أمي سبب خراب بيتي، فما الحل؟

Question

السلام عليكم ورحمة الله وبركاته اولا حابه اشكر كل القائمين على الموقع اللي بيتعبوا معانا علشان يخففوا عننا ويحلوا مشاكلنا جزاكم الله عنا خيرا وكل سنة وانتم والقراء طيبين بمناسبة شهر رمضان الكريم اعادة الله عليكم وعلي الامه الاسلاميه بالخير واليمن والبركات عندي مشكلة تعباني وأرجو من حضراتكم انكم تساعدوني فيها انا متزوجة من 7 سنين في محافظة غير اللي يعيش بها اهلي من حوالي شهر والدتي حصل لها وعكة صحية وانا استأذنت زوجي واخدت بنتي وروحت قعدت مع ماما علشان ارعاها وسيبت زوجي لوحده لانه مايقدرش يكون معانا طبعا لظروف عمله في خلال الشهر ده هو جالنا زيارة مرتين في نهاية الأسبوع علشان يشوفني ويشوف بنته ويطمئن على امي ويرجع تاني علشان شغله وطبعا كتر خيره اللي عاملة معايا ده وانه يسيبني اقعد اخدم امي وهو لوحدة دي حاجة كبيرة عندي وفوق راسي طبعا بس اخر زيارة فيهم امي قعدت تتكلم فيها معاه وتقوله كلام غريب كده والله يا كذا انت مفيش زيك هو فيه حد زيك دلوقتي ده انا بنتي مفروض تحمد ربنا عليك انما انا بنتي عندية فظيييييعة مابتسمعش الكلام ودماغها ناشف انا عارفة لو كانت عاشت مع واحد زي اللي انا عايشه معاه ولا شافت اللي انا شفته كانت عملت ايه وفضلت تتكلم عن نفسها واللي مستحملاه كأنها مستكترة جوزي عليا وبتقارن بينها وبين حياتها وعيشيتها وبيني مع العلم انا محدش يعرف اي حاجة عن علاقتي بزوجي غير اللي انا حابه اوصلها عنه يعني انا مش من النوع اللي لما يحصل مشكلة بيني وبين جوزي لاقدر الله اجري اشتكي لاهلي ولاهله والصحاب واقول ده بيعمل وبيعمل بالعكس محدش بيعرف عن حياتي حرف ولحد الان انا مش فاهمة ماما عملت كده ليه وايه الفايده اللي رجعت عليها لما اتكلمت مع جوزي كده انا مش عارفة والمشكله دلوقتي بقالي اسبوع من وقت ما جوزي ما سافر مش بيعدي علينا يوم غير في خناق اي كلمة اقولها يحور كلامي ويرجع يقولي هو انتي مش هتبطلي عند وقلة سماع كلام وكلامنا يتقلب خناق وانا والله العظيم ما بكون قصدي اعند معاه ولا اي حاجة اعمل ايه مع جوزي والاهم مع امي اللي انا جيتلها وانا نيتي خير علشان اخدمها واشيل عنها وهيا بكلامها خربت عليا حياتي مع جوزي اسفة للاطالة وأرجو أن الاقي الحل الشافي عندكم

أخصائية علم النفس والتثقيف الصحي ميساء النحلاوي · Accepted Answer

كل عام وانت بخير أعاده الله عليك بالخير لقد أخطأت والدتك في كلامها هذا وفي ذم أخلاقك أمام زوجك لأنه سيتخذ هذا الكلام ذريعه لمواجهتك عند أول اختلاف بينكما وهذا بالفعل ما يحصل معكما الان من المؤكد أنه لم يكن في نيتها أذيتك بكلامها هذا نقول أحيانا كلام لا نقصده بالحرف خاصه وهي الان مريضه وفي حاله نفسيه محبطه هدفها التقرب من زوجك أمك مريضه الان وبحاجة إلى مساعدتك ووقوفك إلى جانبها تحملي هذه الفتره واصبري وعند عودتك إلى بيتك ستجدين الوقت الكافي لإثبات حسن خلقك وحبك له سينسى هذا الموقف خاصه إذا أظهرت رضاها وقدرت إبتعادك عن بيتك من أجلها اطلبي منها قبل مغادرتك لها بطريقه غير مباشره ومن باب التحبب أن تقول كلمتين حلوتين في حقك أمامه وتأكدي أنها لن تتردد مهما قالت والدتك عنك فأنت طفلتها التي رب تها وهي تحبك حتى لو نسيت أنك كبرت وأصبحت زوجه وأم ولا بد من الإنتباه لذلك خاصة امام زوجك وابنتك

من مجهول · Answer

هذا بداية مرض الزهايمر ولسا

من مجهول · Answer

تعرضت لنفس الموقف ولكن من اختى التى تركت بيتى وزوجى لتجلس معها أياما بسيطة اواسيها لان زوجها طلقها واذن لى زوجى ولكن عند زيارة زوجى لنا فى بيت والدنا فوجئت بها تستهزء لى أمام زوجى وتتهمنى بالبطء الشديد وانى معاقة لا استطيع العناية بأى أحد ونبهتها إلى أن ذلك ممكن أن يؤثر على علاقتى بزوجة خاصة أنه فعلا علق بنفس كلماتها فى موقف ما ولم ترتدع وأخذت تكرر كلامها نفسه فى كل مرة نكون فى جلسة تجمعنا وزوجى وفى نهاية الأمر وعند مواجهتها انها تؤذينى أذية مباشرة قالت خلاص مش هقول كدا تانى ولكن القدر لم يمهلنى كثيرا إذ توفى زوجى واعيش الان وحيدة منذ أكثر من 15 سنة مع اطفالى ولكن لا تتخيل كيف ستكون سير حياتى مع زوجى بعد ما رسخ فى ذهنه بلادتى وعجزى مع العلم أن هذا غير صحيح غير انى احب عمل الأشياء بدقة اكثر منهم جميعا

من مجهول · Answer

السلام عليكم ورحمة الله وبركاته أختي الكريمة جزاك الله خيرا وأعاننا الله تعالى على بر والدينا وعلينا جميعا ان نقر بأن التعامل مع كبار السن هو أصعب بمرات من التعامل مع الأطفال فهم أكثر حساسية لكل تصرف بل ولكل كلمة تصدر عمن حولهم فهم مولون وقد انقطعت آمالهم وتوقفت مشاريعهم وطموحاتهم ومن لم يمن ا

من مجهول · Answer

ارجعي على بيتك معززه مكرمه واعملي نفسك مش عارفه حاجه وحاولي تحتوي زوجك وتكوني معاه افضل واهدى من الاول كتير من الامهات عشان يضمنو بناتهم تفضل تخدمهم بيحاولو يخربو بيتها عشان تبقى خادمه تحت رجولهم وهي مكسوره لا حول ولاقوة الا بالله ارجعي لبيتك يا بنتي ولا تحرمي بنتك من ابوها ولازم تتحملي تقلبات مزاج زوجك اول رجوعك على فكره استعجلي بالرجوع قبل مايتزوج عليك

من مجهول · Answer

اختي الكريمة وانتي طيبة وتقبل الله منك صالح الاعمال أختي في الله الحل بيدك نعم بيدك انتي لازم تطيعي زوجك بدون اي نقاش خصوصا اذا كان زوجك عصبي الزوجة في هذه الاثناء تستطيع ان تسعد زوجها والعكس اذا ارادت ولكن تطيعيه الا بمعصية الله المرأة تدخل الجنة في 3 من صلت خمسها وطاعت زوجها وصانت فرجها حاولي بكل مافي وسعك ان ترضي زوجك لانه هو من بعد الله انتي ترى ماعندك الا زوجك انتي شايفة مامتك عاملة ضدك يعني لو لاسمح الله تطلقتي ماحد بيرحمك وامك لازم ترضيها اوعي تزعليها لانه الجنة تحت قدميها اهتمي في زوجك والبسي له اجمل اللبس رتبي البيتك ورتبي نفسك واعتني بمظهرك علشان زوجك لايمل منك هذا هو الحل الامثل

من مجهول · Answer

لا حول ولا قوة الا بالله مبتكملش ابدا لحد ربنا يهديلك زوجك ياااارب

من مجهول · Answer

هذه مش مشكله ولاهيه صعبه ومعقده انتي دخلتي في راسك ان امك بكلامها اثرت على زوجك ثانيا زوجك لوكلمك لاتخانقيه وعلى ايه الخناق اذ ا قال كلمه قولي له حاظر يعوني لاتردين عليه طلاقا

من مجهول · Answer

هذه مش مشكله ولاهيه صعبه ومعقده انتي دخلتي في راسك ان امك بكلامها اثرت على زوجك ثانيا زوجك لوكلمك لاتخانقيه وعلى ايه الخناق اذ ا قال كلمه قولي له حاظر يعوني لاتردين عليه طلاقا

من مجهول · Answer

هو الحاصل انو امك خافت من جيه جوزك كل يومين يروح ماخدك علي البيت وتتركيها في مرضها فحبت انك تجلسي عندها شويه حتي لو كان بمشكله حسب تفكيرها

من مجهول · Answer

اولا بطلي جدال معاه ثانيا لو قال لك اي حاجه حتى لو كانت غلط قولي له خاضر بس مش بمسخره يعني بحترام وخضوع ثالثا اول ما يجي البيت تستقبليه بكلام حلو حسسيت بقيمته عندك

من مجهول · Answer

أ صبري فهي أمك ربما الغيرة التي دغعتهالذلك

من مجهول · Answer

اختي

من مجهول · Answer

اولا قللي من ساعات الجلوس مع امك خلصي شغلها وارجعي لمنزلك ولا تجلسي عندها بشكل مستمر لان والدتك كانت تعاني من والدك لهذا حاولت ان تستدر عطف زوجك لكي يتركك لها وان تدب الخلافات بينكما فحاولي ان تبتعدي عن اي حديث يثير زوجك واشعريه بانك مخطئة بجلوسك لدى والدتك

من مجهول · Answer

فصبر جميل والله المستعان ادعي ربك وهو اقرب اليك من حبل الوريد

من مجهول · Answer

انت خليكي كويسة مع زوجك و اشغليه بخطة مستقبلية الكم مع بعض رح تحتاجي وقت حتى ترجعي تكسبيه و امك خففي روحة عليها قوي علاقتك ببيت حماكي

من مجهول · Answer

شكلك فعلا عنيده

من مجهول · Answer

نصيحتي لكي كوني شديدة الحذر في تصرفاتك وكلامك مع زوجك لفترة حتى ينسى الأمر تماما

من مجهول · Answer

بتضحك معاكي بصراحه عايز ه تعرف مدي حب زوجك ليكي يا هبله

من مجهول · Answer

ارجعي لبيتك يا حبيبتي و لما تهدا الامور ابقي اخدمي امك زي مانتي عايزة

من مجهول · Answer

حبيبتي انتي عملتي اللي عليكي وراعيتي امك في مرضها ارجعي بيتك وتعاملي مع زوجك بالحسنة لغاية ميشيل الفكرة اللي والدتك حططها في دماغه وراعي بيتك لان ده انانية ام ديه عوزاكي تنفصلي عن زوجك وتقعدي معاها عالطول اللي انتي فيه ده حصل معايا عن تجربة ومع اختي وبعد ما تخف مش هتشيلك والله خمسة وعشرين سنة وانا زوجي بيعاملني وحش علشان كنت بفضل امي عن اي شيء في الدنيا والله يابنتي عن تحربة اوعي تخسري بيتك ديه امهات خرابة بيوت وغياره لحد الان مسيطرة عليا حتي بعد مرضي اللي ربنا يعافيكي منه

من مجهول · Answer

نظرا لحاجة امك إليك ذكرت لزوجك ما ذكرت كي تبقي معها لمساعدتها أذكر واحده أنها تريد ابنتها أن تبقى معها فكانت تذكر لها أن فلانه ولأنه و و و بقوا بدون زواج لخدمة امهم

من مجهول · Answer

حاولي ترجعي بيتك من غير ما تزعلي امك بعدها جوزك هينسى كل شيء والموضوع في يدك

من مجهول · Answer

ارجعي لدارك

من مجهول · Answer

لا شك انه امك كبر السن اثر فيها لكن تبقى ام وزوجك حاوريه بالحسنى واصبري وادعي الله يسهل الامور ويلهمك الصواب

من مجهول · Answer

اسمحيلي زوجك يظهر انه من النوع اللي ينساق ورا اي كلام عايش معك سبع سنين ومن كلمتين سمعهم من امك نسي اخلاقك اللي عارفها من سنين

من مجهول · Answer

للأسف بعض امهاة حرام ينطق عليها إسم أم هاي عدوه مو بأم يبيلها حرق وبعدين زوجك لي ليصدق الحكي لي ماقال هاي خرفانه

من مجهول · Answer

هي امك تقصد توضح لزوجك انه رجل مليح وطيب عكس لي كانت عيشاها

من مجهول · Answer

ارجعي بيتك بسرعه وخليكي مطيعه اكتر وزوجي الحنان معاه وسيبك منها تتصرف في مرضها طالما لسانها طويل

من مجهول · Answer

رأيي تأخذين والدتك في بيتك وتراعين زوجك لأن الرجل منا بعدما يتعود على وجود امرأة في بيته ويفتقدها يصبح كاليتيم ولا يعي ما يقول فاهرعي إلى بيتك قبل فوات الأوان ولا بأس باصطحاب امك معك إن لم يكن لك أخوة ذكور ووضحي لها الصورة

من مجهول · Answer

طبعا عشرة ٧ سنين مش حيأثر عليها قعدة امك وكلامها مع جوزك لمدة يوم انت اخلصي من موضوع أمك وارجعي بيتك بسرعة وبهدوء الواضح ان الزمن ده مفيش أمان بسهولة بسبب قلة الجواز وكتر العوانس وعدي لجوزك كلامه فوتي يعني ولا تحدثي مواقف تستدعي منه هذه الكلمة والله يسامح امك ساعات الجماعة الكبار بيكونوا عاوزين يشكروا في الرجالة بس بيخونهم التوفيق بسرعة ارجعي بيتك قبل ما حد يخطفة وليس فيما قلت لك مدعاه للشك فيه إنما قاعدة الوحدة بتسهل امور كتيرة

من مجهول · Answer

عيب تشتكي من امك ست كبيره و عقلها مبقاش ذي زمان و لازم كلنا نتحملها كلام فارغ و لازم تعرف انها غلطت و لازم تأخدي موقف علشان لو سكتي هتكررها و هتخرب بيتك

من مجهول · Answer

هو انتي جديده على جوزك يا بنتي انتي بتقولي انك متجوزه من 7 سنين يعني هو اكتر واحد عارفك وحافظك وحافظ اسلوبك مش مستتي امك تذم فيكي قدامه وتنتقدك علشان هو كمان يبدأ ينتقدك الا اذا كنتي انتي فعلا كده بس جوزك ما كانش واخد باله وامك فتحت ودانه فبدأ يصحصح ويدور الكلام في دماغه ويراقب كلامك وتصرفاتك ويربطهم بكلام امك الله يسامحها فانتي حاولي تكوني هاديه وحنينه مع جوزك وراقبك تصرفاتك اذا كان فيها عند ولا لا واتفاهمي مع جوزك وربنا يصلحلك الحال انا معاكي ان في بعض امهات بتتصرف تصرفات غريبه ربنا يسامحهم

من مجهول · Answer

ليس كل الوالدين كما نتصورهم ملائكة

من مجهول · Answer

نصيحة ارجعي لبيت زوجك في اقرب وقت ولا راح يتزوج عليك و خليكي عند امك على طول

من مجهول · Answer

ان لم تسامحي أمك فمن تسامحين واما عن زوجك فكيف يأخذ بكلام عجوز مريضة فكوني ذات شخصية قوية ولا تسمحي له بأن يجرحك مادمت تحترمينه يجب ان يحترمك ولا يأخذ كلام أمك ك مبرر لاهانتك فامك ثم أمك ثم أمك وأن خيروك بين أمك وزوجك فاختار ى أمك لأن الجنة تحت أقدامها ولو ظلمتكى فهي امك

من مجهول · Answer

والدتك طبعا أخطأت ف كلام ليس ف محله ولكن اجلسى مع زوجك تفهميه كلامها وأنك بتحبيه وبتسمعى كلامه وان والدتك من المرض فضفضت معاه على أنه ابنها وأنكم غير اى حد متفاهمين والحمد لله وأنك بتسمعى كلامه حتى لو غلط ولو والدتك اتحسنت صحيا تقدرى ترجعى لبيتك وتحاولى تصلحى ما قالته والدتك وامدحيه كتير حتى تمر هذه السحابه على خير اسأل الله لكى التوفيق

من مجهول · Answer

امك انانيه تحت نفسها ولاكن صبرك عليها سيكون حبل نجاتك بذن الله لاتحزني وقولي وكلت امري لله وسيكون حالك اقضل باذن الله

من مجهول · Answer

امك يا اختي لا تقصد ممكن من معزتها لزوجك حابه تقوله كلمه طيبه بس انتي أخدتها بشكل آخر وكثر خير جوزك وكمان الراجل مش ممانع بخدمه امك من باب البر وكمان ربنا يجزيكي الخير علي برك لامك شفاها الله وعافها كل بيت فيه مشاكله حلوه ومره عدي الأمور وخديها ببساطه وربنا يستر عليكم وويسر اموركم

من مجهول · Answer

اذا قالك انتى عنيده قوليله غريبه اول مرة تقولى كدا ولمحيله ان الفكرة دى جت ف بالك م كلام ماما بس م ش اى كلام نسمعه وقوليله انا كمان لو سمعت اى كلام يتقال عنك وصدقته كان حياتنا فشلت انا بحكم عليك بتصرفاتك معايا ولا تحب انى اعمل زيك واتاثر بكلام الناس

من مجهول · Answer

انا متجوزة من ٦ سنوات ولحد النهاردة جوزى بيغلس عليا بكلمة قالتها خالتي قبل زواجنا معلش اصبر عليها عشان عصبية وبتكتئب شوية مش بيمر شهر الا اما اسمع زوجى يقولها بهزار يارتني كنت سمعت كلام خالتك ومكملتش معاكي اصبري يعدي الوقت شوية وعاتبي امك فهميها غلطتها وشدى عليها متتكلمش كدة تاني ادام جوزك ربنا يهدي اهالينا

من مجهول · Answer

ست كبيرة و محدش يلومها على كلامها الجملة اللى قضت على كل شىء فى حياتنا تقريبا الناس بتكب فى النار من حصائد ألسنتها فليقل خيرا أو ليصمت كفاية تقطيع فى بعض بالكلام الكلمة ممكن تسقط بيها فى النار سبعين سنة

من مجهول · Answer

بسم الله الرحمن الرحيم اولا والدتك ست كبيره وليس عليها ملامه فأي كلام تقوله وكمان زووجكك مفروض يعرف كدا مش ميصدق انها قالت عنك كدا وكمان انا مثلا حماتي ست كبيره ومريضه وبتحاكيني اخددد الكلام اللي يعحبني واكون مقتنع بيه اصلها اسف بتكلمني علي واحده مش غريييبه دي بتكلمني عن مراتي عشره عدد سنين يعني فهمتها خلاص مش عاوز شرح وتعريف من حد يعني مجرد قومتي من جمبها بنسي الكلام ثانيا بقااا انتي ازاي تسيبي بيتك فشهر مفترج زي ده انتي ايييه السواق ولا اييه الراجل بيطلع فيكي الشحنه بسبب بعدك عنه مش بسبب أمك

من مجهول · Answer

وحاولي يااختاه أن تجلسي معاه واحكي معاه وشوفي مالوا بطريقة سهلة لينه يكون هو بيحبها وحاولي تعملي كل الى بيحبوا لحد متعدي المرحلة دي ربنا يهديه

من مجهول · Answer

ههههههه والله العظيم نفس مشكلتك حتي انه شاف حاله عليا لا لبس ولا شكل ولاطبخ عاجبه ويقول لي احمدي ربي انك تزوجتيني دي امك هي اللي قالت لي انك كذا وكذا وصلت بيها تقول لي اذا اشتكالي منك مرة ثانية انا حنقول له يمشي يتزوج ويخليك وانا حنمشي معاه ونخطب له تصوري امي تخطب لزوجي هههههههه شر البلية٠٠٠٠٠٠٠٠٠٠٠٠٠٠٠٠٠٠

من مجهول · Answer

الحل إنك تقاطعي إمك لفترة وما تروحي عندها طبعا حسب وضعها الصحي حتى تعرف الجريمة اللي عملتها بحقك حتى ما تردي على تلفوناتها وخلي أخواتك أو إخوانك يحكوا معاها ويفهموها غلطها

من مجهول · Answer

احكي مع إمك وتناقشي معاها حتى لو احتدت الأمور بينكم وافهمي منها السبب اللي خلاها تحكي هيك وأقلك كمان حسسيها بالذنب واحكيلها إنه بفضل كلامها علاقتك بزوجك تضررت وصارت المشاكل بينكم للسما حتى تكون مبسوطة ومرتاحة بعمايلها والله أنا نفسي مش فاهم شو يلي خلاها تحكي هيك

من مجهول · Answer

إنت لازم تقعدي مع زوجك وتتناقشي معاه في كلام أمك وتفهمي منه رأيه وردة فعلو وتشوفي إذا اقتنع في كلامها ولا لأ لكن الواضح إنه كلام أمك وللأسف ضرر علاقتك بزوجك

من مجهول · Answer

من وجهة نظري بان زودم تغير عليكي بعد كلام امك لانه اصبح يعاملك بقسوة بعد هذا الكلام والمقارنة لذلك عليكي ان تجلسي معه وتغهمي سبب تغيره لانه لو كان يحبك لما تفعل هذه الامور بكي

من مجهول · Answer

انفصل عنه فتره كلا منكم يقيم عند اهله لو استمر على ذلك انفصلى عنه نهائيا لكى تحافظى على صحتك او لو حس بيكى وتمسك بكى تمسكى به

من مجهول · Answer

يمكن انتي قصرتي بحقه او اهملتي نفسك ويكون شاف له شوفه اوجو برا البيت حاولي تناقشيه بسبب التغير لتعرفي المشكلة وتعالجيها

أمي سبب خراب بيتي، فما الحل؟

شارك في الاجابة على السؤال

شارك في الاجابة على السؤال

احدث الوصفات

طريقة عمل مهلبية الجيلي

طريقة عمل كاسات تشيز كيك

طريقة عمل كاسات اللوتس

طريقة عمل عصير فيمتو

طريقة عمل الموهيتو الصيفي

طريقة عمل عصير المالديف الأزرق

مقالات ذات صلة

رمز المسجد في المنام وتفسير حلم الصلاة في المسجد

أعراض بق الفراش وطرق علاج بق الفراش نهائياً

التخلص من التجاعيد منزلياً وعلاج التجاعيد الطبيعي

ألعاب أطفال 5 سنوات وأنشطة للأطفال في المنزل

هدمت بيتي بحب!

رؤية الزوج السابق في المنام وحلم طليقي في بيتي

فيديوهات ذات صلة

أسئلة ذات صلة

مقالات ذات صلة

احدث مقالات قضايا اسرية

احدث الوصفات

طريقة عمل حلى كرات الشعيرية السهل والسريع

طريقة عمل كيكة الجيلي الباردة

طريقة عمل حلويات سهلة بدون فرن وبثلاث مكونات

طريقة عمل آيس كريم بدون سكر

احدث اسئلة قضايا اسرية

اسئلة من بلدك

احجز استشارة اونلاين

شارك في اخر الاختبارات

اختبار السعادة: إلى أي مدى أنت سعيد في حياتك؟

اختبار إدمان العمل: هل أنت مدمن على العمل؟