تعبت من أنانية زوجي وعدم تحمله للمسؤولية ماذا أفعل الآن؟

السلام عليكم انا بنت تزوجت من سنتين وعندي طفل عمره سنه وانا مع زوجي اعاني بمشاكل بسبب اختلاف شخصياتنا انا همي الدراسه والحياه ومتعوده على الدلع وهو بس همه حرمه تطبخ له وتنحبس بالبيت وحتى على لبسي يعلق ليش تلبسين شورتات ولا ماركات خليك زي خواتي !! وماله داعي اي طلعه شخص ماعنده طموح ماعنده هدف بالحياه بالاحرى ، وكل همه بس يضحك ويطلع مع ربعه وماعنده مسؤوليه ابد لا لي ولا لطفله واكيد اني فكرت اتناقش معه وكله يتهرب مايحب يتناقش اتكلم لوحدي ويطلع ويخليني اكلم الجدار حاولت بكل الطرق هو يحبني بس ماعنده مسؤوليه واحسه زي الي توهق لم تزوج وحس انها مسؤوليه طيب انا وش حلي بس قلت له انت متى بتتعدل فجاه صرخ علي وقال روحي بيت اهلك ومالك رجعه عندي وكلام كبير وتاركتني الحين بيت اهلي اسبوعين عشان ايش ؟ انا مستحيل اكلمه ولا اهديه مع نفسه بس قولولي وش الحل وانا صغيره لسى وللحين انخطب مايدرون اني متزوجه وهو اكبر مني ب ٩ سنين واحسه اصغر مني ب ٩ سنين بسبب طيشه واهلي فاهمين وحاضنيني بالبيت ومرتاحه بس مو حابه شعور الضياع والمنتصف والتعليق هذا ابي حل وش الحل مع الزوج الي كذا ( علماً ان هو عاش طفولته عند اب وام مطلقين وابوه تزوج وامه تزوجت الزبدع ضايع ) وكنت ابي اعوضه بس حسيته مريض حتى يغار من اهتمام اهلي ودلعهم لي وعلى فكره ماكان كذا بالبدايه معقوله كان يمثل