بليلة العرس اعترفت لي بأنها ليست عذراء

السلام عليكم مشكلتي كبيرة شوي ، ومعقدة ، أنا شب تعرفت ع بنت من شهرين ، بصدفة غريبة ، وحبيتها كثير وتعلقت فيها ، من بعد ما عرفتها بأسبوعين رحت طلبت إيدها ، وضلينا تقريباً شهر خاطبين ، وبعدين تزوجنا ، وصرلنا متزوجين أسبوع ، بس!!! بليلة العرس إعترفتلي إنها مش بنت ! ،وإنها غلطت زمان وتابت ، وترجتني أستر عليها وما أفضحها ، ضربتها يومها وصرخت ، طلبت منها تحكيلي القصة بالتفاصيل ، وحكتلي كل إشي ، وكمان حكتلي إنو معرفتي فيها ما كانت صدفة وإنها بتحبني من زمان ، وكانت خايفة تتقرب مني عشان اللي صار معها ، للعلم اللي صار من شي 3 سنين ، أنا طلعت من البيت ولهلأ ما رجعت ، ما خبرت حدا ، بس مش عارف شو أعمل ، أستر عليها ولا أطلقها ولا أكمل معها ، عقلي مشتت ، والله بحبها أكثر من حالي والله!!