أكره زوجي الغير مبالٍ في حياتنا

السلام عليكم ورحمة الله وبركاته انا وحدة متزوجة الي ١٥ سنة عندي اربع اولاد وزوجي يكبرني ب ١٤ سنة وهو الان عمره ٦٠ سنة من يوم ما تزوجته واحنا في مشاكل ما في تفاهم بينا لانه ما بده يتحمل مسؤولية وانا كنت متزوجة قبله وهو بعايرني دائما بهذا الشي واحنا تزوجنا بأمريكا وخلفت اول ولدين بأمريكا وضحك علي ورجعني على بلدي بدون ما يعمل اوراقي وقال لي بس سنة وبعملك اوراقك وبتشوفي اهلك وانا هاي كانت اول مرة ببعد عن اهلي وخصوصا امي وكنت كثير متعلقة بأمي وهو بعرف هذا الشي فمسكني من أيدي الي بتوجعني ضحك علي ورجعني بدون اوراق انا وولادي وهو ظل بأمريكا والسنة صارت ١٣ سنة وهو كل سنة بوعدني انه هاي السنة اخر سنة ورح أعملك اوراقك ورح اجيبكم عندي وخلفت كمان ولدين وكل ولادي بخلفهم عمليات وما عندي حدا وهو ما اله الا خوات ثنتين ما بتعرفوا علينا ولا بسألوا وهم بعبوا رأسه علينا وَيَا ريت المشكلة وقفت لهون وبس صار مش طايقني ومسبات وبهادل وما بده يسمع مشاكل ولاده ومصروف بطلوع الروح لما يبعث والي ببعثه ما بكفي لاثنين مش لخمسة ودائما بحكي ما في شغل وكان يجي كل سنة هلئ صار يجي كل اربع سنين وحتى اولاده كرهوه ويدعوا عليه بالموت ونفسيتهم تعبت كثير وانا ما الي حدا الا اخوي اصغر مني حاول كثير يحكي معه وعلى الفاضي وأولاد عمي حكوا معه وكل صحابه الي بأمريكا وجيرانا الي بأمريكا حكوا معه وهلئ ما حدا بحكي معه كلهم اخذوا منه موقف وعلى الفاضي لا راضيً يجي يعيش عنا ولا راضي يأخذنا عنده على امريكا علما انه عملت لأولادي جوازات أمريكية لما إجى اخر مرة اداينت ١٠٠٠ دينار وعملتلهم جوازات وأخذ الجوازات وخباهم عنده ومش راضي يصرف علينا زي الناس حتى صرنا نعيش تحت الصدقة الناس يتصدقوا علينا وأبوهم في امريكا وانا طلعلي ١٥٠٠٠ دينار ميراث صرفتهم كلهم على ولادي وهلئ انا صرت مريضة عندي ٣ديسكات برقبتي و٣ ديسكات بظهري وعندي صداع توتري وصداع ارتدادي وصداع الشقيقة وضغط وطول الليل والنهار وانا بصرخً من وجع راسي وما بقدر انام وما برضى يعطيني دينار واحد اشتري دواء الي أرجوكم افيدوني شو الحل مع هيك إنسان لا أبالي وانا اسفة كثير على الاطالة مع اني اختصرت كثير من مشاكله