالي ورا بعض ليه ؟ ولو الطفل وصل سنة وانا مش حامل يظل يرمي كلمات جارحة علي حتى ابحث عن الحمل لاسكته وبعدين يسافر وانا حامل واروح لاهلي ولا يتحملون اولادي واخواتي يتذمرون من عدم مشاركتي في اعمال البيت واولادي قد دمروه وانا طريحة الفراش ولا اقدر ع المشاركة واضع طفل بدون وجود والده وكمان ظل مش بيشتغل وما يعرفش يبعت مصاريف ليا وللأولاد ٣ سنين ومش بيحضر ولادات وانا عايشة ف الجحيم طب انا الان استقريت ف بيتي وانتهت مرحلة صعبة من دراستي واخذت اجازة وهو يبعث لنا مصاريف البيت بانتظام ولكن مش عارفة اتاقلم مع الاولاد بيتعبوني ومش راصيين عن اي شئ اعمله لهم ولا بيفرحوا من الحاجات اللي اعملها ولا بيعجبهم اكلي ولا فسحي و اشتريت لهم مرجيحة وبيت كور وزحليقة والعاب من غير حساب وتلاقيهم راجعين بكاء وصراخ ومكانوش عاوزين ده مع انهم كانوا طالبين الاشياء دي قبل كدا بس نكد وخلاص انا الان بهرب منهم بالتليفون ومش بقدر اضحك ف وشهم بصدق لكن بفتعل الضحك وبضربهم بشدة وتوقفت عن القصص والاحضان وهما مش بيحبوني مع ان والله الاغراب لما بيشوفوا معاملتي الطبيعية معاهم بلاقي الناس وقفت تبص وسابت اللي ف ايدها ولكن مش عاجبهم ممكن افضل ف صراخ شديد ساعات وكنت بشيلهم وانا بغسل المواعين ع ظهري وجوزي ييجي ولا كأن بس يقول لي ربنا يعينك ويلاعبهم ويفرحهم وهوا المثالي وانا العفريت تخصص اكل واستحمام وتنظيف وحضانات وحل مشاكل الحضانات والمدارس والقرف بس وانا كرهت حياتي وخايفة الناس يعرفوا الوضع ده لاني كنت اهان من اخوتي اشد الاهانات امام ابنائي وخايفة يبقوا ولادي كمان يهينوني

أضف إجابتك

صورة علم United States
السؤال التالي