أشك بزوجتي وأضع كميناً في البيت لكي اكشفها

السلام عليكم ورحمة الله وبركاتة صباح/ مساء الخير على الجميع بصراحه بعد ما قريت مواضيعكم وشفت تفاعلكم حبيت اطرح مشكلتي لكم . وبصراحة ابغي استشارتكم ونصيحتكم بعد الله سبحانه وتعالي بلمشكلة الي بعاني منها في حياتي الزوجية لأني بصراحه كل ما اقول انها انحلت ترجع مره ثاني بتصرف غريب جداً من زوجتي . لانه بأول زواجي كنت بفكر اني مريض بالشك . بس تصرفاتها تقول عكس كذا في اوقات معينة ومزاجها متقلب في بعض الاوقات بالعلم اننا تزوجنا بعد قصة حب جميلة بس اكيد ما تخلو من المشاكل وكان الشك قبل الزواج موجود وايضاً بسبب تقلب مزاجها في اوقات غامضة وتتصرف بتصرف كأني ما اعرفها من اول بس ما كنت ادقق كثير واتابعها واراقبها لانها كانت في مدينة غير المدينة الي انا ساكن فيها . بس بعد ما تزوجنا بفترة ثلاث شهور او اربعة رجع موضوع الشك يجيني كثير من طريقة تصرفها في البيت ومن كثرة انها تجلس ع الجوال كثير وبذات لما اجي ابغي اخذ الجوال عشان افتش فيه بتزعل وتتضايق ولازم تكون بجانبي بحجة ان جوالها فيه صور لصديقاتها واقاربها البنات . فصرت ما امسك جوالها ولا افتش بس الشك في اغلب الاوقات في ذيك الايام كان يقتلني بس ما اكنت اوضح لها . وصرت احط كمين في باب المنزل الداخلي عشان اعرف اذا فتحة الباب من غير اذني ومن غير علمي وكنت اجي في اوقات ما تتوقعها اني اجي فيها فكنت اشوف كل شي مثل ماكان . وعلاقتها معي تحسنة كثير في ذيك الايام فصرت ما احط الكمين ولا اجي في اوقات مفاجئة . الين جي يوم وشكية وبقوة بأن زوجتي تخونني مع سخص تعرفة عليه او مع حب قديم لها مع انها كانت تحلف وتقسم انه ماكان عندها اي علاقة مع رجل واني اول شخص تتعرف عليه وبحبها مع انه بعد زواجي منها بفتره اكتشفت بدفاترها وكتبها الجامعية شخبطة بحرف وكلام غزل واعجاب وكذا . فرجعت وكلمتها فكان ردها انها كانت تتباها وتسوي نفسها امام صحباتها بأنها مغرمه بشخص ومن هذا الكلام وحلفت لي ع القراءن الكريم بأنه ليس لها معرفه سابقه واني اول رجل سكن قلبها وكنت اقول بيني وبين نفسي المشكلة مني انا . ألين جي يوم وكنا متخاصمين في نفس ذا اليوم كانت تبغي تروح عند امها وطول الوقت واحنا راحين زعلانه ولا تتكلم كثير ولا شي . نزلتها بيت اهلها وروحت انا اخلص كم شغله ليا ولما جي وقت رجعتي لها كانت تتصل كثير وتتكلم معايه بلطف وحنيه وانها عزماني ع العشاء . فرحة بصراحه من مزاجها واخذتها وتعشينا في المطعم وقتها طلبت جوالها يبقي معايه عقبال ما ترح لدورة المياة وترجع فرضت بالاول بعدين وافقة بس ما تأخرت رجعة بسرعه شكيت وسكت ورجعنا البيت فتصرفت بتصرف غريب والابتسامة ما تروح من وجها وتسرح وكذا . انا في ذا اليوم دوامي في الليل من الساعة ١١ الين ٧ الصبح والي فاجئني انها حطة فحم وتبغي تبخر مو عاداتها تبخر وانا بره البيت وكانت ترتب المنزل وكذا . تجهزة انا ورايح للدوام بس الشك وقتها خلاص واقف حده ولازم اروح للدوام فرجعت وحطيت الكمين في البابين هذي المره الداخلي والخارجي عشان لا يكون في اي وسوسه . عادة ترسل في الواتس اذا وصلت الدوام طمني . هالمره لا اتصلت عليا وتأكدت اني وصلت واني مشغول في العمل اتصلت مرتين وبعدها جلست لمدة ساعه ونص لم تتصل فتصلت انا وكان صوت التلفزين عالي وهيه دايم ترخي الصوت وقت اتصالي . قالت انها تبعي تنام وقلت طيب وانا خارج من الدوام اتصل عليكي عشان تتجهزي واوصلك معايه وقفلة الخط خلصت انا دوامي ورايح البيت صحيتها وانا بطريقي الين قربت البيت وانا متأكد اني راح احصل الكمين في مكانه وانه كان مجرد شك فقط نزلت وحصلة الكمين الاول مو مكانه تفأجة وضيق بالصدر دخلت للباب الثاني ولم اجد الكمين الثاني وقفة لحظة متفاجئ . دخلت البيت حصلتها امامي تحضني وتقولي ليا كلام غزل وكذا وانا متفاجئ قلت لها انتي فتحت باب الشارع الداخلي اجابة متفاجئة ايوه كنت ابي اشوف النور حق الحوش فقط ودخلت قلت طيب وسكت تجهزت وركبنا السيارة وقلت لها باب الحوش ليش انفتح قالت لا قلت انا انفتح الباب لاني كنت حاط كمين .وقتها صوتها صار مبحوح وضعيف وتقول لا ولا اعرف عنه شي وكانت تحلف بالله . جلست الين خلصت من دوامها وكنت استجوبها وكانت تنكر فتح الباب وانه محد دخل عندها جبت القرأن فالاول قالت ما احلف وانا ما توضية فأجبرتها فحلفت بحياتها وعمرها . وانا متأكد اني حطيت الكمين بشكل ممتاز صعب انه يطيح بسبب هواء او هزة باب . وقلت لها انتي خائنة فكانت تهدي فيني وما زعلت من اتهامي لها ولا اخذة ردة فعل بالعكس كانت جنبي وتشرح ليا فتركتها . وفي اليوم الثاني طلبت منها ان تجيب ليا عصير فكان ردها انها مشغوله لما اخلص اجيب لك سكت . بعد ربع ساعة جابت ليا العصير تركت العصير وما شربته . بعد خمس دقايق رجعت تبغي تطلع تتعشاء بره ققلت لا ابغي انام فردت رد بستهزاء فكان ردي لها بكلمة انتي زباله حشاكم الله هنا هيه زعلت وطلبت انها تروح بيت اهلها تركتها ودخلت نمت بعد ما نمت بساعة ونص تجي تصحيني عشان اوصلها بيت اهلها . وحدثة بعض الامور من ناحية تصرفها الايجابي معايه برساليها ومحادثة في الواتس ب أني اغلا ما عندها واني اهم شي بحياتها وان لا اخلي امور مثل ذي عقدة في حياتي ولو فيه ربي واح يظهره لك من باب المسايسه معي وان اترك الموضوع لله لو كان فيه ربي راح يظهره لك . ابي اعرف منكم انا هنا ايش اسوي وايش اخذ القرار مع انها حامل وفي الشهر الثامن . وكمان وقت وانا استجوبها اشوف علامة الكذب فيها من تصرفات يدها ونظرة عيونها . وايضاً ما عندي دليل ثابت رغم انكارها وحلف اليمين والله اني ما صرت اكل ولا انام ولا اعطي دوامي حقة ابي حل ابي اعرف البنت هذي ليش يصير معانا كذا وسامحوني ع الاطاله