زوجي البخيل يكرهني ويعاملني بسوء، فما الحل؟

السلام عليكم ورحمة الله وبركاته اعذروني لعدم كتابتي باللغه العربيه الفصحي واتمني الاقي من حضراتكم حل لمشكلتي مشكلتي هي انا متزوجه من خمس سنين وعندي بنتين وحامل زوجي انسان بخيل تعبت اوي معاه هو بيجيب الاكل والشرب بس لما اطلب منه لبس خصوصا ليا دايما يتهمني اني طماعه ومش بقدر مع اني مش بطلب غير كل سنه وبتبقي حاجات بسيطه خالص وكمان بيكون اللي عندي دابو ولو لاولاده بيعذبني شويه وفي الاخر يجبلهم لكن انا صعب اوي بحس انه مش بيحبني ولا حتي بيقدرني دايما يحكي لاخته كل مشاكلنا اللي هي طبعا سببها الاساسي الفلوس لو زعلت منه مستحيل يراضيني ممكن نفضل اكتر من اسبوع متخاصمين ولو انا مبدقتش بالصلح مستحيل هو يبدأ دا غير انه انسان متزمد دينيا جدا ومش عاوزني اعرف حد او اصحاب ناس جديده دايما حبسني في البيت حتي الفيس مش عاوزني فتحه طبعا احنا مغتربين في بلد خليجي بس الناس حواليا عادي بتخرج وتتفسح وهو مستحيل اخرج برا البيت لو حدي ولو هو خرجنا يودينا حديقه الاولاد يلعبو ونمشي وكل اسبوعين مره مش بيقدرني ابدا ولا بيخاف عليا ولا علي زعلي بحس انه مش بيحبني اصلا مع انه بيحب اولاده جدا وبيعاملهم كويس لكن انا ع الهامش في كل حاجه واتكلمت معاه كتير ويقول ها تغير ويومين ويرجع اوحش من الاول اعذروني ان كلامي ملغبط شويه بس مش عارفه اعمل ايه عمري بيضيع معاه انا عندي 24 سنه مش بعمل حاجه غير اني اخدمه هو والاولاد وبس ياريت الاقي عند حضراتكم حل