صورة علم Morocco
من مجهول
منذ سنة 22 إجابات
4 0 0 4
  • زواجي منه كان أكبر غلطة أرتكبتها في حياتي (١)

    السلام عليكم انا امرأة عندي 33 سنة عندي ماجستير حقوق و دلوقت بكمل دكتوراة الحمد لله.موظفة في مركز مرموق و عندي سيارة و شقة راقية ساكنة فيها ومعايا امي والدي متوفي. قبل سنة اتزوجت من شخص بيشتغل معايا هو اقل مني في الوظيفة و حالتو المادية كانت صعبة و مديون للبنك ..عندو شقة بالتقسيط و راتبي اضعاف راتبو.وافقت عليه بصراحة لاني مريت بعلاقة عاطفية فاشلة مع واحد زميل ليا ..كل الناس كانت تعرف انو هيتجوزني ..بس خلف بوعدو و شهر بيا .كنت مصدومة ..لما اتقدم لي الشخص دة ..كان عارف الموضوع مش مني طبعا .من ناس ثانيين ..بس قالي دة ماضيك و مش هحاسبك عليه .انا فرحت بكلامو عشان انسان متفتح. المهم اتجوزنا عملت الفرح و اشتريت عفش البيت و ساعدتو انو سدد ديون البنك ..اديتو سيارتي بيسوقها ..وانتقل الى عالم الرقي .بصراحة كنت بصرف على البيت وبشتري لو هدوم ..و هدايا و هو بيعاملني كويس و طول الوقت حبيبتي حبيبتي و غيرة و خوف .لغاية ما تعميت وانا بطبعي انسانة خجولة و ضعيفة الشخصية.هو استغل النقطة دي و عملني زي الخاتم فصباعو .بعد مرور 8 شهور بقى طماع اكثر و يقولي اديني فلوس اخبيهم عشان اناي بتبعزقي يمين و شمال ..شوية بقى يقول لي شقتك كبيرة و فحي راقي و مش مستغلاها ..قلت لي امي ساكنة في الشقة و ساعدتني بفلوس ورث ابويا عايزني اطردها ..حسيت انو ابتدى يطمع بزيادة .شوية يقولي اعملي قرض و خذي سيارة كبيرة و بريستيج .حسيت انو بقى بيستغلني ..لدرجة بقى يقول لي عايز فلوس اروح الجيم ..قلت لو طب بتعمل بفلوسك ايه .قالي بوفرها للزمن ..انا بدفع قسط الشقة ..قي هخبيه و اساعد اهلي . حاجة تانية انو امو طماعة اكثر منو وعايزاني اصرف عليها كمان ..و عايزاني ادي ابنها بطاقة البنك ..وانا بعمل نفسي مش فاهمة.علة فكرة ..هو كان متجوز قبلي و مراتو طلبت الطلاق وكان عمرها 20 سنة ومش بتشتغل ..بس عرفت من انها كان ابوها بيصرف عليها و عليه وكانت بتشتري لو هدوم و فرشت البيت ..يعني نفس الموال.انا غلطت لاني اتسرعت بالجواز و الخطوبة بس شهرين يعني معرفتوش كويس . ولما بترفض الست تديه فلوس بيتحول لوحش ..زي ماعمل معايا ..بقى يعاملني زي الخدامة ..وانا صابرة و يقولي انتي شقتك حلوة بس امك هي لي مستفيدة منها ..قلت لو ونت مالك؟دي شقتي اشتريتها قبل ما اتجوزك قالي انا جوزك أولى ..حسيت انو عايز يورثني بالحياة .يقول حطي بنزين في العربية عشان بسلامتو يروح الشغل اتخانقنا و جيت بيتي ..انا بصراحة تعبت منو و من تصرفاتو ..و من كل مرة هاتي هاتي ..اتبهدلت حتى هدوم مشتريتش حاجة جديدة ..و خسيت من كثر الهم و التفكير. انا بفكر اطلب الطلاق ..بقى لي شهر ..اتصل بيا يقول لي ارجعي بيتك وحشتيني ..بس انا معدتش طايقة .حسيت اني غلطت لما اتجوزتو ..كمان هو عنيف ..وكان مضيع فلوسو فالقمار قبل ميتجوزني ..انتهازي و عايز ست تصرف عليه ..و فوف كدة مش طايق امي عشان عايزني ابيع أو أأجر الشقة و اديه فلوس ..انا فقدث الثقة فيه .ساعدوني انا مش بنام و بحس اني ضعيفة الشخصية..


أسئلة ذات علاقة