اختبرته ونجح في الاختبار والنتيجة كانت طلاقي!!

السلام عليكم ورحمه الله وبركاته انا  22سنة تعرفت على زوجي من خلال السوشل ميديا زوجي من غير جنسيتي 25سنة يعمل في مدينة الرياض بسيارتة الخاصة في تطبيقات توصيل الطلبات هنجر ومرسول ولي بالسعودية يعرف ما أقصد تعرفنا على بعض وألتقى بي في مدينتي الباحة حيث كنت أقيم بها مع أهلي اسمترت علاقتي معه حوالي 6 أشهر كان نلتقي في الشهر مرة أو مرتين ثم تقدم وخطبني من ابي فوافق ابي على الزواج ثما بعدها ب3 أشهر تم زواجي به في مدينتي ثما انتقلنا إلى مدينة الرياض ثما انا وزوجي قمنا بأقناع ابي بالسكن في مدينة الرياض بدل من الباحة لشراء سيارة والانضمام في عمل التطبيقات أفضل له بحيث كان أبي دخله محدود يادوب يكفي إيجار البيت ومصاريف البيت بس وقدرنا نقنع ابي ولله الحمد ثما بعد زواجنا ب8 أشهر بدء زوجي يتضايق من الجوال وهو في يدي وأقسم عليَّا إلا أن يمسح الفيس بوك والانستغرام وتخانقت معه شوي واخذ الجوال مني بالقوة وقام مسح الايميل ومسح الفيس والانستغرام وترك الواتساب والايمو وقال لي والله لو اشوف معك الفيس أو أي تطبيق غيره لا أكسر الجوال عليك بالصراحة انا زعلت منه ورحت بيت اهلي بحيث كنا قريبين من بعض بنفس الشارع وفي اليوم الثاني اجى زوجي وتكلم مع ابي وأبي لأنه يحبه وقف معه وقال من حقه أنه يمنع عنكي الجوال وقلي يلله أركبي مع زوجك قبل اكسر ظهرك وروحت بيت زوجي وانا مقهوره ساعتها من ابي وزوجي فبدأت انتقم من زوجي بحيث يخرج للعمل وشوي واتصل به اقوله طفشت من القعدة لحالي بالبيت يرجع احيان يترك عمله ويجي يطلعني كذا حديقة أو مول تسوق واحيان يقولي روحي عند اخواتك انبسطي معاهم او خليهم يجو عندك تسولفون مع بعضكم أو عندك التلفزيون أو شوف لك شي فيديوهات على يوتيوب تتسلي لما انا ارجع من عملي وفي مرة من المرات قلت له اشتي اطلع معك واشوف طبيعة عملك في الأول رفض بس لما رفض اصريت عليه بزيادة فوافق بعدها وقالي طيب وش فيها اطلعي معي وطبعاً طلعت وجائتنا بعض الطلبات وفي طلب من الطلبات طلعت مره وهي لابسة لبس النوم واخذت الطلب من زوجي صراحة بدأت اغار على زوجي واكره شغله وزوجي حس ساعتها بغيرتي وقالي ترين ماهم كلهم كذا وقالي انسي الموضوع وبعدين انا اعطيتها الطلب وهي اخذت الطلب ودخلت بيتها ما صار شي عشان تغارين كل هالغيرة وبعدها بفترة بدأت الشكوك نحو زوجي وقلت لازم أني اختبره وفعلاً قمت بإختباره بإنتحال شخصية من جيراننا واتغزل فيه بس هو ما رد عليه وعمل لي حظر ثما فتحت حساب فيس ثاني وبدأت اصوره وهو خارج البيت في موقف السيارات وارسل له صورة ثما رد عليه وقالي من انتي قلت له جارتك قالي وش تبين مني قلت له انا احبك ومعجبه فيك قال خافي الله يا حرمه انا متزوج وانتي يمكن كذلك قلت له بس انا احبك ثما بدأت ارسل له صوري وانا بدون ملابس دون أن اظهر وجهي قام عمل لي حظر وكان يأتي عندي البيت وهو مشوش قلت له وش فيك حبيبي قال لي ولا شي قلت له والله ما اصدق اكيد فيه شي قال لي والله ما فيه شي بس انا مليت من هذه العمارة لازم نغير السكن بحي غير هالحي قلت له كيف تغير العمارة وانت مسدد إيجار سنتين مقدماً وللحين ماقد خلصنا حتى سنة من يوم تزوجنا قال وش فيها انا طفشت تعبت من الحي هذا تفهمي انتي ولا لا قلت له والله ما نطلع منها إلا إذا خلصت السنتين وبعدين انا مرتاحه هون أهلي قريبين مني والحمد لله وجلست يمكن اسبوع لين هدأ شوي وفتحت حساب جديد وأرسلت له نفس الصور ورد عليه وقلي قاتلك الله اتركيني في حالي الله يرضى عليك قلت له والله ماهو بيدي قال لي طيب باشوف خير إن شاء الله وبعدها بيومين قلي زوجي ابيك الحين تفهميني وتوقفي معي قلت له خير قال بس بالاول توعديني انك ما تخرجي عن كلمتي وما تزعلي مني قلت له اوعدك قالي فيه وحده من الجيران تقول انها في نفس العمارة اللي احنا فيها ترسل صور وهي عريانه وتقول لي انها في نفس العمارة الحين ابغاكي تطلعي من البيت عشان تشوفك أنك طلعتي من البيت وتأتي هي عندي وانتي ترجعي بسرعة عشان نعرف من هي وعشان ما تكررها مرة ثانية ساعتها أنا حسيت بالندم لأني ظلمته كتير وقلت له اسمعني اريد منك أنت بالأول انك توعدني انك ما تزعل ولا تغضب عليه قلي ليش حتى ازعل عليك الحمدلله أن ربي رزقني بمثلك واعية ومتفهمة وواقفه معي ع الحلوة والمُره قلت بس اوعدني قال اوعدك ما ازعل بعدها اعترفت له بالحقيقة قام عطاني اثنين كفوف وقال لي انتي طالق وخرج من البيت بسرعة ركب سيارتة ولا أدري أين هو الآن وفي اليوم الثاني ارسل لي مسج وقال لي فيها انا آسف بشأن ضربي لكي لكني لست آسف على طلاقك لأنكي خونتيني واستغليتي ثقتي فيك ياخسارة بس. شفت الرسالة بس مارديت وقتها عليه وفي اليوم الثالث حاول ابي يتواصل معه بس ماقدر يتواصل معه مغلق جواله وسأل ابي عنه أصدقائه اليمنيين وأبناء عمومته قالو له ما ندري عنه والله ولا كلمنا حتى امه في بلده اتصلت علي وقلت لي ليش زوجك ما عاد يتصل بي وش فيه ليكون تعبان قلت لها لا لا بخير بس جواله خربان وسكرت جوالي عشان ما انحرج من امه المسكينة ما عندها علم بشي ...ارجو منكم مساعدتي فأنا والله تائهه اتخبط يمين وشمال ضاقت علي الدنيا منذ 20يوم تكفون دلوني كيف استعيد زوجي الذي أضعته بسبب الشك ..لكن ارجوكم بدون تجريح اللي فيني مكفيني