حتى طلاقي منه لن يشفي صدري لأني تعودت على الوحدة

انا سيده متزوجه من19 سنه تزوجت زوجي كان في بدايه حياته وسافرنا لبلد غربي عشت معاه 4 سنين ربنا رزقني ببنتين عيبه انه ضعيف الشخصيه جدا قدام والده كان دايما يلح عليه انه يبعتني انا والبنات مصر علشان يقدر يشيل فلوس مع العلم اني اشتغلت سنه والله كنت اديله مرتبي بالكامل وهو يبعت لاهله المهم فعلا ما اتحملتش ونزلت مصر وقدر الله ارزق ببنتين كمان نزلت مصر من 16 سنه كان عمري وقتها 26 سنه كام عايزني اعيش عند والده رفضت وعشت في شقتي ببناتي كان بينزلي شهر واحد فقط في السنه وبيكون كله مشاكل بسبب رفضي لسيطره والده علينا والتدخل في حياتنا هو واخواته مع العلم اني دكتوره ومثقفه والحمدلله ربنا اداني القدره اني اربي 4 بنات واحافظ علي بيته وعرضه في غيابه بشهاده الجميع وشهر الاجازه بيكون كله ضغط عليا بسبب اهله علاقتهم بينا تنقطع تماما مجرد سفره حتي جد البنات ما بيسالش عليهم نهائيا وانا ربي يشهد عليا كنت اتصل اسال رغم انشغالي بتربيه بناتي والاعباء اللي عليا واادي واجبي نحوهم كلهم من مجاملات وكل شيء ورغم كده يتهمني دايما اني باكرههم واني بابوظ علاقته بيهم لمجرد رفضي تدخلهم في حياتنا وفرضهم عليا طول شهر الاجازه اللي المفروض من حقي كزوجه زوجي يعوضني فيه كل تعب السنه بالعكس كان الشهر كله مشاكل زوجي دائم الاتصال بينا وبيبعتلنا مصروفنا كامل وكل شيء لكن عيبه ان دايما شايف ان مالكوش عندي غير المصروف لما اقوله انا محتاجاك كفايه 16 سنه لوحدي يسخر مني لو قلتله البنات محتاجينك يتريق عليا المشكله اني لا استطيع الرجوع علشان اعيش معاه في البلد دي ولا هو عارف يرجع مصر طبعا شغله وحياته هناك انا عارفه انه بيحبني جدا انا وولاده ومش بخيل معانا بس نزل اجازه اخر مره لاحظت انه عامل باسوورد لموبايله وهو كان دايما تليفونهمتاح عالاقل معايا ممكن افتح الفيس عنده وهو نفس الشيء معايا علاقتنا صداقه الحمدلله قبل الحب وعمرنا ما خبينا اي شيء علي بعض البنات لاحظوا انه بيتكلم مع واحده علي واتساب اوقات كتير طول فتره الاجازه علما اننا كنا في رحله رائعة وكنا كويسين جدا البنات سكتوا وانا لاحظت وهو جنبي بيكتب ويداري الكلام ودايما لاغي صوت موبايله بس انا طبعي مش باحب اتطفل عليه او اساله لاني اثق في والله جدا بس مع الاسف البنات لاحظوا انها واحده وانه دايما يكتب ويمسح الشات فورا ويرفض اي حد يلمس موبايله وقبل سفره بيوم البنات شعروا ان في خطر انا كنت مش موجوده وسمعوه بيتكلم في التليفون بصوت واطي فنبهوني لانه كان مسافر خلاص وطبعا سالته بتكلم مين انكر في الاول ولما ضيقت عليه فوجئت انها بنت عمه ودي مطلقه وسيءه السمعه جدا بشهاده اهله ونصابه حتي ان والدتها واخواتها مقاطعينها تماما انا انهارت طبعا هو بيقسم انها وقعت في عرضه علشان كان عليها شيك وكانت حتتحبس علشان مبلغ 2000 جنيه علما ان دخلها 4000 جنيه شهريا معاها طفله واحده في حضانه لكنها بتشرب سجاير وشيشه ومفهماه انها مش لاقيه تاكل بنتها وهو مصدقها ومتعاطف معاها جدا ساعه من كتر ما عيطت وانهارت اتاسفلي وبيقسم انه ما فيش بينهم حاجه سالته طيب ليه كنت بتمسح الشات وريهولي يقولي علشان ما تزعليش وعملها بلوك من كل شيء انا سكتت في وقتها لانه كان مسافر بس انا مش قادره انسي ومش مصدقاه وكل ما علاقتنا ترجع كويسه افتكر واربط الاحداث ببعض وارجع تاني اكرهه الموضوع ماثر فيا جدا اني اكون صايناه وباراعي ربنا في عرضه وماله وتربيه بناته والاقي ده المقابل بدل ما يعوضني انا بعده مش قادره لداتخيل ان واحده بالمستوي ده تسيطر عليه لدرجه انه يكدب عليا ويكلمها اكتر من مره بشهاده بناته هو بيقولي هي اللي كانت بتتصل ومش قادر احرجها لكن انا مش مصدقه قلتله كنت اعملها بلوك وكان الموضوع خلص يقولي معاكي حق سوء تصرف مني مع العلم والله اني عمري ما قصرت معاه في حق من حقوقه سواء هو في مصر او خارجها لدرجه اني بآجي علي حقوق ولادي كتير علشان اكون معاه اكبر قدر وهو هنا او وهو مسافر عالتليفون وعلاقتنا صداقه باسمعله في كل شيء وباحكيله كل شيء لكن تصرفه جرحني جدا وانا حاسه وشبه متاكده انه كان علاقتهم اكتر من اللي بيقوله ولو ما كناش اكتشفنا الموضوع كان استمر فيه معني كده انه بمزاجه ما كانش مجبر يستمر في الكلام معاها وانا حسيت ان كان ناوي يتجوزها او تسافرله لانه دايما يقولي انا عايز اتجوز ويرجع يقولي باهزر هو كان حيعملها من باب الشهامه انه يصرف عليها لانها بتحكيله حكايات كدب طبعا بشهاده اهلها نفسهم علما ان اهلها ظروفهم كويسه جدا جدا وان اخوها لما عرف انه اداها فلوس كان مصر يردها وهو رفض لكن اللي جارحني انها ضحكت عليه وشدته ليها كده وانا مش مقصره معاه تماما بالعكس انا اللي باعيش لوحدي 11 شهر من السنه في كل المسؤوليات واعباء 4 بنات في سن مراهقه باكون محتاجه شهر الاجازه اكتر منه لكنه مع الاسف كل حياتي معاه بهذا الشكل ويوم ما يفرحني لازم يكون بعدها مصيبه من اهله او بسببهم انا مش قادره ارجع معاه زي الاول بأحبه بس الموضوع ده مسيطر عليا جدا كل ما اتخيله باموت لدرجه فعلا اني باتعب وبافضل في السرير هو انا قلت لوالدي واتكلم معاه وقاله اللي عايزاه اعملهولها قلتله اطلق من جرحي بس حاسه الطلاق مش حيفرق معايا لاني كده كده لوحدي فيدوني اعمل ايه