زوجي مصر على الطلاق وأنا لا أريد

قضايا اسرية
زوجي مصر على الطلاق وأنا لا أريد

انا بنت عمري ٢٦سنة ..من بيئة مدينة متوسطة الحال ..متعلمة ..توفى والدي من سنتين الله يرحمه وكان كل شي بحياتي وكنت جدا جدا مقربة الو ..وبوفاته تعبت كتير لكن صبرني ربي ..وبعد وفاته بيومين اتقدملي شب واهلي بلغوهم انو عنا حالة وفاة ..الجماعة ضلو ع اتصال دائم باهلي لمدة خمس شهور كنت خلالها رافضة جدا الارتباط بهاد الشب بدون ما اشوفه بس لاني كنت شايفة انو ما في توافق بناء على الصفات المبدئية ..واختلفت مع امي كتير بسبب رفضي الو بدون ما اشوفه وبالاخر وافقت اشوفه ارضاء لأمي ..ولما شفته ارتحتله ..استخرت رب العالمين فيه كتير ومشيت الأمور وخطبنا ١١شهر كان خلالهم اجمل والطف رجل وكنت دائما اقول هاد عوض رب العالمين الي عن وفاة ابوي وكنت احكيله هيك ..خبرتي بالخطبة انو زعلان لانو بس تتزوج انو راح تروح تعيش عند ابنها برا الاردن وهو متعلق فيها كونه اخر اولادها وعاش معها لحالهم فترة طويلة ..لهيك حكيتله اني بدي امه عندي ببيتي وبدي تباركلنا حياتنا .. وفعلا تزوجت من الإنسان الي بشوفه متدين وحاج ومحترم وحنون ..ومن اول شهر امه تركت بيتها واجت تعيش عندي وكنت اقدملها كل احترام ممكن ..بس كانت الظروف اسوء من ما توقعت ..عمتي بتنام بعد نص الليل وبتصحى من الفجر وبدها انام واصحى معها ..كنت أنام انا بعد طلوع زوجي ع الشغل لاني مش متعودة عليه واصحى بعد ساعتين أعماللها فطور ويمكن ارجع انام بعد هيك ويمكن لأ ..تفاجأت بطباع عمتي الصعبة وبانتقاداتها للبسي وطبخي ونومي وحتى كلامي ..وكانت ترفض تناديني باسمي ..وتناديني "ولية"..مع كل انتقاداتها وتعليقاتها ورفضها لطبخي وتعليقها عليه "قرف"..ما عمري رديت عليها بواجب أو كلمة ..زعلت عمتي بعد شهر وطلعت من عندي وسبب زعلها اني بضل نائمة للظهر وكانت الدنيا رمضان طبعا وما في طبخ أو شي ..اهل زوجي كلهم زعلو بعد طلعت عمتي وحسيتهم قلبو علي..صرت اسلم ما حد يرد السلام ..وأمد ايدي اسلم على عمتي تلف وجها عني ..اسمع اخبار العيلة من البنات الصغار وزوجي يخبي عني كل شي وانصدم من كتير أمور انا اخر حد بكل العيلة يعرفها ..صرت اسمع تسجيل مكالمات زوجي لانو كان يسجل مكالماته. .وطبعا انصدمت بكمية الانتقادات الي والتدخلات بحياتنا مع سكووووت تام من زوجي ..كنت اراجعه بأمور اكون سمعتها من بنات العيلة واخفي أمور ما سمعتها من حد لحتى ما يعرف اني بسمع تسجيلات ..واسمع خواته وخوانو كيف بحكو عن اهلي وكيف يتدخلو بزيارات اهلي الي أو زياراتي الهم ولبسي ويحكولو لا تحكي لمرتك وهو يخبئ ..تعرض لموقف انو اخوه يصرخ علي وزوجي ساكت وأخوه التاني يجي لنص بيتي ويصرخ علي وزوجي ساكت وانا ساكتة احتراما الو ..لحد ما اجو خواته لبيتنا وبهدلوني ودافعت عن حالي بكل ادب وزوجي قاعد ساكت ولما طلع الموضوع عن سيطرتي تركت الجلسة وقمت وقلت "هادي جلسة تحقيق ما راح اقعد فيها"ودخلت غرفتي لحقني زوجي يشدني ولحقتني أخته تكمل صراخ وتحط أيدها ع خصرها وتحكي بأسلوبها ..عصبت كتير ورنيت لاهلي ..واجو ..وتفاهمو معو ..وحكولو نبعد عن اهلي واهلو اسبوعين بعدين بنلتقي ببيت العييلة وبنسلم ع بعض كانو ما صار شي ..واتفق هيك مع اخواني ..وفعلا قعدت بيتي ..جنني زوجي ..طلب اروح اعتذر لأمه رغم اني ما عملت شي ولا مرة رديت جواب ..ورحت واعتذرت وحكتلي انها مش زعلانه الا من ولادها لانهم بدهم يرموها عند الكناين..وفكرت انو هيك خلصت المشاكل ..بتفاجأ بزوجي بدو اروح اعتذر اخواته لبيوتهم ..رفضت بشدة ..حاولت اقنعه واجي معه بكل الأساليب رفض ..حكيتله بلحظة عصبية انو الي ما بحمي بيته مش زلمة ..وهالكلمة جرحته ع كلامه..وانا اعتذرت عنها فورا وهو قبل الاعتذار وطلب ما اعيدها ..زوجي ضل مصر اعتذر اخواته ورفضت ..حكيتله خليهم يجو عندي وانا بعزمهم واعتبرها صلح ..حكالي انا ما بقبللهم ياها ..وكان حلي الاخير التقي فيهم بمكان عام هو وافق ..وراح يحكي معهم بس هم رفضو ..ف رجع يصر علي اروح عندهم وقتها كان الي اسبوعين معه بعد جية خواته ..وهو ما بحكي معي غير بموضوع خواته وأهله ..وما بجيب خبزة للبيت لدرجة انو اخوي كان يجي يجيبلي شي اكله ..ضاقت فيي الحياة فحكيتله بدي اروح لاهلي يوم يومين اسبوع اسبوعين لتهدى القلوب ..وفعلا قام فورا يوصلني لاهلي وهو يحكي استهدي بالله وبنفس الوقت بلبس لحتى يوصلني ..بعد يومين من طلعتي رجعتله لقيته ببيت امه رحتله لبيت امه ..وكان شخص تاني .. عنيف ومتوحش بصرخ كتير كتير وما عرفت اتعامل معه حاولت أهديه حكالي .. المشكلة بطلت بيني وبينك .. المشكلة صارت بينك وبين كل العيلة و"انا قعدت كل العيلة وحكيتلهم كل حد عندو كلمة ع مرتي يحكيها"فعلا حكو ..واكيد ما حد ذكر شي منيح بدليل الوحش الي كان قدامي ..حكيت معه لساعات وحكالي ارجعي عند اهلك وبجي باخدك كمان يومين ..وما اجا .. بعد ٣ اسابيع حكو أهله لاخوي بدهم يطلقني ..اخوي نزل من السعوديه ليصلح بيني وبينه ..لانو رافض اني اتطلق بعد ست شهور زواج بس ..لما راح اخوي ليحكي مع زوجي ..لقى زوجي مجمع خوانه وزلام خواته ..حاولوا يصلحو وما زبطت .. هلأ الي عند اهلي خمس شهور ..زوجي رفع علي قضية طلاق بعد شهر من طلوعي من بيتي ..وانا رفعت نفقة .. بس حاولت كتير معه ..رحتله اكتر من مرة ..وحاولو كل الناس من جهتي يحكو مع زوجي بس زوجي مصر يطلقني .. بعد زواج ست شهور بس وخمس شهور عند اهلي ..لسا ما بدي اتطلق ..وبحبه وبدي حل قربت جلستنا الأخيرة ..وانا خايفه ..الطلاق ظلم كبير الي .. شو الحل؟

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي شكرا لك سيدتي على ثقتك بموقع حلوها . لقد تحملت الكثير من تسلط والدة زوجك وأهله عليك ونبذهم لك، وزوجك لم يدافع عنك بل تركك تواجهيهم كلهم منفرده وكأنك عدوتهم لا زوجه ابنهم . اعتبري نفسك محظوظة لأنك لم تنجبي منه فيصبح طلاقك أسهل ولا يربطك به شيئا بعد ذلك . من الواضح أنه هو وأهله لا يريدونك فمهما كان حبك له ، لن تستطيعي تحمل هذه المعاملة القاسية والظالمة التي بدأت منذ أول شهور لزواجك ، فما بالك بعد عده سنوات وماذا سيفعلون حين تنجبين وتختلفين معهم ، سيلجؤون لحرمانك من أطفالك ويستغلوك . اطلبي الطلاق ولا تحاولي العودة إليه ما دام لا يستطيع أن يضمن لك حقك وسط عائلته.
  • صورة علم Saudi Arabia
    صورة علم Saudi Arabia
    من مجهول
    اختي الكريمة..زوجك بايع..ومن باعك بيعه... لاتحطي من نفسك وتهيني كرامتك عشانه... وان شاء الله ربي يعوضك افضل منه.... لو يحبك والله مايتركك لأي سبب... استعيضي الله تعالى فيه..ورددي حسبي الله ونعم الوكيل...
  • animate

  • صورة علم Turkey
    صورة علم Turkey
    من مجهول
    تحبيه ..طيب هو يحبك؟؟الواضح أن كل تغيره بسبب أهله انتي كان لازم تنطشي كل شيء منهم وتكوني إمرأة راضية زوجك لدرجة انه يقول للأهله سمعاً وطاعة(احتراما)ويجي عندك ينسى أهله..وأكيد خطأ ثاني منك إنك ذليتي نفسك ورحتي له أكثر من مرة بعد ما ابعدك..لذا لازم تثقلي شوي وتبطلي تتواصلي معه وياريت توصله اخبار انك مو مهتمة وانك رح تلاقي اللي احسن منو اما هو فأكيد رح يقضي عمره يتزوج ويطلق لأن المرأة ما عم تزوجوا عم تتزوج عيلتوا..خلي كرامة لنفسك ولا عاد تتواصلي معه.توكلي على الله والله يفرج كربك
  • صورة علم Saudi Arabia
    صورة علم Saudi Arabia
    من مجهول
    اللي بيرفضك مره ارفضيه الف وامكن هذه تكون خيره لكي والله يوفقك بحياتك الثانيه والطلاق ليس نهايه العالم امكن الله مخبي لكي حاجه واستخارتك جات قبل لا يكون عندك عيال
  • صورة علم Algeria
    صورة علم Algeria
    من مجهول
    لا ادري اذا كنتي، غبية اجتماعيا او موت ابيك مأثر على قراراتك او انك من النوع لي يحب الذل والمرمطة كان الاحدر بك انت تطلبين الطلاق منو بعد، ماحدث وتدخل،الكل بحياتكوكانك ملكية الجميع هادا رجل مسيطر عليه من طرف عيلته ولا يمكن راح تقدري تعيشي معاه مستقلة عنهم سيعود لهم في كل صغيرة وكبيرة هاذي ضريبة اخر العنقود دائما تسلب حريتو من طرف اخوانه الكبار ويكبر بشخصية ضعيفة الا من يتربى في بيت تسوده العدالة الاسرية لا يهم مدة الزواج الاهم انك تعيشين بكرامة والا فالطلاق اهون لك من سنين في هاذ الجو المتكهرب لي لا يمكن راح يوقف الدليل انو بان من اولى الشهور عيلة لا تحترمك فراقها اكرم لك
  • صورة علم Egypt
    صورة علم Egypt
    من مجهول
    يعني اية تتمسكي بواحد بايعك للدرجة دي ومش واثق فيكي ومصدق كلامهم بس احفظي كرامتك يا حبيبتي واكيد كدا اصلحلك واوعي تتنازلي لان وضعك بالطريقة دي بعد كدة هيبقي مش تمام وهتقدمي تنازلات اكتر من كدة وهو هيستغل دة
  • صورة علم United Arab Emirates
    صورة علم United Arab Emirates
    من مجهول
    ربك حسبك وهو نعم الوكيل الله يعوضك بأحسن منه ويذله ويذل اهله على هالظلم اللي ظلموكي ياه واظبي على الاستغفار والحسبنة والله معك ودعوة المظلوم لاترد .. اشكي همك لله واطلبي حقك وعوضك من الله وكوني واثقة من الاجابة وانتظري عجائب قدرته فيهم عن قريب ان شاء الله بس ماعاد تذلي حالك هيك ادعي الله ينتقم منهم ويذلهم متل ما افترو عليكي وذلوكي
  • صورة علم Lebanon
    صورة علم Lebanon
    من مجهول
    حبيبتي خليها حلقة بإذنك زوجك لو يبغاك ويحبك ما رح يطلقك لو لأي سبب لذلك ما تتمسكي بواحد مو متمسك فيك وحافظي على كرامتك ونشالله الله رح يعوضك احسن منه
  • صورة علم
    صورة علم
    من مجهول

    احفظي كرامتك واطلقي قبل ما يسير حمل وانجاب وبكرة تعاني كل المعاناة معه

  • صورة علم
    صورة علم
    من مجهول

    الله يعينك تحملتي الاذى من حماتك والان يريد زوجك الطلاق بكل سهولة نصيحتي اصبري قليلاً اختي الكريمة، هي فترة سيئة وستمر، وتعود حياتك بعدها الى سابق عهدها وسيكون باستطاعتك الانطلاق من جديد وايجاد زوج مناسب لك. لكن يجب ان تقولي ما تشعرين به الآن امام المحكمة وان ترفضي الطلاق منه قبل ان تعرفي الاسباب الحقيقية لما فعله لان ذلك من حقه وليتعلم ان بنات الناس لسن لعبة في يديه ليعمل بهن ما يشاء.

  • صورة علم
    صورة علم
    من مجهول

    اذا تصرف معك بهذه الطريقة دون مراعاة لمشاعرك وعقلك، فعليك ان تنسيه ولا تلتفتي اليه فهو لا يستحق ذرف دمعة من اجله.والافضل انه لا يوجد اطفال بينكما وهذا لصالحك . ابدأي حياتك من جديد وابحثي عن شخص يستحقك ويحترمك.

  • صورة علم
    صورة علم
    من مجهول

    ما تتمسكي بزوج لا يريدك احتسبيه الى الله وربنا يعوضك افضل منه

  • صورة علم
    صورة علم
    من مجهول

    أسال الله ان يفرج عليك الهم والغم عليكي بدعاء موسى عليه السلام ربي إني لما انزلت لي من خير فقير اسال الله ان يغنيك من فضله ولا تقنطي من رحمة الله عزا وجل إنه بصير بالعباد سبحانه وقولي دوما لا إلله الى انت اني كنت من الظالمين وابشري بالخير

  • صورة علم United Arab Emirates
    صورة علم United Arab Emirates
    من مجهول

    الظلم يا اختي الي بتعمليه بنفسك ، بتمسكك بشخص لا يريدك ، حتى لو رجعتم الان فهو لن يحبك ابدا واجلا او آجلا سيحدث الطلاق ولكن في ظروف اسوء وممكن يكون هناك اطفال ، الان عندك فرصه لبدأ حياه جديده ،. أما بعد مجيء الاولاد سيتعقد الامر عليك جدا ،

  • صورة علم Saudi Arabia
    صورة علم Saudi Arabia
    من مجهول
    حبيبتي لست وحدك ان اصر ع الطلاق لا تبحثي خلفهانا هدرت كرامتي ولم أحصل الا ع مزيدا من الصد
  • صورة علم Tunisia
    صورة علم Tunisia
    من مجهول
    حبيبتي مشاكله اكثر منه والطلاب حلال ربنا يعوضك خير
  • صورة علم Bahrain
    صورة علم Bahrain
    من مجهول
    خيره بغيره.... العائلة راعية مشاكل والمرأة عندهم لا تساوي شيئا ... من البداية ارادوا جعلك جارية مطيعة لهم اعتبري الطلاق هدية ولا ترجعي ... لقد قمت بما يمليه عليك ضميرك تجاههم لكن لم يرغبوا الا بكسرك وسحقك.... احمدي الله ان لا عيال بينكم ...عروس جديدة الاولى بك ان تعيشي في هناء وسعادة لا بمصائب وعقد نفسية.. واذا كان هذا اولها فالله يستر من تاليها ....
  • صورة علم France
    صورة علم France
    من مجهول
    برأيي يا أختي لاتعودي إليه هذا رجل ظالم وليس لديه شخصية مهما أحببته لاينفع لشيء .استخيري الله سبحانه و تعالى والله الموفق.
  • صورة علم Saudi Arabia
    صورة علم Saudi Arabia
    من مجهول
    اصبري إذا كنت صادقه إن الله مع الصابرين
  • صورة علم Jordan
    صورة علم Jordan
    من مجهول
    اطلقي قريبتي كانت مثلك وربنا عوضها بشب عزابي و بحلها وبموت عليها وستتها

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟