نهرت ملاكي البريء وطردتها.. ومن يومها وأنا أبكي

انا عمري ٣٢ سنة ، اتزوجت من حوالي ٥ سنين بالصدفة اتعرفت على بنت كانت بريئة كتير ، وهي الوحيدة بين بنات الكون حبيتها واخترتها تكون زوجة الي ، اتزوجنا عن حب ، هي حبتني حب جنون وانا حبيتها بجنون ، اتزوجنا وكانت حياتنا كلها حب وسعادة ، ضلينا سنتين مع بعض مبسوطين ، كنت عامل عادي بعمل في معمل وكانت زوجتي تساعدني بالبيت بالعمل ، ووقفتي معي عالحلوة وعالمرة ، احيانا مايكون معنا حق خبز ، بس كنا مبسوطين ، بعد فترة اخدت دين مصاري وفتحت محل صغير على قدي ، والحمد لله امورنا عبتتحسن ، مرت الايام ، طلعنا من هادا البيت يلي كنا ساكنين فيه ، واسأجرنا بيت تاني ، واول يوم في البيت الجديد كان بدو يصير طلاق ، والحمد لله ماصار شي ، وقت طلعنا عالبيت الجديد بلشت مشاكلنا ، كل يوم في مشكلة ، وانا بطبعي عصبي كتير ، بس ما بضرب فقط اصرخ ، زوجتي كانت تهتمي فيني كتير وتحبني كتير ، وكان بدها مني بس اهتم فيها واعطيها حنان ، وانا احيانا بجي من الشغل تعبان ، مابكون رايق للرومانسية ، بس يشهد علي الله كنت بحبها حب عالموت ، وقلتلا لزوجتي كذا مرة انا مابحسن بعيش من دونك وبحبك حب جنون ، بس احيانا قدري ظروفي وتعبي من العمل ، وكنت ما بقصر معها بشي ابدا شو بدها بجبلها ، وما كنت احرمها من شي ابدا ، والمشاكل عبتزيد شوي شوي ، واحيانا بقلها اذا ماعجبك العيشة روحي عند اهلك ، انا عصبي كلمة صغيرة منها غلط بتخليني اعصب واصرخ ، ضلينا لوقت ما قلتلا مرة اذا ماعجبك روحي عند اهلك ، وزوجتي بهي اللحظة قالتلي اي بدي اروح عند اهلي ، بعد ساعه حاولت اراضيها ماكانت ترضى ، عملت المستحيل كرمال ترضى واعتذرت منها ، ما رضيت ، راحت عند اهلها ، وانا بقيت لوحدي كل يوم عببكي واحيانا بتخيل انها موجودة بالبيت ، واحيانا لما بكون بالعمل ، بقول خليني ابعت لزوجتي رساله اشوف شو عبتعمل ، بعدين بتذكر انها مالها موجودة بالبيت ، وكل يوم عببكي على بعادها ، والحمد لله اموري اتحسنت بالعمل واشتريت سيارة وراح اشتري بيت ، كرمال ارجعها عملت المستحيل حكيت مع ابوها ومع عمتها ومع امها مع كل الناس واترجيت الناس كرمال ترجع ، وانذليت ذل اول مرة بعمري بنذل فيه ، قلتلا ارجعي وشو بدك انا جاهز ، وانا اتغيرت للافضل واعرفت كيف يتكون الحياة الزوجية ، قلتلا ارجعي وراح عوضك عن كل شي عملتو معك ، وراح اخدلك ذهب وبيت ، وراح يكون بالبيت في حب واهتمام من الطرفين ، ما عبتقبل ترجع ، صدقوني عملت المستحيل كرمال ترجع ، انا سوري مقيم في تركيا واتزوجت في تركيا ، والحمد لله بعد شهور راح اخد الجنسية التركية انا وزوجتي ، قلتلا لزوجتي اطلبي واتمني ، طلبت مني طلبات تعجيزية مافي انسان بيحسن يلبي هيك طلبات ، وانا وافقت على اغلب الطلبات ، كمان ما رجعت ، ابوها لزوجتي مطلق امها ، وامها راحت اتزوجت والاب راح اتزوج ، وزوجتي ربتها عمتها ، وهلق ابوها بالمانيا وامها بتركيا متزوجه وعندها اولاد شباب ، وزوجتي حاليا ببيت عمتها ، وفي بيت عمتها في ٤ بنات اصغرهم ٣٠ سنة اتنين متزوجين وانتين لا وكلهم ساكنين في بيت عمتها ، واحيانا زوجتي بتسمع كلام من بنات عمتها او من رفقاتها ، وزوجتي انا بشوفها ملاك لا عندها كذب ولا خيانة ولا خباثة قلبها صافي متل الثلج، وهلق انا كل يوم عببكي لوقت ما اختنق ، وانا قلتلا لزوجتي انا مابحسن بعيش من دونك ولا بحسن اتزوج من بعدك ، لاني مابحسن اتخيل اتزوج بنت غيرها، في من الايام سالتني اذا ما بجيب ولاد بتتزوج علي ، حلفت يمين ما بتزوج عليها اذا ما جابت اولاد ، وانا من بعد ما اتزوجتها كرهت النساء كلن وبس عبشوفها هي فقط . حاليا عبقدملها المستحيل كرمال ترجع وماعبترجع ، انا اسف طولت السؤال كتيييير ، بدي تنصحوني شو اعمل ، بدي تقولو لي انا غلطان ولا زوجتي ، شو اعمل كرمال ترجع ؛ مرة ثانية بعتذر من الجميع على طول السؤال