تمردت على زوجي بعد ما حدث وغير قادرة على العودة لحياتي السابقة

السلام عليكم عمري 33 متزوجه من 16 سنه زواج تقليدي من الاقارب كان عمري 17 وزوجي 23 كنت طيبه جدا لدرجة الغباء وربنا اعطاني جمال والحمدالله المشكله في زوجي كان شب طائش بكل معنى الكلمه يحب العلاقات المحرمه مع النساء لما كنت ازعل واحكيله ليش بتعمل هيك انا شو مقصره معك كان يحكيلي لازم الرجل يجرب جميع النساء وانا بحب المغامرات انتي خليكي في نفسك وفي بيتك واذا مش عاجببتك العيشه عندي روحي ع ببت ابوكي طبعا انا ماكان عندي خبره بالحياه كنت ارد على كلامه واسكت ما كنت بدي فضايح طبعا ما كان يطلعني من البيت نهائيا حتى اهلي كنت ازورهم بسنه مره مع انهم مش بعيدين عني ضيعت احلا سنين عمري وانا صابره عليه وهو كان يتمادى اكثر واكثر لحد ما صاحب وحده من العيله وصار يضل يمشور فيها قدام الناس ومش سائل في مشاعري وللأسف كان يحكيلي كيف هو مبسوط في علاقاته لحد ما اجا اليوم الي دخل في حياتي شب من قرايب جوزي وحكالي ليش صابره على جوزك هو ما بستاهلك حرام يعمل فيكي هيك لازم تحطيلو حد بالاول كلامو ما اثر في بس صار يجي كل يوم يلعب مع اولادي ويحكي معي لحد ما شكيت الو كل همي ارتحت اكتير حسيت انو في حدا مهتم في وبيوم حكى معي تلفون وصارحني بحبه الي انا بالاول خفت وما اعرفت شو اعمل طبعا كان عمري 24ولسه ما كنت واعيه متل هلأ المهم وقعت في حبه ولقيته الصدر الحنون اعرفت معنى الحنان والحب حسيت بأنوثتي صار في طعم للحياة تمردت على جوزي وطلبت الطلاق كانت الاسباب مقنعه لانو اهلي كانو يعرفو كل قصصو مع البنات بس ساكتين لانو عندي اولاد للأسف جوزي ما رضي يطلقني ورجعني ع البيت بواسطه القرايب وقطعت علاقتي مع الشب وارجعت لربي جوزي اتعهد انو عمرو ما يصاحب بنات بس انا مش قادره ارجع متل زمان صرت متمرده واصرخ علي ع اتفه الاسباب مش قادره انسى استغلالو لطيبتي ولا قادره افتح صفحه جديده معو عايشه معو بس لاكمل حياتي واربي اولادي شو اعمل انصحوني اسفه ع الاطاله